泰道 (Closed)

另一半生日，朋友請食飯。車了我們去西貢食泰國菜。當日好爆，露天茶座已經坐滿了。雖然枱有些細，但免強都可以的。我是第一次來，但其他人已經來過，仲話今次食物好食過之前。我們叫了一個細嘅小食拼盤。每樣四件泰式雞卷、魚餅、蝦餅及素春卷。全部都脆卜卜，幾好食。串燒沙嗲牛心舌、牛、豬和雞各兩串。我唔食牛舌都覺得牛心舌夠冧，好好食👍🏻。其他串燒都好味的。菠蘿海鮮炒飯都炒得好香，我比較鍾意食菠蘿，如果可以再多啲就更加好。味道不太咸。泰式燒雞半隻，柴了些少，但皮都脆的。鹽燒馬友，肉質和味道啱啱好👍🏻朋友之後再去幫襯，但話冇今次咁好食喎，水準有些不穩🤔…

西貢（noun)解釋為香港好去處之一，香港人最鍾意後花園鍾意做乜都得，不外乎都係郊遊、出海、渡假。放假（verb)除咗留喺實驗室整實驗品😂冇機會開漫遊，仲可以去漫遊打卡。😊溫馨提示：去之前記得「配返啱度數」「擘大眼睇清楚」你眼前嘅無敵大海景同大靚女！最冇死系列之一，沙嗲串燒$38兩串，牛肉絕對比羊肉好食😋估唔到係大串。豬頸肉沙律我好鍾意❤️作風係比較卜卜脆同乾身，鍾意多肉汁同半肥瘦痴身Lam Gigi嘅就要諗吓啦😂香芋雞飯個容器顏值高，一百零蚊大大份，楊戩三眼仔都食得夠飽😂靚女千祈唔好諗一個人食得晒⋯個個都影椰青，我就影椰水😂

星期六帶埋狗狗去西貢book左間可以帶狗仔入嘅餐廳由於係餐廳食野 所以泊車方面優惠左原價30蚊變左20蚊一個鐘🤔-我地有寵物所以坐外面 景色唔錯不過好多蚊 所以餐廳都準備好蚊怕水俾我地有效嘅😆即刻冇蚊咬😂-一行三人叫左啲野食 質素都幾好 😋😋小食拼盤有四款野食個日春卷無晒 變左三隻雞翼雖然少左件 不過都好 我個人中意食雞翼多啲😚炸到脆卜卜 幾好味 唔會食落油淋淋咁👏🏻呢個係牛同雞串燒牛個兩條串燒燒得比較乾 麻麻地雞就好好味 無問題👍🏻泰式炒金邊粉睇得又食得 炒得好靚 乾身又入味而且幾大碟 推薦👏🏻👏🏻最後炒個通菜正常發揮 調味合宜 非常好☺️-推介大家都可以黎試下💛

我相信如果唔係朋友搵到呢間嘢兼車我嚟, 我呢世都唔會知道原來呢度有個海灣會, 仲要有酒吧、泰菜、BBQ添~ 果晚大家都係第一次, 好不容易搵到去海灣會, 但佢門口個指示牌又唔清唔楚, 都唔知架車應該泊响邊? 又唔知海灣會係咪好似人地果d遊艇會咁, 要會員先可以去? 咁啱見到有個着住製服的男人, 想問問佢應該泊响邊, 但佢叫我地等等, 等到佢招呼完個客攞車, 然後返返入去都冇理我地, 咁我地又以為佢係海灣會d人, 唔理我地呢d街人外人, 於是打電話去問返究竟點泊, 泊邊? 又係講到唔清唔楚, 搞咗差不多十分鐘, 最終見到再入d有大空地, 有理冇理泊咗先講, 起碼唔會阻住村民個門口先...............明明睇OR個地址係呢度, 但就淨係見到海灣會個酒吧, 諗住厚住面片入去問路, 但一入到去見到不遠處係似泰式餐廳, 再行入d, 就見到"泰道", 仲要見到頭先唔理我地果條友, 原來佢就係呢度員工, 枉呢間要叫"泰道", 但d員工對人d"態度"咁冷淡...................原來唔只頭先果個男員工差, 負責室內果個女員工都唔好得去邊, 我地坐低都好幾分鐘, 都唔比水唔比餐牌

我又搵到新地方去Hea, 今次係俾個【芒果糯米飯】所吸引，餐廳在海邊，是日大退，望到好大片沙灘，雖然熱，但咁先像熱帶地區ma !易泊車，係吸引點，跟住初初俾 泰Hea Tea 吸引，但咁正既野，假期就緊係冇la ! 於是我們叫左1湯，10串串燒，炒菜，烤魷魚，芒果糯米飯。食物質素係ok , 串燒係多汁，冇變成乾爭爭既肉乾，但個湯入面既蝦，有d 「梅梅地」。但1湯3餸，10串燒，兩杯飲品，以Tea 來說 ，成為$800 大圓，都唔係平既 ，但偶爾一次，食左心情好左，都無防la !