和牛燒肉‧純

Open Now

Now Closed

約咗朋友嚟尖沙咀食燒肉，嚟咗呢間專門食日本和牛燒肉嘅餐廳🇯🇵✨ 下晝仲有lunch menu，以日本和牛嚟講，價錢又唔算貴❤️ 除咗燒肉，仲有其他定食🤩 所以我哋叫咗一份燒肉set、一份漢堡扒set🥰 午市定食包咗沙律、前菜、湯🥣 沙律菜配上酸酸地嘅醬汁，而前菜（我哋今日係牛舌）係少少香辣，都幾開胃🤤🔸 三色和牛定食 ($280)呢個set可以試到三個部位，包括和牛上牛排肉、和牛肩眼、和牛牛排肉🥩 每塊肉都幾厚😍 油脂分佈亦好平均✨😎燒嘅時候可以燒到外層有焦香🔥 又有好靚嘅坑紋🤩 食落去真係好驚艷‼️ 裡面超軟嫩，充滿住好香嘅油脂🥹💕 尤其是肩眼同上牛排肉啲油脂係爆出嚟，係超多汁又好腍😍 🔸 鐵板和牛漢堡定食 ($138)呢個漢堡扒係純和牛製成😳😳 而且超大舊又厚身‼️ 係鐵板上可以保持住溫度🔥 咬落去入面非常juicy🤤😍 啖啖和牛肉超滿足🩷 超有牛味，超爆汁，好啱送飯食😆😎整體而言，食物係超高質😍 以咁嘅價錢可以食到正宗和牛料理超值‼️✨ 非常推薦👍🏻

🕖時段-星期一中午之前朋友介紹呢間燒肉 上openrice見好多人都話午市定食抵食又高質 決定放假去試試佢😍 已預早book枱 lunch有兩個時段 可選12:00-13:30 或 13:30-15:00_lunch set都幾多唔同選擇_▫️三色和牛定食 $250平時食開任食個啲燒肉 質素同呢度既和牛無得比 入口即溶 口感鬆軟☺️ 定食配沙律 前菜 飯 湯 飲品 整體份量正常偏少 男仔可能會唔夠飽 可以再追加其他肉或者剌身_▫️和牛壽喜燒定食 $200 壽喜燒配日本生蛋 加埋日式裝修 有少少好似去左日本餐廳既感覺😝鍋中豆腐好入味👍🏻 呢個鍋無得調大細火 上左之後唔好打太耐卡😂 快啲食左先_🍽環境有日本feel 卡位每枱都同其他枱分開 同埋有包廂(應該book個時可以request) 幾有私隱度 但唔知係平日少人定餐廳本身環境好靜 好似完全無人講嘢咁😂 搞到我地傾計都唔好意思太大聲

尖沙咀呢間人氣燒肉店聽朋友介紹左好耐，話佢高質素得嚟又唔貴，今日終於食到啦！想食佢唔容易㗎，周末walk-in係食唔到，特登預早兩星期book位先得，想食嘅朋友要留意下喇～Lunch set價錢已包括沙律、前菜、日本米白飯、湯、和牛同飲品沙律沙律菜十分新鮮，好爽脆，仲有車厘茄同黃、紅椒，配上沙律醋，酸酸地咁好開胃前菜應該係醃左嘅牛肉嚟，個醬汁調味得幾好，好香口同濃味日本米白飯米飯帶點黏口，口感軟熟湯麵豉湯，正常冇咩特別和牛牛排肉定食大概有7-8件，每件望落雖然唔大件，但因為有油脂，食落都夠飽！每件都燒到半熟，剛好有坑紋就食，入口肉質嫩滑，牛肉味濃，油脂味好香！三色和牛定食<上牛排肉、肩眼肉、牛排肉>每款2-3件，大小差不多，牛排肉就一樣肩眼肉口感就相對硬身少少，但牛味仍然好濃郁！而上牛排肉就再高一級，油脂望落再平均啲，再靚d，食落肉質真係再嫩滑啲同腍啲，食落滿口佈滿牛脂味，超香，勁好味！平時唔鍾意食咁肥，但食靚牛就唔同講法，冇油脂食落會差好遠，識食一定要食肥肥地，同油脂要平均分佈嘅牛～整體午餐性價比超高，呢個價錢食到和牛燒肉，仲要連周末都有得食，唔怪得之成日都full

呢間「和牛燒肉純」真係忍唔住要一食再食！ 上個月岩岩食過，今個月有朋友生日，再過黎燒下，旺下佢！今次都係黎食午餐，因為燒肉既午餐真係抵好多嫁！特選五色和牛定食 $350有5款肉，每款兩塊。分別有：特選三角牛排肉，特選牛排肉，肩眼肉，上牛排肉，牛排肉。 由油脂重啲到瘦啲既都有！但係都係油脂分布好平均！超高質嫁！記得每塊燒到半熟就好，中間少少粉紅色就最好食！三色和牛定食$250朋友就叫左呢個三色定食， 就有三款牛，同樣係每款2塊。有上牛排肉，肩眼肉，牛排肉。同五色一樣，只係少左兩款，岩晒細食既朋友！

