仲有兩日就係開飯熱店大賞嘅大日子喇，由2008年舉行第一屆開始，今年剛剛踏入第十年。這十年來無論係OpenRice、開飯熱店大賞以及香港飲食界都經歷咗大大小小嘅轉變。一於喺2017年度開飯熱店大賞之前，等我哋重溫一吓究竟有咩變化啦！

精挑細選最優秀

作為美食天堂，香港飲食界出名百花齊放，2009年OpenRice登記的餐廳數量只得25,000間左右，直到今日已經多過一倍！餐廳數目倍增，但我哋每年都會重新檢視規則，好似2012年入圍餐廳數量多達500間，投票數字亦達40萬。近年我哋將範圍縮窄，由310間入圍名單中挑選91間最優秀嘅餐廳，全部都係best of the best超班馬！

自創得意主題

開飯熱店大賞旨在畀全港市民投票，民選出最出色及優秀餐廳。近年OpenRice為大賞創作不同主題，令成件事更有趣更有睇頭！好似2015年嘅超級英雄「Gourmet Heroes」、上年嘅喵星人「為食貓偵探團」、今年嘅開飯軍隊「特種開飯團」，都令頒獎禮生色不少。下年你哋又想係咩主題呢？

走在潮流最前線

飲食潮流好似換季咁一直推陳出新，所以OpenRice每年都會因應市場而調整獎項，以貼近本地飲食趨勢！想當年曾經同新浪微博、LINE合作，畀中國網民及LINE用戶投票。2015年因為韓風襲港而新增韓國菜類別，去年更破格增設人氣芝士撻、抹茶及卡通主題獎以及至尊大獎。至於今年嘅新獎項為愛心熱店，表揚為社會盡一分力的愛心食肆。

開飯熱店大賞為OpenRice每年一度盛事，鍾意飲飲食食嘅你，一定要密切留意5月17號嘅頒獎禮揭盅！

文：Perrins

開飯熱店大賞網站：https://www.openrice.com/info/awards2017/index.html