堅離地 7 PO (Closed)

疫情前計劃緊下一個旅行想去土耳其🇹🇷坐熱氣球, 點都無諗過一等就等左三年 不禁令我感觸起黎, 有d野想做就做想去就去, 唔知幾時又可以黎個唔知咩病, 世界又停頓, 人命可以好脆弱… 仲未有機會飛轉咁遠既, 食返餐似樣既土耳其菜吊下癮先🇹🇷 呢間係我係香港食過最好食既中東菜 (沒有之一!)💛餐墊同牆身掛住好多中東毛墊, 頭頂都吊住色彩繽紛既馬賽克土耳其燈🪔連一碗一碟同刀叉都好有民族風, 但絕對唔係得個樣!黃咖喱香料味夠重, 撈埋乳酪食個質感更濃稠🍛 脆薄Pita bread蘸埋咖喱食一流🫓 雞肉又嫩又腍, 鍾意咖喱入面加埋好多雜菜無咁膩雞豬牛串燒醃得入味又夠香, 肉嫩多汁蟹餅既生拆蟹肉🦀多到滿瀉, 鮮味十足!凍墨魚份量超多又夠爽口鮮味, 配埋軟腍水牛芝士做芝麻沙律夠哂驚喜🥗最後加埋土耳其品牌既紅石榴棒茶, 酸酸甜甜, 消滯解膩☕️枝棒有好多個細窿比d味滲出黎, 但又唔會漏左d茶葉. 據說唔擺入茶匙既話, 仲可以一枝放係個杯度當埋攪攪棒, 咁就唔駛再洗多隻羮鍾意飲凍飲既話呢個梳打水版本既紅石榴汁就有另一番風味, 仲有粒粒石榴咬下始終今次放工比較晏先黎到, 有好多想食既野都賣哂 希望下次可以食

終於都可以出街食晚飯，在網上發現了這間新開的土耳其菜，一於來試試。餐廳由90後經營，餐廳的佈置有很多細節位都有土耳其特色，不論桌上的餐墊、水樽，餐廳的地墊、燈飾，還有很多土耳其特色代表藍眼裝飾。餐牌上多款選擇，最後揀選了串燒和咖喱試試。中東雞羊各2串燒，這裡的串燒估唔到有驚喜，串燒份量幾大，肉串有著中東香料的味道，咸咸辣辣，非常惹味!雞肉嫩滑，羊肉也不會很羶，除了肉粒，還有洋蔥、青椒、紅椒等蔬菜，能減少罪惡感。雞肉和羊肉再點上附有的醬料，酸酸地更能帶出肉的鮮味!乳酪黃咖喱雞，這裡的咖喱味道是印度咖喱，微辣，咖喱味道香濃，因為落有乳酪，所以有淡淡的乳酪清香!雞件份量都幾多，不會太多骨，肉質嫩滑。咖喱內還有秋葵、椰菜花等蔬菜，很美味!中東皮塔餅11吋，皮塔餅有點似彼得包的口感，點上咖喱食非常美味呀!這間餐廳小店值得再次回訪，下次想試試其他烤肉!

90s後誠意土耳其餐廳👍🏼去完西九文化區行返出柯士甸發現有間新嘅土耳其餐廳又真係幾唔錯喎!雖然細細間但係充滿特色侍應服務態度勁好😚好細心介紹餐牌同推薦特色小食👍🏼枱墊充滿土耳其特色, 仲有幾有情調嘅土耳其燈🏺乳酪黃咖喱雞$122🥘咖喱勁入味,有少少辣,本身就唔跟飯或者薄餅要另加,或者你可以叫埋燒牛肋骨或者牛羊串燒配埋薄餅嘅!我自己本身好鍾意食印度嘅naan,第一次試土耳其風比較硬小小嘅,都還好燒羊肋骨配薄餅$158🍗冇問幾多成熟,但係做出來口感夠冧有𡁻口,好大份,都幾抵食嘅,但係就唔夾naan反而我覺得配返咖喱好啲無花果紅石榴沙律$65推薦!好多無花果肉😍出邊冇見過呢個配搭,真係幾好食😍😍