大勝丼 (Closed)

今次黎旺角試一試呢間餐廳，大廈門口經常路過但好少留意入面有咩食，需要坐電梯上去五樓。餐廳位置不錯多，不過好彩都唔洗等位，連濕紙巾都印有餐廳名字，頗有心思。和男朋友揀左呢兩款丼飯，價錢算中規中舉。蝦和海膽的味食也不錯，食到一半見到有啲飯素，算有心機，但飯的質地有點太硬身，配合起海鮮有點可惜。男朋友點的這個丼飯佢就覺得普通，帆立貝的口感沒有太新鮮，似係擺左一段時間，也沒有甜味。而且三文魚子對怕腥嘅佢有點身太腥。

今日同同學喺旺角傾project，傾完都已經係晚飯時間，所以就決定一齊食完飯先返屋企。諗緊食咩嗰陣行過旺角新城樓下， 見到有啲呀姐喺度派傳單，朋友見到有一間有丼飯食，問我有冇興趣，咁日本菜正合我胃口，所以都費事再揀直接上左去。  坐低之後就開始揀嘢食，我叫咗一個三文魚帆立貝丼，而朋友就叫咗海賊丼，之後仲叫咗一個燒雞肉軟骨棒share。每個丼飯都會配味增湯同飲品， 咁嘅價錢算係幾抵。 飲完味增湯，我同朋友嘅丼飯都已經到左。先講我嘅三文魚帆立貝丼，好足料，三文魚同帆立貝各有四片，好新鮮亦都好厚身。平時都好怕係街食三文魚籽，因為驚唔新鮮會好腥，但呢間啲三文魚籽無呢個問題之餘，鹹香味十足，送飯一流。  朋友嘅海賊丼有炙燒左口魚裙邊同蒲燒星鰻，佢每樣都俾左少少我試。左口魚裙邊燒完之後油香味十足配埋飯食好邪惡，而星鰻亦都唔錯，燒汁甜甜地幾開胃。  而燒雞軟骨棒，配上新鮮雞蛋汁，亦都出乎意料地好食。  食完野之後店員仲送咗兩粒雪米糍俾我哋做甜品  整體黎講，食物質素唔錯，最重要係勝價比高，百零蚊有湯有飯有飲品仲有埋甜品，算係好抵。當晚見到好多人叫左海膽丼，即刻有啲後悔自己冇叫到，所以下次去開旺角都可

又係無所事事既一日，5點幾扮完工，又係時候去行下街，行到黎信和呢邊，收到姐姐派傳單，比個88折吸引住我。📍位置餐廳就係信和隔離，旺角新城，上5樓就係，唔難揾既。❣️環境&座位呢度裝修簡潔，光線充足，空間感都幾好，比我一種好順心既感覺。岩哂三五知己一齊黎食個飯，傾下計咁，呢度仲有卡位添啊。❣️Menu 菜式方面呢，呢度設有最低消費每人$100or 一個丼飯。同埋只要隨丼飯，就會跟埋味噌湯、飲品、甜品，性價比超高。✨甘蝦海膽丼 ($148)一上枱，呢個造型真係贏哂，有5隻大大隻既甘蝦，入口味道鮮甜，沒半點腥味。加埋半板海膽，粒粒外形飽滿完整，色澤金黃，表面乾身兼且顆粒明顯，口感creamy。✨三文魚帆立貝丼 ($128)同樣的大把大把既三文魚籽，一咬落去，鮮味爆發。三文魚好厚切，魚肉又爽口，食得出係幾新鮮既。而帆立貝都好厚肉，開左邊都仲係好厚身，肉質都好結實，size都唔細。✨炸蒜香雞軟骨 ($42)我地仲叫左個小食，雖然呢個炸雞軟過令我好有罪惡感，但真係好好食，炸到脆卜卜，size都好大粒，偶爾食半碟都唔係好過分姐！食落口又真係做到好似日本啲居酒屋咁，又香又脆。為我地既晚餐畫上完美句號。❣️總

