\r\n行得咁上下，又到午飯時間，今次帶大家去到德福2 樓麥記對面一間葡菜廳，環境裝修得美輪美奐，望進去更有個酒吧位，再睇睇門口個Menu ，想不到原來價錢不太貴，平均$30 多元一個Set Lunch。入到「大三巴」，眼見多白領儷人西裝友都是座上客，可見質素唔會太差。\r\n

\r\n

\r\n這兒是葡菜廳，菜式都幾特別，就如這個「亞東魚葡國沙律」（$35），味道清甜，菠蘿生菜粟米等都幾爽口，不是霉霉爛爛那種。

\r\n「亞東魚」也就是吞拿魚，雖然全不是貴價材料，但入口很受落，簡單得來食得很舒服！\r\n

\r\n

\r\n另一碟「芝士焗海鮮意粉」（$32），芝士味卻不太濃，淡淡口，有青口、蟹柳、蜆肉、蝦仔、魷魚仔等。較可取是蟹柳用了較上乘的貨料，好香口，比起食落口完全無味的「蟹柳粉條」好的多。
這裏日間是快店形式，到晚飯時間就變成落單形式，個酒吧位當然名乎其實啦，晚飯時段就有酒飲喇！\r\n

\r\n

\r\n其他菜式如咖喱牛肉、龍利柳、三文魚焗薯等質素都不太差，一個Set Lunch 都係$30 左右，係附近工廠區上班的食家，應該過去商場食晏逛逛嘆一下，咪成日都去工廠飯堂咁悶氣喇！