出街食飯點先最抵？即刻跟實每月至抵優惠Book枱食飯、用抵食餐飲券堂食同外賣自取，就可以擸盡著數啦！
新年新優惠！1月份外賣自取繼續優惠大放送，只要加$1就會送小食或飲品，真係超抵！
八時神仙草（全線分店） 買芝士奶蓋飲品系列+$1多1杯
台灣特色甜品同飲品嘅店，佢哋嘅芝士奶蓋飲品系列特別受歡迎，每款都加入香滑濃郁嘅芝士奶蓋，配搭唔同嘅茶底同配料，帶嚟絕佳口感同層次。芝芝芒果甘露凍係芒果控嘅天堂，香甜嘅芒果甘露底配搭啖啖芒果粒，飲落啱啱好甜，唔會過膩。再加上芝士奶蓋嘅鹹香同滑溜口感，完美提升整體味道；芝芝抹茶仙草凍奶茶將抹茶嘅微苦同仙草嘅草本清香結合，再配上幼滑奶茶，口感豐富。芝士奶蓋嘅加入，帶出咸甜平衡嘅層次感，每一啖都充滿驚喜。
樂園魚旦專家（指定分店） 粉麵類/飯類+$1送炸魚蛋/ 炸雲吞或+$1送特飲
地道港式小食店，主打多款經典小食同粉麵，而家只環叫指定粉麵類/飯類+$1就會送飲品或炸魚蛋/炸雲吞！崩沙牛腩燜得軟腍入味，食得出牛脂香；招牌魚蛋彈牙爽口，滲透住淡淡嘅魚香；金牌豬手以肥而不膩見稱，豬手燜煮得非常入味，皮韌肉嫩，膠質豐富；鮮蝦雲吞皮薄而滑，內餡飽滿，用料實在，牛腩同豬手除咗粉麵仲可以配飯㗎。
茶大椰（全線分店） +$1多一杯天然椰系列任選
台式飲品專門店，其中嘅天然椰系列特別受歡迎，以新鮮椰奶為基底，結合各種特色配料，清新又健康。荔枝椰係椰奶配荔枝嘅完美結合，椰奶香濃順滑，配埋荔枝嘅清甜果香，每一口都好有夏日氣息；仙草椰嘅草本香味同椰奶自然甜味互相輝映，口感豐富；水晶凍椰加入晶瑩剔透嘅水晶凍，口感輕脆爽滑。
尚青商號（灣仔） 買吃點湯麵/吃點拌麵/吃點米飯 +$1送冬瓜茶
以正宗台式風味俘虜咗唔少食客嘅味蕾，當中嘅多款招牌麵食同台式小食更加係必試之選。尚青三寶牛肉麵包括美國頂級Prime牛小排、牛腱同牛筋，牛肉燉煮得入味軟腍，湯底濃郁而帶有淡淡藥材香；小排麻奶鍋燒麵以香濃嘅麻奶湯底為基礎，配上牛小排、鴨血、花枝丸、蛋、菜同油條，食材豐富又有層次。飯類方面有香菇魯肉飯同鹽酥雞台灣腸魯肉飯等，同埋叫湯麵/拌麵同飯+$1就會有冬瓜茶啦～
九町屋（天后） 指定主食加$1 送炸餃子 ($32) / 吉列黃金蝦 ($35) / 唐揚雞 ($35)
日式料理餐廳，招牌便當同鍋物係必試之選。醬燒雞扒便當採用嫩滑多汁嘅雞扒，醬燒得恰到好處，鹹甜味均衡，配埋軟糯嘅白飯同多款小菜，色香味俱全；牛肉生薑燒便當以薄切牛肉為主角，搭配清香微辣嘅生薑燒汁，將牛肉嘅鮮甜味完全帶出；豚肉壽喜鍋（配米飯）係冬日必點之選，濃郁嘅壽喜燒湯底滲透住豬肉嘅鮮甜味，加入蔬菜、豆腐同粉絲等配料，溫暖又滿足。額外加$1仲可以選擇炸餃子、吉列黃金蝦或者唐揚雞，每款小食都炸得金黃酥脆添～
