想搵抵食又高質嘅川粵菜？可以經OpenRice預付訂座搜羅特色套餐，攞埋激抵優惠～今次精選3個套餐畀大家，可以自選惹味川/粵菜，亦有加入日本食材嘅精緻款式，睇啱就約埋飯腳開餐啦！

【77折起】自選川粵風味 川川    

標榜「正宗傳統四川菜」嘅高級食府，由兩位資深川菜名廚坐鎮，配合多款四川香料，招牌川菜集香、辣、麻、酸等滋味。最近更成為全港唯一一間取得四川政府認可，獲頒授為「川菜全球形象體驗店」嘅餐廳，出品有保證。今次推出八道菜二/四人套餐更可自選川粵口味，由開胃菜、湯品、小菜到甜品都有，同好友共聚或一家人食都啱。

[4位用] 川川海鮮八道菜暢聚四人餐 [未連服務費]（按此預付訂座）

四人套餐必試鴛鴦剁椒蒸水庫魚頭，選用來自河源約7-8斤嘅水庫魚，魚頭都啖啖肉呀！而兩款剁椒加鹽醃製再發酵，辣中帶少少酸味好開胃。

自選菜式之一：鴛鴦剁椒蒸水庫魚頭

另外招牌辣子雞加入大量四川辣椒、花椒，而三黃雞粒先炸後炒，皮脆唔油膩，一入口就有辣味攻出嚟𠻹。如果鍾意香口粵菜，荔香酥鴿係不二之選。參考懷舊荔蓉香酥鴨嘅做法，先釀入芋頭蓉，再炸至外酥內嫩，呢兩道菜佐酒都唔錯㗎。

自選菜式之一：招牌辣子雞、荔香酥鴿

[2位用] 川川龍躉球海鮮八道菜二人餐 [未連服務費] （按此預付訂座）

二人套餐中，必試招牌菜之一嘅酸菜湯龍躉球～湯汁睇落金黃色，好似冇咩「辣」嘅感覺？其實以四川辣椒蓉提味，入口爽辣順喉，平時少食辣嘅朋友都可以一試。

自選菜式之一：酸菜湯龍躉

套餐重有川辣海鮮酸辣湯、水煮厚切牛脷、花雕雞由蒸馬友、沙薑鹹味雞等選擇，想要香辣啲或清香啲都可以自由組合。配埋蒸製嘅懷舊黑糖糕、彈牙生磨芝麻卷收尾都好豐富。

自選菜式之一：沙薑鹹味雞、招牌小籠包

川川  
地址：銅鑼灣勿地臣街1號時代廣場11樓1102號舖

【45折】精緻粵菜融入日本元素 悅    

以手工粵菜為基礎，糅合日本食材製作各種精緻菜餚，係呢間高級粵菜食府嘅特色。今次推出嘅四人套餐，包括花膠川貝燉鷓鴣湯、日本鮮百合炒南非鮑魚、蝦籽柚皮鵝掌、豉油皇香煎日本淮山等海鮮同經典款式，合共有成11款菜餚。

[4位用]高級粵菜良朋共聚四人套餐[未連服務費]（按此預付訂座）

其中切成大大片嘅南非鮑魚，配日本鮮百合炒香，爽口彈牙；而傳統手工菜蝦籽柚皮鵝掌，柚皮經過反覆浸泡、炆煮，索滿鮑魚汁後軟腍入味。

日本鮮百合炒南非鮑魚、蝦籽柚皮鵝掌

大大煲嘅咸菜客家清香湯牛筋腩，牛筋同牛腩軟腍易咬，而且比例近乎1:1，可以平均share唔使爭；而咸菜嘅鹹酸味適中，加埋少少胡椒香氣，湯汁清爽醒胃。嘆埋脆皮蔥油雞、蜜汁叉燒等，肉量都好足。

咸菜客家清香湯牛筋腩

悅
地址：銅鑼灣勿地臣街1號時代廣場13樓1301號舖