檸檬冰室 (冠天閣)

Open Now

Now Closed

今日做咗好多task，收工去左附近既檸檬冰室食個晚餐！之前都有係深水埗食過一次，今次就黎觀塘分店幫襯下！舖頭入面以卡位同半梳化位為主，主色調係黃色同綠色，幾光猛同乾淨，觀塘分店除咗檸檬系列同茶記炒粉麵，竟然仲有燒味！蒜香脆皮炸子雞（半隻）配飯、例湯（$78）見到晚餐餐牌竟然有炸子雞揀，仲要係半隻，當然要試下！攞盤有幾分似海南雞飯，雞肉好滑嫩多汁，外皮又夠熱同香脆，份量幾多，呢個價錢好抵食！鐵板叉燒炒一丁 （$60）用鐵板上嘅炒一丁，賣相吸引又可以保溫，叉燒超多，面頭舖滿木魚絲，感覺好似食緊大阪燒，雖然顏色好深但味道唔會太鹹。一口西多伴雪糕（$30）食完主菜覺得想食多個甜品，就揀咗個熱辣辣炸西多配冰涼嘅雲呢拿雪糕，西多入面冇太多嘅餡，配上煉奶、朱古力醬同雪糕就啱啱好！無冰奶茶 （轉特飲加$12）冰鎮嘅香濃奶茶，飲到最尾都唔會被溝稀。鮮薄荷青檸沙冰 （轉特飲加$12）原本諗住係mojito嘅特飲，上枱竟然係大隻啤酒杯甘嘅size，顏色鮮綠，飲落好重新鮮薄荷葉嘅香氣加上青檸嘅酸甜，絕對係夏天必選特飲，鍾意薄荷葉嘅朋友一定要試下！臨走見到人哋杯紅豆冰都係咁大🤣下次等我嚟再飲杯過下癮！

今日經過呢間位於觀塘裕民坊斜對面的新式冰室，店內主色全係黃色，俾佢吸引咗入去，座位距離闊落同環境光猛乾淨。有不少卡位，仲有窗口高枱位，感覺幾得意。近門口仲有個𝗟𝗲𝗺𝗼𝗻霓虹光管，好搶眼💛▪️秘製無骨海南雞配香茅油飯 無骨雞肉肉質嫩滑，而且啖啖肉😍一碟雞份量不少，點甜豉油、酸辣醬一齊食再扒埋碗香茅油飯，惹味又開胃！隨餐仲附有中式老火湯，有紅蘿蔔、合掌瓜等湯料好足料，味道清甜滋潤，啱晒依家天氣飲🥰▫️真·鮑魚火腿絲撈丁 （配黑松露炒蛋及丹麥多士）估唔到撈丁都可以配鮑魚食，好驚喜！瑞士汁撈丁，味道甜甜地，仲有好多火腿絲而黑松露炒蛋都幾多，炒得幾滑丹麥多士比普通多士較細塊，但好重牛油味，幾特別▪️無冰奶茶 杯奶茶係一盤冰中，所以唔怕啲冰融後會沖淡茶味凍奶茶茶味重，口感香滑，甜度適中，不錯☺️▫️雪糕紅豆冰 呢杯真係好正‼️‼️好大杯同好多紅豆😍 紅豆𝖿𝖺𝗇𝗌表示大滿足個雪糕融左之後令椰汁味更出，口感更𝖼𝗋𝖾𝖺𝗆𝗒跟餐+$12轉真係非常抵，淨飲呢杯都已經會飽🙈▪️一口西多伴雪糕 西多士新鮮炸起，件件都係金黃色同煉奶鋪面💛 雖說係一口份量，但都有成八、九件😍 脆熱的西多加上雲呢拿雪糕同朱古力醬一齊食口感又暖又凍，