白灼鯊魚皮($25) 是選用大黑鯊的魚皮，滑滑之外又煙煙韌韌，若蘸點辣沙茶醬，更加令你唔停得口。講求口感和刺激的你又點可以錯過呢？
由冰凍的豆腐配上皮蛋、柴魚皮和豬肉鬆，再淋上醬油汁製成的皮蛋豆腐($15) 。\r\n
\r\n食之前記緊要將賣相娟好的豆腐搗過稀巴爛，這樣才能一次過食到肉鬆的甜、皮蛋的香和豆腐的滑各種味道。
\r\n
\r\n魚丸貢丸你就試得多，但係台式的魚丸貢丸羹冬粉($30) 你又未必試過！冬粉即係台灣粉絲，比傳統的更加透明，更加煙韌；而羹湯水份較少，味道較濃，食落充滿陣陣的泡菜和黑醋的酸味。\r\n\r\n燙青菜($13) 是採用台灣的A 菜，中國也有，但叫做油嘜菜。淋上A 菜的汁由黑醋、蔥油和醬油製成，而非一般的蠔油或鼓油，難怪咸咸甜甜鬼咁好味。
\r\n據調查所得，易牙妙手上至材料、下至鼓油都由台灣入口，目的是為了保留台灣菜的神髓，想一嚐台灣的地道美食，你知道可以去邊喥食啦？！