籠太子點心專門店

Open Now

Now Closed

籠太子點心專門店（太子）星期日午市唔駛等太耐就有位埋單$121，唔收加一（服務反而比好多去過既酒樓好，起碼爽手冇錯漏），茶錢剩係收$3，CP值算中上食物整體唔錯，特別係蝦餃，但個皮蛋牛肉腸差啲，食唔到皮蛋，牛肉又冇咩味

一進店一舉頭就看到一個個雀籠, 完全反映店鋪取名原因 - “籠太子”。整間店鋪都是水綠色的, 裝修很有文青風, 感覺很舒適。(雖然裝修不俗, 但雀籠都鋪滿塵, 該清洗一下 😅)我們總共點了十一碟點心, 我並不會將所有點心點評, 重點是介紹比較特別的或出色的。鮮蝦腐皮卷 - 一吃是腐皮的味道, 但卻是蔬菜的質感, 非常特別, 另外我完全吃不到鮮蝦, 或許已經被一堆菜掩蓋了。不是炸兩 - 腸粉包著的不是油炸鬼, 所以才稱為不是炸兩, 吃不到𥚃面的是什麼, 但都是炸得脆脆的。鵪鶉蛋燒賣 - 這個最驚喜的是腐皮, 它有非常濃厚的鮮豆味, 相當清新!香蒜春卷 - 外暖內熱, 第一口咬下去想像不到𥚃面會這麼熱, 食物熱騰騰已經加分, 餡料蝦肉也是非常新鮮再加分👍🏻香芒沙律盞 - 這個有點失色, 看圖片以為很特別, 卻是普通的沙律, 加上香芒汁及沙律醬, 底部承托的只是一塊薄薄的脆片。鮮芒果布甸 - 意外叫錯了這個布甸, 比上面原來要叫的好得多, 除了布甸太細之外, 味道本身很甜, 在上面鋪上芒果蓉後就更甜!整體上吃得出點心都是即叫即做, 大部份都好吃的, 而且也坐得很舒服, 難怪當晚是坐無虛席。

女友住呢頭附近，但其實一直都未知呢間舖頭，直至一次ViuTV節目講深宵工作既人，既然望落好似幾好，就即管試下啦，門口緣藍色冇乜特別，入到去就會發現週圍去鳥籠式佈置，嘗試整到好似舊式茶樓果種感覺，座住正常舒服，樓底幾高冇壓迫感，點完野都都係等冇耐就會上到食物，溫度仲要係夠熱既，美中不足既係啲樓面好多都係講普通話，雖然聽聞老闆係有良心，但未知啲伙記係咪都有良心，聽住蝗語好影響心情，如果有政治潔癖既就要忍耐下了食左好幾次了，食物質素認真係好既，最鍾意係藥膳雞腳、不是炸雨同南瓜煎堆，

今日放工後很想吃點心， 便與女朋友到太子的籠太子吃即叫即蒸點心由於很久沒有吃點心，所以我們點了各款食物有煎炸類和蒸品類。招牌不是炸兩外軟內脆， 配上不咸的豉油提升鮮味，一秒掃清光！而荷葉石班飯更令人驚喜價錢實惠之外，亦有不少石班肉塊，香氣十足令人一試難忘🥹我們每人最少也可以食兩碗才能把這個飯吃完。最後亦有二人份蝦餃，十分細心，適合我們為食的心態外，亦能避免吃得太飽。這次還有很多點心想吃，只好留待下次了！

在旺角購物完順道用膳，選擇吃港式點心，楝啱近太子港鐵站的「籠太子點心專門店」。蝦餃皇分兩顆與四顆選擇，我喜歡份量有得楝，蝦餃味道口感都不錯。金蒜蒸排骨，腍滑排骨配蒜香下飯一流，因此我們也要一盅鳳爪排骨飯分享。 熱騰騰的流沙奶皇包也是我們的至愛，十分享受甘香美味的流沙奶皇。不是炸兩，是爽滑腸粉包裹薄脆，而薄脆包裹蝦肉與韭黃，一次品嘗三種口感：爽滑、香脆、鮮蝦肉。魚肚水餃，水餃饀料滿滿，鮮蝦很爽脆可口，還有我喜愛的魚肚，滲滿上湯吃，很爽呢！ 最後由迷你版鮮芒果布甸劃上點心午膳句號。順道外賣三款點心回家，鹹水角、南瓜煎堆仔、藥膳雞腳，外賣有九折優惠。

