爆丼屋 (山東街)

Open Now

Now Closed

我近期去台灣同日本都有去搵丼飯嚟食，朋友突然話想食丼飯，係香港想搵間浮誇又豐盛嘅丼飯，非爆丼屋莫屬，成日見到人Post出嚟都好吸引，一直都放係我嘅口袋名單，今次終於搵到人陪我去試。丼飯選擇都幾多，老實講真係款款都好吸引，樣樣都好想食，揀咗好耐最後決定選擇店內人氣最高嗰兩款。✨三色海膽盛丼 人氣No1，海膽覆蓋住整碗丼飯，海膽好新鮮，味道甘甜入口軟滑即溶，每食一啖都充滿幸福嘅感覺，好滿足呀。✨超份量·三重大極上丼 呢款係人氣No2，主角當然係拖羅、最面層有海膽，然後仲有蟹肉圍住碗丼飯，拖羅都好新鮮，油花都好靚，冇咩筋，又係入口即溶，滿口魚油香味。海膽都一樣甘甜美味、蟹肉又係鮮甜，唔使加豉油同Wasabi 都已經好好味，完全食到新鮮嘅味道。✨麵豉湯食丼飯贈送嘅，都幾足料架，味道都OK 嘅。☕️熱白桃烏龍茶 ☕️熱桂花烏龍茶 烏龍茶係用茶包沖嘅，兩杯都好濃郁，應該可以加水沖多杯飲都得😂總結：兩碗丼飯都好好味呀😋，價錢雖然唔算係好平，但食完嗰種滿足感都值得試下。

爆丼屋 (山東街) (旺角)📍旺角山東街57號地舖一直都知道呢間專門賣刺身丼飯既餐廳出名又足料，又新鮮，今次終於黎食到啦！✨贅沢三昧盛丼係7月先出既新品黎架！有海膽、虎蝦同埋蟹肉。新鮮嘅海膽帶返嚟啲海洋嘅鮮甜味，佢嘅質感又滑又細！再嚟就係虎蝦，個蝦肉夠大夠鮮甜，彈牙又有彈性，真係好有口感！尤其係啲蟹肉夠鮮味，而且啖啖肉唔洗剝殼，真係豪華享受。✨ 三色海膽盛丼丼飯上面鋪滿左超級澎湃既海膽，上面分別係來自加拿大、韓國同北海道既海膽，海膽嘅味道濃郁，質感綿密，食落去就好似係舌尖上爆開嘅鮮味炸彈，一定會令你難以忘懷！

餐廳面積唔算太大，晚市時間去到已經坐爆場，見到有唔少人要排隊等位🙊想食建議避開高峰期～1. 三色海膽盛丼（$358）人氣Top1！海膽多到隨時都會跌出黎😂賣相非常吸睛，有三款海膽，全部都好鮮甜嫩滑，細細品味會發現味道同口感各有特色👍🏻撈少少wasabi會更加fresh～海膽愛好者表示完全唔覺得漏🥹食完超滿足wuuuu評分🌕🌕🌕🌕🌕2. 三重大極上丼（$398）人氣Top2！最外圍係鮮甜嘅蟹肉，跟住就圍咗一圈拖羅，中間有幾塊海膽～海膽味道如上😛拖羅入口又係嘩一聲🥹入口即溶，油脂香氣喺口中慢慢散開，不斷刺激口腔同味蕾，忍唔住一塊接一塊……評分🌕🌕🌕🌕🌕另外每個丼飯都配咗一碗麵豉湯，麵豉湯最驚就係太鹹，但呢個啱啱好👍🏻配料都好豐富～嘢飲就係茶包沖嘅茶，味道就冇咩特別，但食完飲一杯好解膩！整體而言雖然食物價錢偏貴，但的確係真材實料，絕對值回票價，間唔中食一次都好滿足😋店家不時會推出優惠活動，記得我去嘅時候係做緊星期一指定丼飯$13x！都好抵食！

同朋友喺旺角街頭經過呢間丼飯店，之前喺網上見到其他foodie分享過，印象係啲料堆到成座⛰️咁，視覺上非常震撼！好ad hoc咁決定入去實測一吓味覺可唔可以帶嚟一樣嘅震撼！《一人一丼飯》作為一個海膽控，三色海膽盛丼當然係我嘅必然之選！朋友花心🌸鍾意多種食材嘅組合，佢揀咗四重火山盛丼🔸四重火山盛丼拖羅蓉小山丘坐落係海膽、三文魚籽 同 鮮松葉蟹肉 上視覺上大🈵足 👀👀食材新鮮，份量十足魚蓉x魚籽x海膽x蟹肉 無論係口感、味道濃淡度都互相配合得恰到好處絕對滿足到朋友嘅花心～🌸❤️🔸三色海膽盛丼又一”視覺上大🈵足”之作海量海膽疊滿飯面🤩海膽嚟自3個不同產地：加拿大🇨🇦澳洲🇦🇺日本🇯🇵 3款嘅質素都不俗最愛嘅依然係來自日本嘅代表～🎌呢日嘅實測結果係：呢到嘅丼飯視覺吸引，味道不錯，份量十足，餐廳嘅位置亦非常就腳，係食丼飯嘅可選店舖之一

