各位文青，相信你哋嚟緊又好唔得閒，事關又有一間文青系咖啡店登陸啦！
今次，就有天梭表聯乘BREAD, ESPRESSO &喺4月至5月期間開設全球首間Pop-up Café，今次限定兩個月，店名為「TISSOT Swissmatic Pop-up Café by BREAD, ESPRESSO &」。有第一代文青女神蔣雅文為Café做文青顧問提供意見，除咗加入有瑞士元素嘅Poya圖案，更夥拍90後人氣插畫師Kazy Chan打造清新裝潢。自認係文青嘅大家，就記得唔好錯過啦！
雅文細訴文青心聲
雅文喺4月4日就親身到場主持開幕儀式，為大家分享今次嘅創作理念。蔣雅文一直以來被人有種勇於追夢嘅印象，她多年前出走到另一個地方，由零開始開展新生活、新事業，路途一啲都唔容易。佢一直都忠於初心同埋感覺，自問唔會輕易鍾意一件物件，但不違言直至遇到瑞士天梭表「Everytime Swissmatic」自動腕錶，她發現原來用創意配合瑞士傳統工藝，可以細膩演繹，觸動心靈。
「我覺佢哋（天梭表）好有心，對於年青人嚟講，可能會覺得天梭表呢類自動腕錶屬於較奢華嘅一種，細細個睇著爸爸擁有這些腕錶，年青人未必有能力負擔得起。但今次（天梭表）推出一個較親民嘅系列，令年輕一輩有機會擁有咁精緻嘅工藝，再加上佢嘅簡約設計，錶帶可以更換，配搭之下符合年輕人嘅衣著風格。」
「TISSOT Swissmatic Pop-up Cafe by BREAD, ESPRESSO &」:主打簡約清新概念，連店名都融合咗品牌嘅名字「Swissmatic」，個性非常突出！
換個角度嚟睇，腕錶對雅文嚟講，可以話係「活於當下」嘅指標，「電子上嘅秒數同錶盤上嘅定義唔一樣。電子係數字，但係如果睇著錶盤嘅秒數喺度轉動時，會提醒我時間喺度流逝緊，叫我把握時間。如果沒有人去在乎呢種手錶工藝，我會覺得好可惜。呢種錶款，每隻錶盤都係透明嘅，可以睇到裡面轉動緊嘅錶盤，連細螺絲同埋齒輪都睇得見，可以話係一件好夢幻嘅事。而家我哋有能力去擁有呢件物品、重視呢種工藝，可以話唔止手錶咁簡單！」
天梭表全新嘅「Everytime Swissmatic」腕錶系列：設計推崇簡約時尚風格，邊一款會係你「飛佛」呢？
Kazy 設計特色牆x期間限定Menu登場
蔣雅文嘅文青意見，加上人氣插畫師Kazy Chan參與店內嘅裝修，睇真啲真係完完全全係將日系嘅簡潔、加上瑞士簡樸嘅童心融合成嘅代表啊！
店內以原木色系配搭，感覺簡約清新。
由Kazy親身設計嘅特色牆，充滿童真玩味。
環境睇完啦，食物同樣都有番咁上下！咖啡店佢嘅期間限定MENU就由BREAD, ESPRESSO &嘅咖啡師同埋名廚設計，BREAD, ESPRESSO&來自日本東京表參道，大家可以享受到天梭表春日限定嘅手工果撻、手工咖啡同埋創意菠蘿青瓜特飲。
印有TISSOT嘅春日限定套餐，會唔會吸引到你相機食先？
果撻係亮點之一，相信會深受女生歡迎。
唔好咖啡嘅，可以嗌杯特飲嚟chill 一chill。
如果大家喺天梭表買滿港幣$6000或以上，又或者買任何「Everytime Swissmatic」自動腕錶系列，仲可以獲得TISSOT春日限定精緻手工果撻配咖啡/特飲一份架啦！數量有限，先到先得，送完即止。
TISSOT Swissmatic Pop-up Café by BREAD, ESPRESSO &
日期：由即日起至5月31日
時間：早上8時至晚上8時
地點：尖沙咀漆咸道南115號地下
查詢電話：2510 5341
Tissot Hong Kong 網站：https://www.tissotwatches.com/zht-hk
特約分享：Tissot Hong Kong
*相片僅供參考，一切以實物為準。