夜晚嚟到呢度食點心門口唔使排隊一入去就有位了.其實點解嚟呢度食呢係因為見到佢個鮑魚燒賣好似幾特別出邊好少有所以呢個梗係要order la呢個就係佢一嚟到嘅樣了鮑魚係就咁放上燒賣上面的一夾鮑魚就甩咗出黎所以基本上鮑魚同燒賣係分開食的鮑魚就一般 唔夠彈牙燒賣就係一般酒樓食到嘅燒賣咁冇話有幾特別 正正常常都係食返平常燒賣好了😂.魚肚水餃我覺得個魚肚幾好食因為我本身都鍾意食魚肚的佢個湯汁有啲鹹但係魚肚唔會話索哂啲湯嘅味所以都仲keep到清清爽爽咁😛個水餃呢 都係一般水餃.蝦餃蝦夠彈牙.多汁小籠包佢幾體貼的可能擔心啲皮會破所以每個小籠包都有個小鍚紙兜兜住所以就算破左都可以飲返啲湯汁不過佢d 湯汁唔多所以我哋食嘅時候個皮都冇爛我覺得呢個唔使嗌都得因為食小籠包就係想食爆湯的但呢個唔係.鳳爪好食呀個味同出邊嗰啲唔同的佢話呢個係名醬鳳爪下面有少少烏冬墊底鳳爪蒸得好軟不錯不錯.瑤柱灌湯餃hahahaha瑤柱同灌湯餃原來是分開的大家見到個餃隔離嗰一小粒就係瑤柱了😂😂😂就係餃一隻冇乜特別.黃沙潤腸ummmm可能係我唔鍾意潤腸所以呢碟我唔評論了或者鍾意食潤腸嘅人會欣賞.不是炸兩本身聽到個名以為真係只係普通炸兩點

今日夜晚經開這裡。突然想飲夜茶就選擇試一次這間點心專門店。這裡一直都想試因爲是新派點心。款式多賣相靚。今晚來到這裡其實只有一桌子客人。不過店員都算熱情，雖然都知道佢地準備收工。有幾個重點想講：第一、這裡的茶真係唔熱的。可能因為準備收工。佢哋只供應之前放在桌上微溫的茶。但老實說喜歡飲茶的人。對茶都一定會有些要求。希望下次再來時會作出改善⋯第二、這裡的傢私和餐具都超污糟。就算洗完餐具都發覺很多頑固污漬。桌子上還要是黑色的⋯還有很多水漬就算你外表多光鮮。但食店最重要的東西你唔保持好。客人此中會走的。講返食物：今次點選了以下幾款鮑魚燒賣口感麻麻⋯本來睇到那麼深色以為會好濃味。但其實因爲太細個，味道一點都唔出。價錢又唔算太平，唔會再食。都係去返大酒樓會抵食點。這個金錢肚更失望。份量少⋯價錢唔算平⋯黑椒味很濃令成個點心很辣。幾條意粉的物體做底。睇落唔好食，所以無試過。這個炸兩個名叫不是炸兩。但老實講唔係炸兩我都唔知係咩？講返炸兩，這個炸兩都算熱。口感似稻香酒樓其中一款有櫻花虾的炸兩點心。當然稻香好食好多因為人地份量比較足。這個香芒海鮮棧真係好正呀。價錢唔貴。味道濃和夠凍。賣相又好靚。另外還有匙比食

食過好多間點心專門店，依間雖然唔係最好食，但性價比一定係最高！平日六點幾黎到唔洗等位，但七點左右已經係座無虛席，大家黎食既話就要睇時間啦！成間餐廳既環境用淺綠色做主調，有少少東南亞星馬泰既感覺！嗌左幾款點心，上菜速度算快，點心標榜即叫即蒸，就算係炸物都感覺到係即叫即炸，特別推介佢個「不是炸兩」，其實係腸粉皮包住脆蝦卷，依間點心既蝦仁比一般既彈牙同新鮮，值得一讚！唯一係略嫌油膩感比較重，食完第二舊已經有D滯，亦可能因為我最後一轉先食依款點心。整體點心質素中上，重點係我四個人食，人均唔洗$60，CP值簡直奇高，絕對會翻兜！

