出街食飯唔係ABC餐就係快餐常餐？想自己話事又懶得煮嘅話，旺角區呢間新開嘅意大利餐廳或者幫到你，因為佢地可以畀你自由搭配出個人口味嘅Pizza同甜品，而小食都相當有特色，去多幾次都唔怕悶！
 

Zero主打嘅10.5 吋意式薄餅可以根據自己口味選擇醬汁同食材，包括喇沙醬、西班牙甜椒杏仁醬、車打芝士、香辣牛肩肉、蒲燒鰻魚等。當然，如果你自問係選擇恐懼症患者，仲有野菌芝士薄餅同意式辣肉腸薄餅等經典配搭任揀。
 

一大班朋友仔剩係食Pizza當然唔夠喉，餐廳仲有一系列小食、意粉同主菜。當中最搶鏡嘅就要數到雜錦拼盤！用迷你摩天輪裝住伊比利亞火腿炸薯丸、墨西哥辣椒蜜餞雞翼同照燒汁芝士肉丸串燒等惹味香脆小食，最啱配啤酒。另外仲有燒豬肋骨、蒸松露蝦蓉粉包等主菜。
 

完美嘅一餐當然唔少得甜品！自創甜品薄餅同自創雪糕杯一樣係按自己喜好任揀醬料同配料，好似海鹽焦糖醬、意大利軟芝士醬、蜜糖脆脆同多款新鮮雜果等。自己甜品都可以自己話事。 

 

文：Cathy