呢度特色係師傅會將魚生堆砌成小山丘，造型吸引，打卡一流。餐廳提供丼飯、壽司、手卷、炸物、燒物同飲品，每個盛丼都會附送味噌湯。三色海膽盛丼 $358呢個丼飯真係好啱海膽控既朋友😍 一個丼飯有哂3款地方嘅海膽，份量多，食完大滿足！👦🏻❤️韓國海膽呈橙黃色，味道濃郁及甘甜。加拿大海膽呈橘黃色，最大片，近睇見到卵子顆粒分明，味道甘甘地。👧🏻❤️北海道海膽呈深橙色，細細粒，味道濃郁甘香，質感好creamy。三段重大極上丼 $398最上層係海膽，非常鮮甜而且質感creamy。中間鋪咗幾片拖羅🐟，色澤粉嫩，充滿油香。下層係松葉蟹肉，拆肉碎上，啖啖蟹肉嘅鮮甜味🦀，真係令人回味無窮！白桃乳酸 $35白桃味清甜加乳酸味嘅味道，甜甜酸酸幾開胃🍑。菠蘿味波子汽水 $28有菠蘿既甜味，飲落好清爽🍍📍 爆丼屋 (山東街) (旺角)旺角山東街57號地下

復活節長假期，人人都出外旅行，但因公司趕緊大project唔能夠行開，唯有留港消費，趁住放飯時間，同同事快閃走去公司附近呢間「爆丼屋」，食過魚生丼飯滿足下去咗日本嘅慾望！餐廳位原先在旺角豉油街附近，現搬咗前一條街「山東街57號」，雖然店舖面積並不是好大，但因為樓底夠高，加上以白色木系為設計主調，空間感十足，不會讓人有局促的感覺，而且餐桌亦足夠擺放食物，坐得非常舒適，面對住很大工作壓力的我，望著餐廳天花頂上的浮雲燈飾，頓然感到放空，忙𥚃偷閒！我同同事兩個人豪快咁點咗兩個超級豪華海鮮丼飯定食，每客盛丼均附麵豉湯同埋飲品，包括：三色海膽盛丼 $358三款分別有來自加拿大、韓國和北海道的海膽蓋滿整碗丼飯，非常有氣勢，而每一種海膽都有獨特的風味和口感，滿足到不同的味蕾！首先，加拿大的海膽肉質較為緊實彈呀，口感鮮甜，有著微妙的海味，亦帶有些微的甜味。韓國的海膽肉質非常清爽平滑，口感和香氣都十分豐富，亦帶有些微的鹹味，非常適合與白飯搭配。北海道的海膽肉質較為甘香鬆軟，並帶有一點鮮味和些微苦味，令口感更加獨特。此外，師傅仲特意加一隻「招牌玉子蛋」在海膽上面，拌勻來吃，海膽鮮味就更具層次！制霸：鵝肝海鮮

依稀記得上次黎食係去舊舖，估唔到佢搬左去山東街，見餐廳好早已經滿座，我地都等左20分鐘。裝修風格同之前唔同，依加樓底好高，空間感好大。我地就鍾意餐廳用料豪邁，份量超足料！ ⦁六重相撲爆盛丼 $248由黑魚籽、鮮蟹肉、海膽、牛油果、左口魚裙邊、三文魚籽搭配出黎既丼飯，睇落勁豐富。每款魚生海鮮都好新鮮，味道都好鮮甜。要講既係飯量都幾多，我地兩個都食唔晒🙈！ ⦁三色海膽盛丼 $358大佬身為海膽愛好者，就俾尼款鋪滿三款海膽（北海道/加拿大/韓國）既丼飯吸引。賣相非常壯觀，各款海膽亦好鮮甜，唔會有苦澀味💕。💭仲記得第一次食尼款丼飯，係我的副業賺到少少而請大佬食。再一次食，有種重拾以前副業那份成功感。 - 飲品 -⦁可樂 $18⦁伯爵茶 $30

爆丼屋搬遷後，到咗山東街位置，仍然保持水準，一啲都冇失色！新裝修，樓底高，坐位位置好舒適，而且食材高質素，值得一去！今次同朋友叫咗兩種丼飯同兩杯特色飲品！餐前慣常會附帶一碗湯！今餐真係大滿足，冇得輸！三色海膽盛丼三種海膽都好肥美超大塊！入口即溶！三種海膽味道都略有不同，由鮮到甜！每一啖都有鮮甜味！又大碗又新鮮！超抵食！夢之丼 （夏祭限定）特別限定丼飯！有七大食材，大拖羅丶油甘魚丶帶子丶三文魚腩丶甜蝦丶蟹肉丶蟹籽。新鮮程度極高，刺身大集會，超豐富！特別係大拖羅同埋三文魚腩！大拖羅入口即溶，三文魚腩厚切有口感，帶鮮甜！bubble bath smoothie一開始杯飲品係藍色，感覺好夢幻！飲落去好驚喜，味道係雲呢拿味沙冰，上面再加上脆トト嘅焦糖爆谷，超好味！如果將爆谷浸軟咗係杯飲品度，飲落去仲會帶香香玉米同焦糖味！好特別！制霸魚缸沙冰 （大大杯）其實係芒果沙冰，一嚟到上枱，個size大到足以2個人飲！最驚喜係飲品嘅味道，有好香嘅芒果果香，cream 好smooth好滑，仲有粒粒芒果係飲品上面，超有賣相，極度推介！