平日要返工，放假又晏起身，想飲夜茶我首選籠太子，價錢唔貴又免加一呢度嘅玄米茶幾好飲，$3位茶真係幾抵不是炸兩個名好得意，入面脆脆地，有蝦肉，個人覺好食過一般炸兩蝦膠釀茄子面頭嘅蝦膠滿滿，而且煎得好香黑松露野菌餃外皮煙韌，內裡好香黑松露味蒜香春卷 入面係蝦，點喼汁食一流薑蔥牛柏葉唔韌而且好入味兩個人食左5碟野，埋單只係$118，好抵！佢有d點心好似蝦餃咁，可以淨叫兩粒，兩個人食就可以叫多幾樣試下，好適合情侶黎食！

晚上 8 點幾到，入面都幾多客人不過啱啱好有幾張枱無客所以好快可以有位好快咁劃左 8 款點心香芒沙律盞 ($19) 其實都係雜果沙律，蘋果居多個撻皮係 un 到唔會食嘅應該無下次流沙奶黃包 ($21) 個包大約等左 10 分鐘左右先食入面啲奶黃仲係又多又流沙！好好味籠太子蝦餃皇 ($25)不過不失，皮唔算好薄，但蝦算係新鮮魚肚水餃 ($19)估唔到都幾大件魚肚，有 2 塊魚肚，3粒水餃水餃餡有好多木耳，好爽口黑椒金錢肚 ($23)好多黑椒好香口，有啲類似烏冬嘅粉麵條墊底不是炸兩 ($23)入面唔係油炸鬼，係啲脆皮，都唔錯鮮竹牛肉球 ($18)牛肉球唔係好粉嗰啲，好味但可以俾多少少鮮竹😅原隻鮑魚燒賣 ($27) 以為啲鮑魚仔會無味，都有啲鮑魚味喎！燒賣都好新鮮

放工同老婆去了太子的點心店食晚餐，位於柏樹街的籠太子，主要是賣點心為主，款式甚多，全部都是即叫即蒸，新鮮熱辣。我們兩人茶錢$3/位。蝦餃:不算大隻，但皮薄通透，蝦肉爽彈。燒賣:裏面包著大大粒的蝦肉，豬肉不會太肥膩。鮮蝦腐皮卷:外層煎得香脆，不會油淋淋，裏面包著鮮蝦。雪山叉燒包:表面鬆脆，麵包帶有甜味，就餡料比較少，但味道不錯。不是炸兩:腸粉包著類似春卷，裏面用米網紙包著蝦肉，外面腸粉滑，裏面就脆。皮蛋瘦肉粥:粥多餸少，只有很少瘦肉，而皮蛋煲到溶左，粥煲得很綿。海皇芝士千絲卷:外面是用炸脆的米粉包著，裏面是蝦仁及冬菇，芝士就唔多覺。總結：味道不錯，價錢合理，食物款式比一般點心店多，尤其是炸物。

