大家打邊爐通常食咩先呢？歪歪就話會淥牛肉先，皆因貪佢快熟。今次去嘅火鍋店主打刁鑽牛肉部位，而全線11間分店都有供應嘅「616特選勁量火鍋套餐」，OpenRice獨家有快閃買一送一優惠啊，即睇啲牛肉有幾刁鑽先～
616特選勁量火鍋套餐 買一送一全日適用 
牛肉、火鍋配料共15款食物，兩個人食好豐富（圖為買1送1後，$438/2位用分量[未連附加費]）
呢個特選套餐嘅主角係6款特別牛肉部位，包括牛駝峰、滑尾龍、澳洲五花趾、特盛大刀牛五花、安格斯橫隔肌同埋花雕醉牛，進口同本地牛都試到，款式都幾多。
蟲草花冬瓜雞鍋（加$48）
開餐前梗係揀湯底先，套餐本身配咗牛骨湯底，以20斤本地新鮮牛骨、洋蔥、藥材等熬煮8個鐘，清甜得嚟帶淡淡藥材香氣。如果想嘆鴛鴦鍋（加$20），歪歪就推介花生味夠濃厚嘅沙嗲湯底，事關餐廳將花生烘炒迫出香氣，再加香茅、芝麻醬等豐富味道層次。如果想清潤啲，可以轉配原鍋蟲草花冬瓜雞鍋，湯底本身已經用10斤雞骨同金華火腿熬煮，配埋半隻雞、蟲草花、杞子同厚切冬瓜一齊煲，愈煲愈甜，雞肉仲可以保持嫩滑𠻹。
6款特別牛肉部位
澳洲牛駝峰
牛駝峰其實係牛頸脊對上嘅位置，帶點油花，餐廳指較少店舖切割呢個位置，只需淥8秒就可以試到最嫩滑嘅口感。
澳洲五花趾
五花趾亦稱金花趾或金錢趾，即牛大腿位置，口感有啲似牛腱，亦係呢6款牛肉之中最爽口嘅部位，蘸埋自家調配嘅牛油豉油更加提味。
安格斯橫隔肌
每隻牛只有一條橫隔肌，而每條只可以開到幾份，供應量較少。而橫隔肌接近胃部，所以肉味較濃，亦有點咬口，係店主私心喜愛嘅部位之一。
美國特盛大刀牛五花
牛五花係因應食客對油香要求而引入嘅新部位，但唔會過於肥膩，配埋餐廳自家製嘅牛肉汁，當中嘅蒜香同微酸味道中和咗油膩感。
滑尾龍
花雕醉牛
套餐有兩款手切本地牛肉——滑尾龍、花雕醉牛，因為冇經過雪藏會新鮮啲，牛嘅甜味更加突出。前者拌勻雞蛋後，原碟下鍋，令肉質軟嫩啲；後者以自家調配嘅花雕酒醃製，牛肉淥起仍然充滿酒香。
套餐仲有9款火鍋配料
火鍋配料則有數款蔬菜、蜂巢豆腐、手打和牛牛筋丸、人氣手工鮮蝦雲吞、鮮製手打烏冬等；其中牛筋丸有肉汁，鮮蝦雲吞每粒加入兩隻蝦，用料十足。
店內以唔同方式展示供應嘅牛肉部位
用埋訂餐優惠碼[616HP30]，實付金額滿$400，即減$30，預訂按此。
616牛肉火鍋專門店
地址: 尖沙咀赫德道4號The Hart 1樓
主持：歪歪
文：Cathy
相：Michael
片：YanYan