終於有個理由可以去食豪少少，今日中午揀左呢間食靚牛，相比夜晚，中午比較抵食。入面地方大，分左好多房仔同卡位，好有私人空間，座位相當寬敞，滿滿日式風格，環境好舒適，慢慢坐慢慢燒。食物質素好好，新鮮美味，真係豪一餐係值得。不過以咁既級數餐廳黎講，服務就一般般，可能剛開舖又已經幾多人黎，由入門口到比錢幾個侍應都目無表情。今次兩個午餐，每人大約$240。前菜 味噌湯 飲品沙律好新鮮配上醋汁，夠哂開胃。仲有兩塊牛舌，好淋好入味。味噌湯好足料，味道有別於一般。三色和牛定食 $250有上牛排肉，肩眼肉同牛排肉，每款有三塊，色澤紅潤，雪花分布平均，濃濃嘅牛肉味，入口溶溶地嘅感覺，同係日本食燒肉時差唔多，配埋跟餐嘅日本飯食會無膩。自選燒肉午餐 $170呢個就揀左日本產豬五花肉和牛紅肉，五花肉比想像中出色，醬汁好入味。迷你牛腩烏冬辣辣地好惹味，牛腩好淋身好香口，仲有啲蛋花係到。

又帶人妻朋友出動食好西悠閒嘅星期日Lunch食燒肉係開心嘅和牛燒肉純 我都係第一次食我點左三色和牛定食 ($250)有哂沙律前菜同湯而主菜三色和牛就有上牛排肉，肩眼肉同牛排肉 肉質鮮嫩 牛味頗濃的而人妻朋友則點左和牛壽喜燒定食 ($200)大大塊和牛配上甜甜的湯底 不錯呢😬_________________________裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)________________________唔信我嘅可以自己去試試😂

之前幾個朋友介紹話和牛燒·純好食，上網一睇，嘩，好貴呀！！！食牛x呢個價錢食，都食到反肚啦！所以一直收藏左都無食過～終於到左生日月，可以放縱下自己，食下肥野，又食下貴少少既野。最後決定中午食燒肉！😍😍😍仲有幾版，壽喜燒呀，刺身呀，唔逐一介紹啦～我地兩個人叫左《特選和牛肉眼，牛舌定食》前菜係麻醬沙律，中間果碟細細碟，有三塊豚肉，一塊miso soup, 半碗飯，一杯餐飲。飯係日本飯，煮得岩磨好，口感好好。和牛肉眼既雪花好靚，（唔厚，面積大）肥瘦均勻，入口即溶，有日本既感覺呀🤤牛舌少少咬口，薄薄的好快熟～佢個獨家醬超！級！好！食！起到畫龍點睛效果佢有一塊牛，左邊係上牛排骨，肥少少既，又係入口即溶好正！中間係肩眼肉，醃得岩岩好！右邊牛排肉，相對就遜色d啦～不過男朋友就話都好好食！overall都好好食！食完居然唔係好飽！本身我都唔算大食都只係岩岩好好食既野真係唔嫌多😂埋單加一要$700lunch 黎講都少貴（我好慳的），不過好味，間中一試好開心😃

上次同朋友黎食過午餐，大家一致認為性價比高，回家後我亦時時同男朋友講起當日嘅牛肉有幾高質，週日放假終於有機會同佢一齊黎試，食過呢間之後真係番唔到轉頭，佢地嘅牛都係經日本屠宰後送到香港，肉質有保證。而且午市比晚市都抵食，用一半價錢食到靚牛（當然啦我相信晚市嘅有機會會再靚啲，不過等我地有budget先，哈哈）餐廳位置多，而且大部分為卡位，另外有啲「房間」，以敞門相隔，私隱度高，坐得舒適，環境方面都比好多日式燒肉優勝，至少唔會枱與枱間冇空間，兼一邊食飯要聽人地對話。午市方面供應多款套餐定食，有和牛各部位、例如牛排肉、牛肉眼、牛胸腹，亦有豬五花肉、豬肉眼、日本產雞肉，唔想燒肉有壽喜燒、鐵板上、涮涮鍋、石頭飯、刺身飯、壽司，選擇豐富，定價$88-380，豐儉尤人，想再抵食啲，要好似我地啲c9咁，選擇12:55pm前離座，會有全單9折優惠。本來食個午市都唔想咁高消費，但隔離枱情侶點左兩set和牛定食，實在太吸引，又一邊話抵食好食，要晚市再黎，所以我地照板煮碗，跟佢地點左呢兩份定食，實在太滿足，偶然放縱一下還不錯。而且相對韓式燒肉，我還是比較捨得花錢喺日式燒肉上。定食會附上沙律、前菜、日本米白飯、湯

星期日的午餐，一定要吃得快樂！不然，怎樣有動力迎接即將來臨的一星期？這次，我就跟男友一起去吃燒肉！這店被收入我的 to eat list很久很久，可是一直未有機會品嚐。選定在星期日吃午餐，價錢可以經濟一點之外，又不會如吃晚餐般飽撐著睡覺，好處實在太多了。 當天中午12時抵達，餐廳剛開門，侍應把我們帶到舒適的卡座。然後送上餐牌，並作簡單介紹。 我倆商討後，決定鎖定「午餐」menu。難得來一次，對著餐牌著實會心大心細，燒牛肉和火鍋都想吃。結果，我們決定2樣都吃！點菜如下：荔枝梳打 $55青蘋果梳打 $55三色和牛定食（飯湯） $250和牛壽喜燒（飯湯） $200來這裡之前可是十分期待，因為這店可是日本機構指定售賣佐賀牛、熊本豬的香港店，加上這店是來自日本的品牌，是名副其實「純」吃和牛的餐廳，十分厲害。套餐包括沙律、前菜和湯，沙律尚算豐富，內有羅馬生菜、洋蔥、車厘茄、紫椰菜絲和紅黃椒，並已拌入了醬汁，酸酸的，是合適的開胃菜。 前菜是一小碟用汁泡浸著的幾片牛舌，吃起來口感嫩腍，不會太鹹。湯是普遍的味噌湯，沒甚麼特別。 飯呢？份量適中，加上是珍珠米，該更飽肚。男友吃後也沒有嚷不夠飽。三色和