麵屋丸京

Open Now

Now Closed

之前經過已經好想試 今次就黎左試試佢‼️價錢都唔算貴 可以再encore🫣🐽半熟卵拉麵 $78好經典既醬油拉麵🍜湯底仲有清湯 濃湯 柚子胡椒清湯 地獄湯比你選擇🤤我就揀左清湯 飲湯會飲上癮😝配上叉燒 薄切叉燒燒燻過 食落去幾得意😋筍唔錯 味玉好流心不過就唔夠入味🥲整體黎講都唔錯☺️🐽丸京拉麵 $100真心推介🫶🏻首先樣子已經好澎湃😳叉燒鋪滿曬面 完全睇唔到啲拉麵🤣呢款係有三塊真叉燒同三塊叉燒🫣個人比較鍾意食真叉燒多啲 佢係慢煮叉燒黎 所以肉質係粉嫩粉嫩同好軟淋 好好食吖🥹我地揀左柚子胡椒清湯 小清新既感覺🌼唔錯😋

夜晚唔想食太多，但又想試下真叉燒，最後都係叫左多d 肉既丸京拉麵。丸京拉麵濃湯： 有真叉燒（即慢煮叉燒）3塊同叉燒3塊，真叉燒係滑嫩但冇咩味，反而叉燒有d 燒邊，比較香，薄薄地質地亦都ok ；蛋係流心既；豬骨湯底普通無特別；麵偏粗同硬，紙度又冇得揀硬度；溫度亦都唔夠"辣口"餃子：冇咩特別，正正常常食到最後有d 漏，加d 蒜又好食好多～性價比以香港拉麵黎講ok la, 但下次再食會揀普通叉燒拉麵，真叉燒我就興趣不大啦。

丸京拉麵*Time : Feb 2023, Lunch*Price : $140-HKD *Place : 麵屋丸京*Review : 在屯門紅橋，沒了赤橋拉麵後，這一間會係比較好的選擇，位置也相近- 丸京拉麵：賣點是有六片薄义燒，當中三片普通义燒，三片慢煮义燒，不過由於比較薄，好易就沾上湯味，加上這裡是用豬骨濃湯，湯底濃味，义燒又軟，所以吃起來分別不大，不過用外加的紫菜，包上义燒，麵條，再加上辣醬一起吃，相當不錯整體是不錯的，份量不小，拉麵，餃子等水準平穩，在區內是比較突出的一間，下次會試地獄湯拉麵

今次想介紹嘅係一間拉麵店，荃灣同深水埗嘅分店好似都算幾出名，而我今次試嘅就係屯門店。舗頭唔算太細，坐得唔算太逼，唯獨係如果要同人搭枱就會窄少少。丸京拉麵 $100佢將D叉燒全部放晒喺面，有真叉燒、叉燒各三塊、蛋、筍，一開始我都唔知咩係真叉燒，後尾店員解釋係慢煮嘅叉燒。最後食落真係好食過普通叉燒好多，佢係都幾粉嫩，加咗少少黑椒，係肉味可以再濃少少。普通叉燒就略嫌太瘦太柴。溏心蛋好食，我揀咗清湯，一開始幾鍾意，但連埋個麵食就發現，咦，點解咁似食緊雲吞麵，因為佢鹼水味好重，所以都幾失望，個濃湯好食d，係豬骨湯，唔會太濃或太鹹。七味炸雞 $35炸雞每一件都好大嚿，不過佢落太多七味粉，所以有D辣，雞肉都算juicy，但炸衣幾厚。總括嚟講，我覺得都值得食嘅，因為個叉燒都幾出色，同埋份量都多，但如果要排好耐就不了。同埋聽講第二間舗有限定嘅蝦湯，我都會想試下。

今日幾了家組，去佢家附近的拉麵店，去到唔使排隊，店內坐四人枱，店家裝修有點現代日本feel，座位唔迫，樓底高無壓迫感，牆上日本畫搶眼，落餐紙麵食選擇簡單，落好單食物好快到清湯半熟卵拉麵（$78）加紫菜（$10）賣相不錯，紫菜爽脆，沾湯好味，半熟蛋好正，是我喜歡的蛋黃狀態，流心漿口又唔會太生，蛋白彈牙，荀條有咬口，叉燒片好食，半肥瘦肉味夠又唔嚡口，幼麵掛湯不錯，湯底清澈鹹香清爽夠味，整體好味，價錢合理自家製餃子（$30）有點黏皮，皮有彈性不錯，餃子底煎的夠脆皮，肉餡唔會乾，幾好丸京拉麵（$78）家姐食，試左一啖湯，湯底有漿口感，濃味香口店員勤快斯文，不多說話！廁所要去對面商場，比較遠及難搵值得encore

【麵屋丸京】選址沒有揀選較旺的屯門市中心而是開設在屯門一個小社區紅橋避開了一些較強的競爭對手之餘租金亦都相對比市中心為低・說到麵屋丸京最為人熟悉的就是真・叉燒真・叉燒是以慢煮的烹調方法製成這裡的叉燒以薄切的形式擺放於湯麵上今次我就選了⭐丸京拉麵 (濃湯)丸京拉麵分別會有真・叉燒與普通叉燒各三片・拉麵來到賣相都相當吸引 看到就食慾大增真・叉燒可能是慢煮的原故單看已很粉嫩口感較普通叉燒為嫩滑 兩者的肉味都很香濃而濃湯為豚骨湯都很出色 雖然看到有點油花但不算太肥膩 只是喝到大半後會感覺較鹹個人覺得半熟蛋跟拉麵就沒有太大驚喜・屯門的朋友如果未試過麵屋丸京的其他分店不妨到屯門紅橋一試真・叉燒的確是有它的風味😋😋😋