大受歡迎嘅四川烤魚同雞煲，而家喺呢間人氣川菜館都食到！主打嘅鴛鴦烤魚推介金菠蘿酸辣、魔鬼地獄口味，而配菜按套餐分別配上IG-able嘅元氣九宮格、手切牛小排等。只要透過OpenRice預付訂座，尖沙咀店同將軍澳店嘆二/四人套餐都有75折！
[4位用] 原條烤魚/惹味雞煲分享四人套餐[未連服務費]（按此預付訂座：尖沙咀/將軍澳）
[2位用] 鴛鴦原條烤魚二人套餐[未連服務費]（按此預付訂座：尖沙咀/將軍澳）
打卡前菜
以乾冰打造煙霧效果嘅元氣九宮格集合多種葷素冷盤，如招牌撈起麻辣手撕雞、跳水一口牛舌、冰鎮話梅涼瓜、酸辣泡大白菜等，味道多以濃味為主。
四人套餐限定元氣九宮格
主菜推介
二人套餐必配鴛鴦烤魚，四人套餐則可從鴛鴦烤魚或地鍋雞煲中二揀一。烤魚可自選重達兩斤嘅鱸魚、江團魚或沙巴龍躉。而湯底設有5款口味，其中必試自創嘅「金菠蘿酸辣」，以新鮮菲律賓菠蘿、秘製金湯做基底，味道獨特清新；辣控則可以挑戰「魔鬼地獄」，選用印度魔鬼辣椒、中國魔鬼辣椒同辣椒乾入饌，辣得有勁！鍋底重有爽口配料，如芽菜、蓮藕片，食晒成鍋都飽咗一半。
烤魚可按口味自由組合麻、辣、酸度
鱸魚鮮嫩啖啖肉
地鍋雞煲都可以揀麻、辣度，甚至走辣都得；雞件以八角、大蔥、青紅椒、秘製醬料等炒香，夠晒惹味。
一鍋用上全隻雞，絕對夠4個人食
四人套餐火鍋配料
必配嘅手切牛小排肉味濃郁又帶點油香；另外田園蔬菜拼盤包括南瓜、番茄仔、韭菜等，配邊款湯底都夾。
手切牛小排大大碟
另外自選4款$88嘅配料，可從逾70款配料中挑選～推介招牌菜之一嘅「三國演義」以鮮味三色墨魚滑製成，分別為南瓜味、菠菜味同原味，食落爽口彈牙。另外串起格格肉（一口豬頸肉）、手握蟹籽蝦滑釀油條等都值得一試。
拼配唔同味道嘅墨魚滑，坊間少見
二人套餐火鍋配菜
配以雪花肥牛卷、豚肉片同田園蔬菜拼盤，你亦可以加$100，將肥牛升級轉為牛小排。
二人套餐肉量都好足
巨大版打卡特飲
2個套餐都配上1.3L大大杯特色飲品，每位1杯慢慢嘆！如果你係可樂控，必試以柑橘、檸檬、菠蘿同可樂調配而成嘅「自柑墮樂」；想fresh啲則有加入蜜瓜、菠蘿同梳打嘅「菠蘿Me」；而鍾意甜酸滋味，就有加入洛神花、柚子蜜同梳打嘅「洛柚柚」，以及混合百香果、菠蘿同蓮藕嘅「藕遇熱情鳳梨」。
左至右：藕遇熱情鳳梨、洛柚柚、菠蘿ME、自柑墮樂
尖沙咀店新加入「國潮風」霓虹燈畀大家打卡；窗邊座位則伴隨維港海景好relax
祥仔辣辣 (海運大廈) 
地址：尖沙咀廣東道3-27號海港城海運大廈LCX3樓32號舖
祥仔辣辣 (The LOHAS)
地址：將軍澳康城路1號The LOHAS康城3樓352A號舖
