京饌 (Closed)

同屋企人食飯，6點幾就咁walk in都有位，坐低無幾耐就叫野食，上菜速度都幾快，除左北京填鴨要等下，其他都好快到。每次黎都會叫四寶茶 ($16/位)，一開始比較淡味，隔一陣茶味會濃啲。今次一共叫左7樣食物：▪️雞絲粉皮 ($78)前菜必選好多芝麻醬，粉皮夠煙韌，雞絲都唔算少▪️香露醉雞 ($90)幾香，洒味唔會過分濃郁，雞都幾嫩▪️翡翠鮮魚羹 (例) ($138)個人嚟講覺得有啲腥不過屋企人覺得OK，所以都算飲得晒▪️蟹粉海皇石頭飯 ($188)味道都算幾濃郁，都唔會好膩，不過個飯偏濕，口感爭少少，有啲唔值😅▪️南翔小籠包 ($60)要趁熱食，入面有唔少湯汁👍🏽皮薄好食▪️上海炒年糕($118)年糕夠煙韌，味道唔算特別出色，無乜特別驚喜▪️黃袍北京填鴨 (半隻) ($280)叫得太多餸，所以唔敢叫一隻，4個人就啱啱好。皮好夠脆，肉就還好，都唔會好「鞋」，仲有青瓜，京蔥同山楂條可以包埋一齊食本身仲想叫埋甜品，但係最後食唔落🫢整體黎講又唔算好貴，不過都唔係全部嘢好食

好耐冇行開APM，襯出開觀塘就食埋飯先啦！去我頗喜歡嘅京饌，不過就要限時1.5小時。其實每次去都覺得周圍好嘈，可能樓底矮同埋多枱關係，不過最吸睛係哩個牆壁。次次都會叫四寶茶飲㗎見到推出嘅蟹粉系列menu我最鍾意食蟹粉小籠包同埋蟹粉豆苗蟹粉小籠包皮薄多汁，雖然一隻要$35，但係好味呀⋯⋯記得小心🥢夾呀⋯⋯蟹粉扒豆苗有好多蟹肉，而D蟹膏粒好鮮味，豆苗炒得爽口，味道啱晒我口味😊上海炒年糕有D小棠菜、旺菜絲同肉絲，年糕口感唔錯，不過味道啖口少少。薑茶湯圓個薑茶好夠薑，好味，唔係好甜，湯圓個黑芝麻餡好香。