面對疫情，多間酒店嘅自助餐陸陸續續咁轉型，改為任飲任食形式，由專人遞上。除咗上次介紹過嘅五間酒店（回帶文章按此）之外，最近又多多四間啦。
尖沙咀 倚窗閣 
呢間位於尖沙咀嘅酒店，除咗將自助餐改成無限任點之外，亦調整咗訂枱數量，務求每位客人都可以食得放心~酒店提供無限任點午餐同晚餐，食物款式雖然少咗啲啲，但繼續都仲有新鮮生蠔、雜錦刺身、西冷牛扒、烤羊扒、香煎三文魚柳等，甜品則有多款蛋糕同4種口味嘅Mövenpick雪糕，都夠止癮！
供應時間：
任食午餐（12:00-14:30）；任食晚餐（18:00-21:30）
供應期：即日起至4月30日
優惠券：無限任點晚餐75折優惠(4月)
優惠券：無限任點午餐75折優惠(4月)
將軍澳 尚廚 
同樣改為任點任食，佢哋採用「剔紙仔」嘅方式，想食乜就剔乜，再由專人遞上，咁就唔使驚走嚟走去，增加同其他人嘅接觸啦。提供嘅食物款式同以前自助餐一樣咁多，包括鮑魚海鮮啫喱凍、法式焗鮑魚、龍蝦牛油果他他等，畀海鮮控一個豪歎龍蝦鮑魚嘅機會！
供應時間：
18:30-21:30
供應期：即日起 至 5月31日
優惠券: 高達75折優惠
尖沙咀 尖沙咀凱悅酒店咖啡廳
呢度嘅自助餐即使改成任點任食，都一樣有得食佢哋嘅招牌活龍蝦呀！酒店提供點菜紙，畀大家慢慢揀，再由餐飲團隊送上。選擇都幾多呀，例如印度薄餅、即煎鐵板燒肉扒、鵝肝、各式冰鎮海鮮等都有；不過甜品就依舊要大家親自去甜品區揀啦！
供應時間：
18:00-22:00 （星期一至五）；18:30-22:00 （星期六、日、公眾假期前夕及公眾假期）
供應期：即日起至另行通知
優惠券: 全單85折
沙田 2+2 Café
(4月9日最新Update：因應政府最新公佈的抗疫措施，餐廳暫不再供應任飲任食晚餐啦)
呢間酒店即日起推出任飲任食晚餐，有超過40款多國美食！打頭陣嘅係一人一份冰鎮龍蝦海鮮拼盤同日式刺身，由餐廳團隊逐一捧上，絕對滿足到海鮮控~仲有源源不絕嘅烤美國肉眼扒、烤羊扒、壽司、牛肉湯烏冬等，唔使去旅行都食到中、西、日式美食！甜品方面就有朱古力布朗尼、藍莓芝士蛋糕、草莓慕絲蛋糕同勁多口味嘅Mövenpick雪糕等！
供應時間：
18:00-21:30（逢星期五至日、公眾假期及前夕）
供應期：即日起 至 5月3日
文﹕Kiko
編：Kar