出街食飯多數去尖沙咀，銅鑼灣或觀塘，自己住的太子反而很少去搵食。這間位於太子的點心店開業了約3年多，還記得是我搬到太子後它就開業，今晚終於有機會試一試。多數的點心店都只收茶位，不用加一，籠太子亦不例外，每位茗茶$3。蝦餃蝦餃可以選擇2粒或4粒，人少少都可以食。蝦餃外型脹卜卜，皮薄晶瑩剔透，蝦肉爽口彈牙，還有些竹筍，味道爽脆。燒賣燒賣跟蝦餃一樣可以選擇2粒或4粒，燒賣內有原隻蝦肉，爽口彈牙，豬肉唔會死實實，有豬肉的肉汁。糯米雞餡料豐富，有火腿，雞肉，原隻鵪鶉蛋等，糯米吸收了餡料的味道及肉汁，質感非常軟綿煙韌。流沙奶皇包一搣開裏面的奶皇即刻流出，新鮮熱辣，甜度適中，充滿著咸蛋香味，食完好有罪惡感。不是炸兩腸粉包著炸蝦卷，外層的腸粉很滑，裏面是用網紙包著蝦肉及雜菜炸成，所以非常香脆，但不是每舊都有蝦肉。海皇芝士千絲卷外層似炸麵餅，炸得非常香脆，裏面包著蝦膠，爽口彈牙，但吃不出有芝士味。鮮竹卷外層腐皮很煙韌，裏面包著木耳，豬肉等餡料，加上浸在上湯內，所以咬開有肉汁，木耳很爽口。北菇雞飯正常一人分量，雞肉不算多但肉質嫩滑，加上有薑絲去掉雞肉的肉腥味，飯粒分明爽口，但感覺上糯米雞較為抵吃。整體而言

好耐無同媽咪飲茶，但又唔想食黎食去都係個啲酒樓點心，跟住就去試下籠太子點心。中午去到就有位，店內唔大，主要卡位，唔會好迫。點左4樣點心，好快就到。茶位$3，無茶揀，應該係玄米茶，反正對於飲茶唔係真係飲茶嘅無咩所謂。服務態度可以。下次要試下個個海皇芝士千絲卷，睇落幾好味

飲茶再不是酒樓的專利，晚上9點左右來到太子來找東西吃，發現原來還有得飲茶，它的營業時間還要到開到凌晨2點。我很喜歡飲茶，小時候會覺得很悶很無聊，長大了，口味變了，反而很喜歡茶樓內的食物。到晚上9點多還有很多食客，等了一位兒才有位：）令人垂涎的流沙奶皇包($21/3) 我和友人都對眼前的流沙奶皇包讚不絕口，因為它非常非常流心！原本已經“mip”開了一個流沙包，我太心急，就這樣將流沙包從中間一分為二，但因為內餡太流的關係，弄得我的手都是奶皇～～～ 奶皇包充滿蛋黃既咸香味，有沙沙口感，最後一個放了一會兒先食，但都很流心！ 一籠有三個流沙包，賣相正常 籠太子蝦餃皇($13) /鮮蝦燒賣皇($13) 平時去酒樓會點蝦餃同燒賣，普遍都係一籠4粒，但這間店就可以選擇一籠2/4粒，那就選擇食方面就可以有多一些選擇，試多一些不同的款式。  蝦餃皮薄，蝦肉新鮮，味道正常。海皇芝士千絲卷($21) 有4大件千絲卷，炸得甘脆香口，可惜比較油，千絲卷的底部都浸著油，如果有張墊底紙來索油，感覺會好一點。味道方面，內有爽口鮮蝦和冬菇片，但芝士味欠逢。女生吃一件就已經足夠了，建議4人分享會更好。不是炸兩

好耐冇嚟喇，年幾前嚟過幾次，發覺菜單冇新嘢就冇再嚟。今次嚟menu依舊。哩間點心好在食物質素唔錯，坐位比起其他食過嘅點心店好坐又多2人位，又成壺保溫瓶嘅茶放喺度任飲。人客比起年前嚟多咗唔少都感到欣慰，希望多啲好嘅小店做得住~ 要客人返頭，keep住質素之餘要有啲新嘢先得架~蝦膠釀豆茄子 - 哩個必食，應該係蝦膠釀落茄子後成件泡油再打茨汁，香口得嚟唔油膩而且茄子仲保持鮮嫩juicy, 讚！不是炸兩 - 裏面炸脆卷仲青瓜同蝦肉，香口得嚟夠fresh; 腸粉好滑四寶滑雞紮 - 有蝦肉，雞，魚肚同火腿扒，用料扎實多汁小籠包 - 果然多汁！鮮蝦菜苗餃 - 都係蝦膠同菜，可以原隻鮑魚燒賣 - 鮑魚仔有鮑魚味(...), 粒粒猪肉有咬口海皇芝士千絲卷 - 哩個有啲失準，絲係炸得脆但好油；蝦膠爽口仲有東菇夠香椰汁桂花糕 - fresh~~~