鐵牛台灣牛肉麵 (旺角中心第一座) (Closed)

咁啱出旺角有野做，搞掂晒已經兩點幾，肚仔餓嗱嗱臨搵嘢食，有啲想食台灣嘢，醒起之前睇過有人介紹就嚟試吓⋯入座嘅時候已經有下午茶，QR code落單簡單方便，$40/1個下午茶，有一份主食+3個小食，仲有埋杯嘢飲，旺角嚟講都幾抵食叫咗一個麵一個飯，個面係麻辣擔擔麵之類，面彈牙有驚喜，滷肉飯就普通啦；小食分別嗌咗台式香腸，鹽酥雞，炸豆腐，地瓜條等，小食正正常常，如果佢有埋甜不辣揀就好啦飲品都幾多選擇，不過大部份都要加錢$5/$8，所以最後帶咗最普通嘅台式奶茶⋯如果你鍾意飲好甜嘅台式奶茶，呢個就未必啱大家啦，事關我叫咗一杯正常一杯半糖，兩杯都係比較少甜，唔知係咪呢度嘅嘢飲都冇咁甜半糖口味非常適合我，因為唔係好甜而且飲到少少茶香，另外試埋另一杯正常嘅，都唔係好甜姐， 10分喜歡我諗下次我會再去食多次個面，再試吓其他嘢，睇Menu好似仲有個臭臭鍋？

為咗木魚炸豆腐嚟食 點知呢間凍哂又硬得滯 之前食過金巴利道嗰間兩次都好好食趣卜卜但係又唔會太硬裏面仲好熱 啲麻辣牛肚又硬骨骨 同樣都係下午茶都唔明點解爭咁遠 人手方面就差唔多大家都係咁不足㗎喇 上小食個碟係冇分隔一碟過 同金巴利道嗰間分三格唔同 因為我有小朋友嗰啲麻辣牛肚嘅辣椒油流晒落去青瓜度佢會食唔到 所以叫咗人幫我換 等咗好耐佢都未拎嚟 我要個碗仔 等咗好耐佢又係未拎嚟 結果要叫另一個拎俾我 如果我第一次就係食呢一間分店我唔會再食