今年金寶湯再次同惜食堂合作，舉行為期5日嘅限定金寶湯專車。今年除咗增加好幾款金寶湯口味，最正嘅係可以打造出屬於自己嘅金寶湯罐，就好似Andy Warhol幅名畫咁，鍾意轉咩色就咩色，得咗！

操作非常簡單，首先揀選金寶湯罐嘅上、下層顏色，然後輸入不多於12個英文字母嘅英文名，click OK就搞掂。入面係金寶湯皇牌──羅宋湯。只要喺現場購買任何一款金寶湯，加$20就可以玩。又或者直接捐出$50予惜食堂都玩得架！

呢架金寶湯專車，好有歐洲復古味道，並以「Soup Your Style」為主題。專車供應6款金寶湯，全部係美國急凍湯磚直送到港，再即場煲煮而成，好味又足料，並且無添加味精或防腐劑架！

今年繼續供應羅勒蕃茄濃湯及忌廉蘑菇湯之餘，亦新增新英倫周打蜆湯、田園雜菜湯、周打粟米雞肉湯以及現場先飲到嘅神秘口味──蘆筍忌廉湯！

每日限量50碗嘅蘆筍忌廉湯，湯色帶點淺綠，聞落有少少蘆筍嘅清新。

至於味道，蘆筍嘅「草青」味都幾濃，口感好lgiht，潷起亦見粒粒蘆筍。

除此之外，現場亦設有兩米高嘅巨型湯罐以及由金寶湯罐組成嘅金寶湯牆，湯罐上面都寫咗不同名字，唔知你又搵唔搵到自己個名呢？

金寶湯專車
活動日期：即日起至1月12日
活動時間：12nn-7pm
地址：鰂魚涌太古坊多盛大廈地下正門外

文：Joy