一入口香脆嘅酥皮充滿牛油香，再配上香甜嘅餡料，食落雙重口感同味道，難怪唔少人都係拿破崙蛋糕嘅fans！傳統嘅拿破崙蛋糕由三層酥皮夾著兩層奶油，但有時都會使用果醬或加生果，但而家已經演變到愈來愈多口味啦！以下5大拿破崙蛋糕即刻睇吓邊間啱食～
目錄
►天后人氣性格小店：Mimosa |
天后人氣性格小店 Mimosa
食開拿破崙蛋糕嘅朋友應該都聽過，因為佢係一間非常有性格嘅小店，但仍然無阻佢嘅人氣！拿破崙只有簡單三個口味，芒果、士多啤梨同70%朱古力，每一層酥皮都做到好鬆脆，custard cream口感香滑，配埋足料嘅生果，食到最後都唔會覺得好膩。溫提想食記得打電話去訂定先呀。
圖: soya1314
創意網格拿破崙 La.Patisserie.BAZI
以創意網格拿破崙蛋糕喺IG爆紅，選用來自日本的消毒蛋黃，及有機天然雲尼拿醬製作吉士醬，蛋香同雲尼拿香氣都好突出。最大賣點係自家製作嘅蜂巢網狀酥皮，誠意地不斷搓皮同摺疊先做到一塊塊多達2,304層嘅酥皮。酥皮比較厚身，著重層層酥脆口感，每層表面都帶有焦糖，層次更豐富。推介栗子口味，手工熬煮的栗子吉士醬，有栗子香又唔太甜。
圖: 黑森林拿破崙 Sugar Brothers
最特別係呢間除咗傳統方形及圓形，仲可以訂製字母、數字、中文字同圖案！慶祝生日或紀念日就最啱～皇牌原味拿破崙面層鋪滿新鮮切塊草莓，夾層有吉士忌廉同香脆嘅焦糖拿破崙層層相疊，襯上紅桑子醬，酸酸甜甜一啲都唔膩。另外最近仲出埋黑森林味，三層嘅cream都同，底層係雲呢拿蛋白白櫻桃酒吉士，中間係比利時72%特濃朱古力mousse，頂層係白櫻桃酒 mascarpone ganache，每層都夾有車厘子果醬，好有層次感！
圖: 435層酥皮 Butterfly Patisserie
酒店餅店嘅超人氣拿破崙，拿破崙足足有435層，好鬆脆，切開真係會「咔嚓」一聲，但完全唔見有餅屑四散，可見師款功力。中間嘅吉士餡十分出色，肉眼可見雲呢嗱籽，每食一啖味蕾都被雲呢嗱嘅芳香填滿，質地好滑好濃厚，完全唔覺得油膩，又唔太甜，難怪$78一件都咁多人買～
圖: Kate AY
古法拿破崙 常溫
幾有人氣嘅街坊餅店，店內最出名就係佢嘅招牌手工製古法拿破崙，拿破崙一共有九層，三層係手搓酥皮夾雜兩層合桃蛋白餅及四層手打忌廉，單係合桃蛋白餅已經要焗個半鐘，都係功夫甜品！酥皮好香牛油味，口感實淨鬆脆，中間夾住合桃蛋白餅同忌廉又帶些少軟滑感，加上脆口嘅果仁粒，口感好豐富！
圖: wtf._.99on