御 ‧ 家上海

Open Now

Now Closed

大圍圍方商場開幕嗰陣超多人，啲食肆爆到七彩，要食餐飯都唔容易，依家熱潮已過，訂枱食飯都容易咗。星期日，約咗親戚長輩去御•家上海食午飯。🥢拼盤： 整體吾錯，但醉雞酒味略淡同唔夠滑。🥢小籠包 ： 有水準，如果皮薄一點會更好。🥢生煎包：皮底煎得夠香脆。🥢燒雞：夠味！皮脆肉滑！🥢脆膳：好脆，好似食緊薯條。🥢上海粗炒：不錯，麵身有咬口。🥢蔥炒牛肉：有鑊氣，夠入味。🥢雲吞：正常，不錯。🥢酸辣湯：酸辣適中。整體食物正常發揮，味道不會太濃，調味剛好，適合帶同長輩試吓。順帶一提入座後要90分鐘交枱，不過上菜速度夠快，食嘢時間都算足夠。

今日和老婆,外久和外母往大圍圍方御.家上海食上海菜,我們點了薺菜肉絲炒年糕,鮮肉鍋贴,大上海牛肉餅,雪菜黄魚春卷,荔枝蝦球,上海粗炒,上海擔擔面,松鼠桂魚,煙燻脆皮雞,金牌小籠包,高力荳沙香蕉和凍豆漿,上桌前餐前小食有豆卜,豆卜有點微辣,食落惹味,薺菜肉絲炒年糕薺菜爽口,肉絲香濃,年糕爽滑,鮮肉鍋貼有5件,煎得金黄香脆,食落啖啖肉,大上海牛肉餅有三件,牛肉餅鎖上熱辣辣牛肉湯,味道香濃,餅皮香脆可口,雪菜黃魚春卷炸得金黄香脆,雪菜爽口,黃魚肉質鮮甜,佐酒一流,荔枝蝦球賣相吸引,蝦球彈牙爽口,上海粗炒炒得乾身爽口,食落不油膩,松鼠桂魚炸得乾身金黃,食落香脆,醬汁食落開胃,煙燻脆皮雞半隻,雞皮香脆,雞肉肉質鮮嫩,金牌小籠包共6件,皮薄饀靚，湯汁味道香濃,高力豆沙香蕉甜度適中,食落美味,最後凍豆漿豆味香濃,餐廳座位舒適,食物美味高質,食了一頓高質美味上海菜

7月23號新張第二日去試,好多職員服務態度好好,新張期間有少少混亂正常兩位以上送小籠包當日叫咗以下食品1)小籠包好好食,夠肉汁但係唔夠熱,湯汁已經有啲暖,皮暖2)上海粗炒,豉油太甜,建議管理層見到同師傅商量下,豉油唔好太甜呀😁3)鎮江肴肉好食,不過個醋冇乜味道4)鍋貼,呢部分唔知邊度出錯,等咗好耐前後80分鐘先上菜,我哋問咗一個經理,兩位職員,全部都話幫我哋追單,但係冇一個返嚟同我哋講發生咩事!個底唔夠脆,但係窩貼好熱,建議師父可以煎多兩三分鐘,個底香少少更加好食!價錢合理但係茶介嗰部分,建議可以減少少,我哋兩位去幫襯埋單三百令蚊,加一茶芥起碼佔咗50~60！係呢部分覺得真係有啲貴