\r\n
\r\n經典美食意式芝士餅(Tiramisu)($26) ，一層咖啡慕絲，加一層浸了咖啡酒的餅乾，再加一層芝士。\r\n
雖然下層的咖啡慕絲稍甜，但只要你一啖食晒三層，咁味道就會變得剛剛好。
\r\n士多啤梨芝士餅($26) ，由雙層芝士餅和海綿蛋糕組成。下層的芝士餅夾雜了士多啤梨，吃落有點像乳酪的感覺。
\r\n
如果甜品未能令你滿足，咁可以試試特色燒排骨拼薯條($78) ，由於用小豬近背的肋骨燒製，故此感覺特別嫩滑。可能大廚在烤排骨時，不時搽上燒烤汁，感覺不太「熱氣」。
另一款黑椒牛柳扒($110) ，外層由煙肉包裹的澳洲入口牛柳，烹調後仍能保存肉汁和牛肉味外，更蘊含煙肉的香味。品嚐時，你必留意得到──點解冇落梳打粉牛扒都可以咁腍？\r\n
\r\n
飲品方面，可以試下什果賓治($28) ，味道跟往常的差不多，不過總算可以解解渴。如果覺得有點失望，可以叫杯Bailey's Milkshake($45) ，由咖啡味的Bailey 酒製成的奶昔，香滑得來亦有怡人的咖啡味。
\r\n
\r\n
\r\n
\r\n如果你真係趕住去踩冰，你都可以只叫杯汽水，不過一排過的汽水機有咁多款式，相信你都要花一點時間去揀囉！