星期天也要上班,實在是太累了😭所以今天我們決定去旺角吃雞煲,但誰知道人太多,至今也要等1,2個小時,所以後來我們選擇去吃日本菜🍙🍣而這家還是新開的,在MENU上有20多款丼飯選擇,他們的賣點是份量超大,可以任添飯和味噌湯😚而我所知道晚市套餐,是有麵鼓湯和甜品奉客,不過當天晚上就沒有送上甜品給我們了😞但值得嘉許的是免收加一。一坐下來,店家先送上可免費添飲的「麵豉湯」。湯中有菜有肉,材料頗多,味道也過得去👍🏼當然不能跟外面單點的作比較。三文魚帆立貝丼 然後,我就點了一個三文魚帆立貝丼, 丼飯很快便送上來, 三文魚大部份都是厚切👍🏼👍🏼👍🏼味道很不錯,而帆立貝簡直是完勝,大大一顆,味道很鮮甜😍😍😍加上丼飯中下了一點日本人常用的飯素,讓這丼飯的口感變得豐富和好吃。溫泉蛋照燒雞扒丼 這個等得有點久,可能因為照燒雞扒的原因,而雞扒燒得有點過了,肉質很乾😿吃了兩三口就不想吃了👎🏼👎🏼這個不推薦大家試了…珍味海蜇第一口吃上去,口感爽爽的,蠻好吃的,但後來第二,三口的時候,就十分的咸,真的咸到配飯來吃也覺得很咸啊…☠️當然這個我們是沒辦法吃得完炸北海道魷魚鬚 這個油炸的小吃,竟然吃上去完全不會覺得很油膩,

最近在OpenRice留意到這間新開的日本餐廳，適逢今天想吃日本菜，決定來試試！餐廳位於大廈內，很容易找到餐廳有各式丼飯，而且價錢親民，午餐時段更有優惠七五折很喜歡第三點！最緊要食飽午餐包括了沙律、麵豉湯、飲品及甜品沙律及麵豉湯沙律新鮮，沙律汁份量剛好，而麵豉湯也是熱烘烘的，不夠食也已可以隨意添加！三文魚帆立貝丼果然食物與圖片一樣，賣相十分吸引，而且魚生份量十足！令人有驚喜的是這個飯加了千本漬，特別照顧到一些很快吃完魚生沒有餸送飯的人三文魚及帆立貝十分新鮮，而且也是頗厚切的，再加上爽口彈牙的三文魚籽，每一口都十分滿足！火炙狂牛丼這個是喜歡吃牛的人必點！上菜時已香味撲鼻，牛肉份量多得要命而且燒過的牛肉十分香口惹味，牛肉粒軟硬度適中，十分適合送飯！唯一美中不足的是醬汁十分濃郁，要吃很多口白飯午餐的飲品是罐裝汽水及一些韓式飲品如忌廉溝鮮奶及檸檬茶，而甜品則是糯米糍。十分豐富的午餐，而且價錢相宜，CP值高！下次到旺角又有多間丼飯的選擇！

一到夏天咁熱既天氣，腦入面只係諗到日本菜呢樣野！最近見呢間丼飯店新開又全日免加一，一於試下放工6點幾就到，未有太多人店內不算太大，但地方都乾淨坐得舒服餐牌有勁多款丼飯，花多眼亂款款都想食一坐低店員就俾碗麵豉湯我地湯味濃仲有湯料我地揀左兩款丼飯甘蝦海膽丼勁多隻甘蝦，隻隻都好鮮甜海膽有一大板，都好新鮮飯係勁大碗，好滿足三文魚帆立貝丼呢碗都好足料，帆立貝好大粒厚身，三文魚又好新鮮每個餐都附送飲品仲有雪米糍送非常抵食又飽肚一餐