妹記大排檔

Open Now

Now Closed

平時食開佢哋嘅晚餐，叫餸食飯飲番一兩碗啤酒😋係疫情下，多左去妹記食午餐，因為地方夠大，而且座位數目都比較多，妹記大排檔嘅午餐可以講係平靚正份量又多，特別係食佢哋嘅炒粉麵飯，都係特別有鑊氣👍🏻好惹味😍味道都控制得好好😌今次我就食乾炒牛河，一碟乾炒牛河就已經有十幾塊牛肉喺入邊😂淨係食肉都食到飽😋佢哋炒嘅乾炒牛河都好有鑊氣，味道又唔會太鹹反而有少少淡，加咗少少辣椒醬，更加好食同惹味😋😋依家出去食一碟炒河至少$50至$60，而佢地嘅炒粉麵飯大多數都係$47或以上，仲包一杯嘢飲同一碗列湯，都算係性價比高👍🏻👍🏻 而家一個月至少去食一次，等我下次寫下佢地其他嘢食先😌⭐️生炒牛肉飯 💰$47⭐️乾炒牛河 💰$47⭐️滑蛋蝦仁河 💰$47

今日中午我們去咗旺角通菜街嘅「妹記大排檔」食中午飯！我們叫咗乾炒牛河炒得好夠鑊氣，牛肉嘅肉質好嫩滑，每條河粉都可以沾滿醬油嘅顏色！豉椒排骨炒麵嘅炒麵炸得都幾卜卜脆，排骨嘅肉質好爽滑！揚州炒飯炒到粒粒分明，材料嘅份量非常多，差唔多比飯仲要多！星洲炒米炒得好乾身，材料相當豐富！原隻脆皮炸豬手嘅豬皮燒得唔夠香脆，質感比較韌，感覺似白灼多過似燒豬手，但肉質都幾鬆軟，而且都幾大隻！蒜香骨嘅肉質比較硬實，好難咬開，但蒜香嘅味道都幾惹味！跟餐附送嘅紅蘿蔔老黃瓜豬骨湯嘅材料相當足料，味道好清甜！

帶外國友人聚餐，大排檔算係特色本土餐廳，妹記咁出名，便來一試。（揀旺角妹記仲有個原因係有冷氣）好興奮上到來，可能未到食飯時間，又係午市所以好冷清⋯⋯午市餐牌大部分係粉麵飯餐，應我地要求店員比左小菜menu。揀得大排檔就係想食大排檔特色，點知炒聖子又冇，鬼馬油炸鬼又冇，豬手又冇，蜆都冇，好失望⋯⋯最後叫左黃金蝦、飛天通菜、乾炒牛河、蠔仔粥、避風塘炒蟹。乾炒牛河味道唔錯，牛肉入味，河粉唔會太林。黃金蝦幾好味，唯一不足係唔夠脆。蠔仔粥普通，唔夠熱。我諗夜晚應該會熱鬧好多，午市試不出水準