點·子·巷（鰂魚涌） +$1送台腸片奶油意大利麵拼甜不辣
充滿台灣風味的小餐館，主打地道嘅台式家常菜，每一道菜都滲透住台灣人情味，由前菜、主菜到湯品都充滿特色。醉香桂花藥膳雞湯選用多種中藥材慢火熬製，再加入桂花，香氣怡人，湯色金黃透亮，入口溫潤而不膩，帶有淡淡嘅藥材香，特別適合想滋補同養生嘅食客。講到台式小食，點少得鹽酥雞呢！炸得金黃酥脆，內裡保持嫩滑多汁，仲撒上九層塔提味，香氣四溢。而家只要叫呢兩款，加$1就可以享用埋台腸片奶油意大利麵拼甜不辣，濃郁香滑，但唔會太膩，配搭台灣香腸片，鹹甜交融，別具風味。而且仲有台式甜不辣作為拼盤配菜，呢個組合創意滿分！
TT（天后） 9折之後再加$1送TT甜品 / TT茶飲
主打地道台灣小食嘅餐廳，餐牌選擇多元化，無論係飯、麵、炸物或者飲品都有得揀。如果你叫咗招牌台式鹽酥雞扒肉燥飯、台式鹽酥雞扒麻醬拌麵等飯麵類主食，只要加 $1就可以享用一杯飲品！選擇包括珍珠奶茶、斑斕奶茶同百香果檸檬紅茶等，尤其推介佢哋嘅珍珠奶茶，口感煙韌彈牙，奶茶香濃順滑；而斑斕奶茶就帶有椰香氣息，值得一試。
兩姊妹涼皮有限公司（旺角） +$1送黑糖五彩冰粉
主打地道西北風味小食，其中必試嘅就係招牌兩姊妹涼皮！涼皮爽滑彈牙，搭配酸辣醬汁，開胃又夠惹味。而天氣凍嘅時候，就要試吓佢哋嘅暖笠笠熱皮，熱辣辣送上，入口滑溜又暖胃，非常適合寒冷日子。而家只要叫加$1就可以享用埋黑糖五彩冰粉，冰涼爽口嘅冰粉加上黑糖漿，配埋各式繽紛配料，如黑糖、花生、芝麻、提子乾等，每一啖都甜而不膩～
舊機場車仔麵（九龍城） 9折之後再加$1送各款菜類
以地道港式車仔麵為主打，提供多種湯底選擇，如冬蔭公湯底、清湯、濃香沙嗲湯底等，味道香濃可口。食客可以自由選擇粉麵種類，配搭豐富餸料，例如柱侯牛腩、墨魚頭、豬頸肉、豬軟骨、厚切豬膶、芋泥貢丸等，每碗都充滿濃濃香港味道。而家+$1送唐生菜、菜心、芥蘭及娃娃菜，咁就健康啲啦～
巴豆妖（油麻地） +$1送多款台式小食
油麻地人氣台灣菜餐廳，招牌紅燒腱心牛肉麵湯底濃郁香濃，牛腱心肉煮到又腍又入味，麵條煙韌彈牙；鹽酥雞粒滷肉飯鋪滿鹽酥雞粒，酥香雞肉同滷肉汁完美融合，口感豐富又過癮；想飲啖滋補又清甜嘅湯？呢個椰子花膠雞湯就啱晒你啦！用椰子水熬煮，湯底清香唔油膩，加埋花膠提升滋陰養顏效果，配白飯食更加滋味。而家+$1送地瓜球、甜不辣、宜蘭香䓤餅、珍珠奶茶布甸或黑糖珍珠仙草芋丸等～
新一年OpenRice繼續為你帶來無限驚喜！OpenRice為你帶嚟加$1多一份主食、小食、甜品或茶飲！即日到2月13日，輸入優惠碼「ADD1」，消費滿$50再減$10！
仲等？按此立即落單
ADD1：https://www.openrice.com/info/takeaway/tc-ADD1.html
