Video
Read full review
2015-08-07
1299 views
有好多食店為咗避開啲昂貴嘅鋪租，都選擇去工廠區開鋪，所以，依家去啲廠廈搵食絕對唔喺咩奇聞。不過，有一類開晌工廠區嘅食肆，就成日搞到神神秘秘咁，門口無招牌，無水牌，連一張宣傳單張都無，仲講明只招呼工友 ，依啲就喺所謂廠廈食堂，喺用緊食堂嘅牌照，所以，唔可以咁張揚，但就唔淨止招呼工友 。今日，就同朋友勇闖位處荔枝角嘅Very Food Court工友食堂，一嚐百變午餐。小弟家住美孚，荔枝角工廠區我久唔久就會過嚟，因為要去附近一間上樓嘅整餅材料鋪買嘢，佢啲日本麵包粉真喺抵過超市賣嘅金象牌麵包粉好多，故此，要搵Very Food Court入口一啲無難度。入到去，跟一般美食廣場分別唔大，都喺包含多間食店，唯一唔同就喺「中央買飛」，即喺點食物集中兩個收銀處，而唔喺每間食店各自為政。嚟之前一早已鎖定目標，就喺Pati by Lassana，因為佢嘅姊妹店Spade by Lassana同The Pudding Nouveau均試過，知其水準去到邊，對其出品甚有信心，中伏率低 。況且，整個美食廣場，佢個鋪面及食物賣相，相比起又的確吸引好多 。每周精選都喺啲意粉餐，定價$43，並包一杯熱飲，以
小弟家住美孚，荔枝角工廠區我久唔久就會過嚟，因為要去附近一間上樓嘅整餅材料鋪買嘢，佢啲日本麵包粉真喺抵過超市賣嘅金象牌麵包粉好多，故此，要搵Very Food Court入口一啲無難度。入到去，跟一般美食廣場分別唔大，都喺包含多間食店，唯一唔同就喺「中央買飛」，即喺點食物集中兩個收銀處，而唔喺每間食店各自為政。
嚟之前一早已鎖定目標，就喺Pati by Lassana，因為佢嘅姊妹店Spade by Lassana同The Pudding Nouveau均試過，知其水準去到邊，對其出品甚有信心，中伏率低 。況且，整個美食廣場，佢個鋪面及食物賣相，相比起又的確吸引好多 。
每周精選都喺啲意粉餐，定價$43，並包一杯熱飲，以其一向質素，算喺抵食，就好似Lassana啲咖啡，一杯都值幾十蚊啦！
此外，一人自選午餐就吸引啲，皆因$59就可以自選1款主菜、1款配菜及1款沙律，仲有包一杯一般餐飲，如想轉飲意式咖啡或特飲，都只喺加多$10，超划算 。只可惜星期日原來店方休息，想晌星期日嚟嘆個早午餐都唔得。
主菜類據店員講，主菜不時轉款，就算只計今日嚟到，主菜都有成8款選擇，包括：芝士龍蝦仔碎蛋拖鞋包、煙三文魚碎蛋牛角包、吞拿魚墨汁包、巴馬火腿芝士百吉包、BBQ汁燒排骨、炸蟹餅、炸魚柳及韓式炸雞。因為身體啱啱好番無耐，熱氣嘢就唔啱我，所以，瞄著啲包款。
配菜類都有好幾款選擇，但唔喺普普通通嘅炒什菜、炸薯條，而喺有忌廉芝士焗薯、鮮炒雜菇、芝士焗菠菜及原個焗薯。
沙律類沙律也意外地多款式，唔喺「求求其其」嘅沙律菜撈啲油醋，而喺睇得出用料不賴及製作認真嘅出品，有煙鴨胸沙律、紅菜頭沙律、凱撒沙律、意粉沙律、華都夫沙律、地中海沙律共6款。
芝士龍蝦仔碎蛋拖鞋包、原個焗薯、華都夫沙律 $59 依個就喺小弟一人自選午餐嘅組合，包款晌芝士龍蝦仔碎蛋拖鞋包及吞拿魚墨汁包之間取捨，最終揀前者，因為龍蝦仔聽落始終都喺貴料啲啲，心理覺得著數少少；而配菜真喺好難揀落手，幾款都想試，結果揀咗原個焗薯，因為睇賣相靚仔啲囉，哈哈；沙律一眼就睇中華都夫沙律，因為依家好少地方有做依款經典沙律。
芝士龍蝦仔碎蛋拖鞋包、原個焗薯、華都夫沙律
$59
54 views
0 likes
0 comments
個三文治包非常足料，龍蝦仔、芝士、碎蛋、生菜絲堆到個包滿一滿，材料入口感覺新鮮，龍蝦仔肉帶少少鹹鮮味，配合生菜絲嘅清爽，以及蛋黃醬嘅濃香，個包無論味道，抑或口感，都極有層次 。問過店員，原來所有麵包唔會一次過大量做，差唔多賣晒就再做，依個就喺可以即場製作嘅加分位 ！
芝士龍蝦仔碎蛋拖鞋包
50 views
0 likes
0 comments
原個焗薯 話佢賣相靚仔就喺因為佢唔喺就咁得個焗薯，仲加咗好多碎蛋同煙肉，塞滿成個焗薯表面，所以，個人覺得最佳食法喺將個焗薯一開四，將碎蛋同煙肉鋪均4小件焗薯，咁就令焗薯更有味道，薯味亦都突顯啲 。不過，如果啲煙肉做得碎啲，個人就覺得更好。
原個焗薯
55 views
0 likes
0 comments
簡單又好食嘅華都夫沙律，最適合夏天食，因為以青蘋果及紅蘋果為主，所以，味道酸爽清新，加上合桃碎、提子乾，加添口感 。
鮮奶咖啡 +$10 一人自選午餐只包一般茶啡，但嚟到Lassana嘅姊妹店，點可以唔試佢啲鮮奶咖啡架。雖然，依度做嘅比較有少少快餐形式，個拉花亦都無咁靚仔，不過，質素依然，個咖啡香醇以外，奶泡打得唔錯，撞落啲濃縮咖啡中亦夠均勻。
鮮奶咖啡
34 views
0 likes
0 comments
友人嘅組合，樣樣我都黐少少試，詳細就唔多寫喇，不過，真喺食得出絕無迤做，每樣嘢都製作認真，尤其個紅菜頭沙律，紅菜頭本身都喺貴價食材嚟，而且又營養健康，入口清甜 ，最貼心更加入橙肉同蘿蔔，令味道更多元化 。
煙三文魚碎蛋牛角包、原個焗薯、紅菜頭沙律
$59
47 views
0 likes
0 comments
正如上文所講，飲杯有水準嘅咖啡都要幾十蚊啦，有到過一啲連鎖三文治店或咖啡店食過嘢，就知道一份高質素嘅三文治、原個焗薯大概賣幾錢，甚至一個普通嘅生果沙律杯都收你廿幾、三十蚊啦，所以，Pati依個一人自選午餐真喺抵到無朋友 ！
Post
