犇之食堂 (Closed)

紅日嘅銅鑼灣人多又車多🚖，加上又啱啱打完風，街上非常之擠擁😑，所以就行咗去少人啲利園果邊嘅白沙街度食，估唔到又有驚喜😋。犇呢間餐廳睇門面好似係日本餐廳，但其實係食台灣菜。銅鑼灣嘅台灣餐廳都唔算太多，比較出名嘅有登龍街嘅燈籠老味🏮同希雲街嘅樂面牛屋🐮，而呢一間可算係我覺得第三間真心好食嘅台灣嘢😋。首先，我哋叫咗個鹽酥雞滷肉飯🐓，滷肉飯非常香口得黎亦都唔會話太油，而鹽酥雞就炸得啱啱好，唔會話太燶太油，食落去真係一試難忘😋。之後，我哋叫咗個丫爸皮蛋豆腐🥚，佢其實係一味將皮蛋碎同少少碎嘅豆腐混合一齊再加個醬汁，食落好感受到皮蛋同豆腐嘅香，配埋個酸酸甜甜嘅醬汁，真係令人停唔到口😋😋。最後，我哋仲叫咗個牛肉麵🐮，我自己覺得牛肉麵都好味嘅，但係就唔係話太特別🤷🏿。總結來講，呢間算係喺銅鑼灣入面味道中上嘅台灣嘢（雖然價錢都係中上💵），十分推薦大家去試吓👍。

犇之食堂係我地喺銅鑼灣食台灣野嘅固定食堂雖然得兩個人黎食, 但次次都會忍唔住叫到成枱都係野😂台灣腸係必叫, 側邊放左蒜片可以一齊食。涼拌小茄子-醬汁帶甜有蒜蓉味~皮蛋豆腐 – 雖然我冇喺台灣食過, 但呢度撈埋肉鬆仲有少少辣, 好惹味好好食!黃金泡菜 – 都係冇喺台灣食過, 但叫左一次就返唔到轉頭💛。係甜+酸嘅泡菜。清燉牛肉麵 –第一次叫, 因為老公唔可以食有藥材成分嘅湯底所以叫左清湯試下。呢個真係好好味, 極力推介。湯係清甜,好襯個麵, 有驚喜🤭鹽酥雞滷肉飯 – 呢個COMBINATION算抵食, 鹽酥雞都大份, 滷肉飯有肥肉同多汁!奶蓋烏龍茶 – 揀左少甜, 奶蓋帶少少咸🤤睇完就明點解次次都叫到成枱野LoL

友人心血來潮話要食台灣野都好。小編好掛住台灣的說🥺「犇之食堂」門面好靚，標榜用日本產米👍🏻當日約8點到，入座率半滿店員服務好，卻免收加一😊當時安排小編和友人坐一對couple旁，友人希望坐後一張大枱，店員樂意並無拒絕🙂好少嘅事，但值得讚。大膽講，大部分大小食肆都唔願意配合坐低店員立刻主動介紹是日廚師推介及特飲選擇😙鹽酥雞滷肉飯($72)鹽酥雞高質高質高質！配以九層塔鹽味夠，炸粉脆感覺新鮮，雞肉有肉汁滷肉飯，飯底部有適量的滷肉汁因為米靚，米粒沒有過度吸取醬汁😃酸菜好好味！小編唔食酸瓜都食左兩三粒😂開胃又唔重瓜味香酥排骨滷肉飯($72)排骨即係豬扒，同鹽酥雞截然不同酥炸肉質不柴，調味適中丫爸皮蛋豆腐($42)驚豔到！將碎豆腐、碎皮蛋、木魚、肉鬆撈勻，配上醬油膏🥳一啖可以品嚐到所有材料！係香港未見過呢種食法仲有豆腐非用百福🤩，係有存在感嘅豆腐，有誠意！！滷水拼盤($78)Menu上有一小行遮蓋左，原應係顯示滷水拼盤原來嘅搭配？今日係豬耳、豬手、豆腐忟得好淋好淋，豬耳都忟成軟骨😍滷水味唔算特別香，普普通通正正常嘅一碟菜起司奶蓋炭焙烏龍茶($35)奶蓋有芝士粒粒🥰正不過奶蓋份量多返啲會更好烏龍紅

就咁睇門口我以為係甚麼cafe,原來係台灣餐廳,咁有feel即刻逼朋友同我試~哈哈傳統清燉牛肉麵 $78去完台灣玩返黎依然想食台灣野,所以一開波我已經自私點左個清燉牛肉麵,聽講D面係手打嘅,唔怪得視覺上都已經感受到分別啦.碗麵都有幾多塊牛肉,雖然都有幾多肥膏,但撇除呢方面,D牛肉好林好好咬亦都好夠味~麵條我覺得才是重點.用筷子夾佢已經好滑,入口特別爽口彈牙,而且有厚度,食一碗都幾飽,不過本身比較清淡嘅我就覺得個湯咸左D宜蘭鹽酥雞滷肉飯 $72朋友叫左個鹽酥雞飯,佢個鹽酥雞分開上,所以我有得食~~~睇落好似好少咁,其實佢都幾多,每粒雞都炸到剛剛好,唔會太脆太油,加上椒鹽唔係好多,食到香口惹味但唔會咸到瘋狂飲水,裡面D雞肉仲係嫩,真係唔錯唔錯.至於滷肉飯D肉唔會太肥,同白飯比例都差唔多,唔會成碗飯濕曬都唔會好乾,份量亦剛剛好,食得過.丫爸皮蛋豆腐 $42皮蛋豆腐絕對係必食!我第一次見D豆腐係碎成咁!原來咁先係最正!雖然D豆腐碎曬,但依然好滑好有大豆味,而D醬汁都撈得好均勻,唔會一忽超鹹一忽又無味~~D皮蛋亦好彈牙,連我最唔鍾意食嘅蔥花都因為完美調味而越食越開胃,如果我食緊白飯,用黎撈飯就完