珞桐冰室 (Closed)

瑞士汁雞扒撈公仔麵:是日午餐($42)-配半塊厚多士、炒蛋同火腿，個人極力推薦呢一個套餐，雞扒份量都算多，而且公仔麵嘅味道都好濃，呢個價錢食到咁多野真係好抵，仲送埋熱飲，可以加$3轉凍飲，加$7轉特飲！蒜蓉汁雞中翼撈公仔麵($31)-蒜蓉汁同我想像有d唔同，但都幾好食，中意食辣嘅朋友可以試下紅咖哩汁，呢個雞翼仲有4隻，所以真係好抵架！一口粒粒花生奶醬多士($26)-每一粒西多都好脆，花生醬同西多嘅味道都好夾，但個人都比較期待食外脆內軟嘅西多，但認為絕對可以一試。

一口粒粒花生奶醬多士 ($26)超高性價比既多士呀！平時呢d粒粒多士閒閒地四五十蚊一個啦 呢到淨係$26 仲要包埋飲品~唔好以為平野冇好 佢每塊多士都係極度香脆又鬆化 配埋個真係有一粒粒花生碎既花生醬煉奶醬 真心高質架！雖然係大排檔格局 不過都乾淨企理既 所以佢平就平在於冇環境可言 同埋唔坐得耐… 由於份量好多 同埋食得多會有d乾 建議如果食既話要二至三人share~芝士豬排撈公仔麵 ($29)芝士撈公呢d香港人既浪漫好似已經買少見少😭 大量既港式芝士汁覆蓋住整個公仔麵 雖然唔係咩拉絲既mozzarella cheese 但係都芝味十足！而豬排就煎得好香入面又冧 不過仲有d雪味~佢既份量其實真係勁多 芝士醬食得多亦會有膩既感覺 share食會好d

珞桐冰室是朋友推介的一家冰室比起同區的大埔墟街市, 這冰室處於一個不太旺的街市之內街市內氣溫雖有點高, 但都有不少食客在此候位點了芥末煙三文魚潛艇&凍奶茶, 並和同行親戚點了一口粒粒花生奶醬多士芥末煙三文魚潛艇, 用熱狗包製成, 包較乾身鬆脆煙三文魚有一大片, 份量不少, 不會太鹹只是略嫌芥末醬汁的份量少了一點一口粒粒花生奶醬多士, 重點推介用上幼粒花生醬, 花生醬味濃郁, 不會被煉奶的甜味蓋過更正的一點是, 整份多士都好香口鬆化!!!!!!不是死死實實的!!即是連麵包皮的位置也是鬆化的!!超好味!!!!!凍奶茶, 普普通通, 茶味不夠濃, 奶重了一點但都算滑的～不過部份店員的態度有待改善整體店員的服務都還可以的！

難得一天公眾假期，當然第一個節目就是要瞓到自然醒，瞓到下午一點多，簡直是非常難得，第二個節目就是要尋食啦！今日我們選擇到大埔去尋食。。。第三站 –珞桐冰室一口粒粒花生奶醬多士好東西就是要等待，一個就像金字塔搭到三層高的多士，粒粒焗到金黃色，面層加上花生醬、煉奶、砂糖格格多士粗略估計有3cm厚，每邊的的格格多士都是香脆的，賣相絶對不比其他 café遜色，那就可知師傅耐心的製作！雖然多吃幾粒後就感覺有點兒乾，但沾多一點花生醬、煉奶就已解決了！凍阿華田冰冰凍凍阿華田，不太濃，也不太甜，是正常版本！