奧比斯一直喺世界各地實行飛機醫院救盲工作，亦曾去埃塞俄比亞解決當地砂眼問題。喺落後發展中地區，通過分享眼科知識、技術同資源，改變無數眼疾患者生命。佢哋全方位嘅工作，除咗眼科飛機醫院教學，仲會同各規模醫院合作建立醫療網絡，提供長遠培訓、推廣眼科服務。

但疫情之下，奧比斯需要暫緩部份前線工作，包括今年六月前所有眼科飛機醫院嘅培訓工作。即使眼科飛機醫院暫時停飛，救盲工作並無因此暫停，憑藉奧比斯專屬嘅網上醫療教學平台—Cybersight，繼續救盲。

奧比斯嘅網上醫療教學平台Cybersight，可以為發展中國家嘅眼科醫護人員提供支援，喺疫情中發揮重要作用。

據估算，去到2050年全球失明同視障人士數量將增加三倍，面對呢個嚴峻問題，奧比斯透過網上醫療教學平台提升更多醫護人員技術，令眼疾病人得到適切診治係相當重要。

2020年1月，登記Cybersight 用戶為16,400人，及至同年8月已躍升至超過30,000人，遍及200多個國家及地區。可見即使全球多個地區需要進行居家隔離，但奧比斯並無放慢救盲同培訓嘅腳步，令世界各地超過400人嘅義務醫療團隊可利用科技，繼續教導同支援處於唔同疆界嘅眼科護理人員，包括眼科醫生、護士、視光師同技術人員等。

 喺奧比斯眼科飛機醫院中，可以用Cybersight 實時將教學內容傳送到世界各地。

除咗有網上研討會、手術示範外，眼科護理人員亦能喺Cybersight 上即時進行病人諮詢同對話，方便尋求專家嘅第二意見。蒙古烏蘭巴托嘅眼科專科醫生Dr. Ijilmurun 就提到，由於蒙古嘅眼科醫學界缺乏與時並進嘅知識，所以需要依賴Cybersight 提供嘅培訓同指導，可以透過手術顯微鏡觀看眼科飛機醫院嘅精細手術同發問。

 世界各地嘅醫護人員，亦可以透過Cybersight傳送醫療相關圖像，以作溝通。

自疫情蔓延至今，奧比斯獲各界善心人士同捐款者捐贈外科口罩、防疫物資，從而轉贈畀本地視障人士。

奧比斯協助發展中地區眼科醫院，喺疫情之下尋找保護裝備。

想出一份力令奧比斯幫助更多視障人士，而家可以透過AlipayHK、WeChat Pay HK 電子錢包直接捐助奧比斯。只要每月捐助HK$500，可持續資助眼科飛機醫院救盲項目，幫助眼疾患者接受手術同時作育眼科專才。

疫情下，眼科病人仍然有急切需要接受治療。

今年10月8日就係充滿意義嘅「世界視覺日」，奧比斯醫療團隊喺疫情下依然同世界各地嘅合作夥伴，繼續努力進行緊急援助，為處於失明邊緣嘅眼疾患者積極施救。同時於Cybersite 針對清潔及消毒程序進行高規格指導，以減低醫護感染機會。一齊響應「奧比斯世界視覺日2020」，任何捐款都可獲贈一枚奧比斯小熊Seymour襟章作紀念（隨機一款）㗎！

捐款港幣$1,000或以上更可獲限量版奧比斯小熊Seymour襟章套裝一套 ，立即把所有奧比斯小熊Seymour襟章帶返屋企！

想捐款可Click入呢個網址>> www.orbis.org/hkwsd

*圖片只供參考

*資料由客戶提供