樓上 café 喺香港愈開愈多，到底如何才能突圍而出呢？在主流云云的工業風或極簡主義裝潢中，這間 cafe 以日本昭和時代洋食店作主題，裝修特別之餘亦可一看店主佈置場地的各種心思。

甫進店內，裝潢以木材為主，鋪上通花布的暖色皮座、水晶燈等在日本購回來的裝飾，猶如回到昭和時代的「摩登小店」— 在老日本才感受到的氣息。

「裝修最困難喺要花時間去做舊，因為大部分傢俬和在日本買返嚟嘅木製裝飾，都需要人手上色同擦舊。」店主 Jarlath 和 Sam 表示此舉只為加強店內懷舊氣氛，設計空間上亦將傢具放置得不會一式一樣。同時他們在日本搜購裝飾品時亦遇到不少困難和難忘的事。「運玻璃製品返嚟好怕會碎，但最記得我地試過搬張 vintage 圓櫈塞入個喼度，買果陣覺得好靚，但結果太大幾乎入唔到喼，好彩最後運得到返嚟！」

水果 pancake 塔（＄78）- pancake 口感偏向傳統的較為厚實，夾層澆上鮮忌廉和各款水果，酸甜口感適合炎夏天氣

青紅蘋果吐司配雲呢拿雪糕（＄78）- 事先下好楓糖漿的蘋果經火槍烤過後爽脆酸甜，放上雲呢拿雪糕和糖粉賣相吸引

食物方面都以日本當地的「喫茶店」作參考，主要以下午茶輕食，如三文治或烤多士為主； 當中亦有數款意粉和飯類以供客人選擇。其中青紅蘋果吐司配雲呢拿雪糕和水果班戟塔都是店內較受歡迎的菜式，但要數讓店主們最難忘的非「TORIO cake」莫屬。

TORIO cake （＄48）- 蛋糕分成布甸、吉士醬和海綿蛋糕三層，雲呢拿香味濃郁，口感特別但海綿蛋糕略過濕潤。

蛋糕分成三部分，以布甸作為蛋糕底層，再以海綿蛋糕夾著幼滑吉士醬，蛋糕內層吉士醬柔滑，雲呢拿香味重，配上海綿蛋糕不會像忌廉一樣有油膩感。而這個配搭是店主二人不斷嘗試和改變而誕生的。「我地唔係好叻整嘢食，所以當中嘗試左好多次，之後先最後搵到大家滿意嘅口感！」

TORIO喫茶部

觀塘興業街16-18號美興工業大廈A座1樓4室

文、相、片：Timothy