\r\n這裏最煞食的是有個足足51 吋的大電視，會24 小時不停為您播放足球賽事、賽馬。一大堆朋友可以一路飲酒、一路睇波兼一路聊天。而鍾意二人世界的您亦可以藉住廳柔和浪漫的氣氛，同愛人談心，增進彼此的感情。就算一個人悶悶地都可以去到互聯網專區上網結識新朋友，無論幾多人去到都唔駛怕悶！\r\n
除了好玩好睇，這兒當然好食啦！中菜館會有鴛鴦炒飯，越南菜館會有三色飯，而Cafe 2000 就有日式西「三色意粉」（$38），相信您都未試過！一碟「三色意粉」共有3 種味道：咖喱、小白汁和肉醬茄汁。未食之前3 個醬汁會分得清清楚楚，但一食就好似打將咁亂，一啖食到三種味，貪心的您一定唔可以錯過！\r\n
\r\n
另一款「日式鰻魚炒飯」（$48）亦十分滋味：以正宗的日式醬汁，配合上等鰻魚、珍珠米，再加上蛋絲，顏色已配合得好靚，食落鰻魚仲好夠味。一般的鰻魚炒飯都會得很少鰻魚，點知這裏的鰻魚不但大大件，而且肉汁味濃，包您食到好開心。\r\n
\r\n
這裏的特飲款式亦很多，但以「凍法式咖啡」（$20）的賣相最浪漫。「凍法式咖啡」分三層：一層係忌廉，一層係鮮奶，一層係咖啡，就仿似一層霧上又一層霧，非常飄逸迷幻，而且咖啡味唔濃，亦好適合女仔飲。\r\n
\r\n一連介紹了Cafe 2000 咁多好玩好食的地方，各位喜歡創新的食家，認真要試試！