越男仔 (Closed)

山竹呢個強颱風應該今晚打到黎, 好彩下午老婆同表妹係灣仔上嘅整月餅班未受到影響, 我地3個兩點到灣仔, 仲係風和日麗, 未有打風嘅感覺, 反而因為未食Lunch, 肚餓嘅感覺更加強烈。😆表妹帶左我地去呢間佢返工成日去食嘅越男仔, 我地到餐廳時因為已經過左Lunch繁忙時間, 加上係打風嘅星期六, 所以客人唔算多, 表妹話平日返工Lunch好多時都需要等位。餐廳裝修以白色為主, 加上多盞鎢絲吊燈, 室內感覺光潔明亮, 座位寬敞舒適。👍因為表妹話餐廳食物份量比較多, 所以我地只點左一個飯同一個粉, 另外加左3個小食share, 雖然我地都好肚餓, 不過表妹話一定夠食。沙爹香茅豬扒拼雞翼飯 $49表妹揀呢個飯份量好多, 雞翼外層炸得香脆, 雞肉嫩滑, 豬扒肉質鬆軟, 配上味道濃而不辣嘅沙爹汁同香茅, 非常惹味。😋胡志明市紅蕃茄四寶湯檬粉 $72最愛食豬嘅老婆揀嘅呢個四寶湯檬粉份量大到一個人基本上係唔會食得哂嘅, 我地3個人share每人都唔試分到一小碗, 四寶分別係豬扒, 扎肉, 豬頸肉同脆豬肉, 4款豬肉口感同味道都唔同, 啱哂最愛食豬嘅老婆, 配上蕃茄湯檬粉, 味道好夾。👍法式芝心蝦多士

早就食過銅鑼店分店覺得很不錯，惜餐廳搬遷後一直未有再嘗。經開灣仔見到招牌見門就入，晚市亦有套餐，都算抵食。青檸梳打用上泰國梳打，新鮮青檸，十分清新。三色冰椰汁味重，不會淡而無味。牛骨湯浸菜份量相當足，外食想要健康點也是好選擇。法式芝心蝦多士麵包皮薄薄一層，沾上芝麻炸得香脆，中間蝦膠包著芝士，非常惹味，必點！越式海南雞拼黃薑飯海南雞已經去骨，雞肉嫩滑，意料之外的出色。 手撕雞扎肉椰汁酸湯湯檬粉椰汁酸湯有點像冬蔭功，酸酸地十分開胃，手撕雞有炭香味，好吃！