正斗粥麵專家 (ELEMENTS圓方)

Open Now

Now Closed

聽聞呢道出名細蓉同乾炒牛河就嚟試下🤓假日晏就嚟到唔多人，唔洗等位，直接入得！✨鮮蝦雲吞面大碗$55雲吞係細粒嗰種，一口一粒，鮮蝦彈牙，湯底用左大地魚好鮮甜，麵質爽口，不過大碗都係太細碗，男仔會唔夠食。✨乾炒牛河$105乾炒牛河收過百貴蚊算係幾貴，不過一黎就已經聞到鑊氣好夠，好香🤩河粉炒到色澤均勻，條條分明，唔會癡埋一舊，牛肉嫩滑份量都多，兩個人都夠食，味道唔會太咸帶少少甜，整體屬高水準。記得辣椒醬要另外叫侍應提供，食牛河必配😉

豪華的店舖裝修，環境舒服乾淨，第一次來圓方分店。先點了牛腩撈麵，牛腩夠冧又入味，麵就一般；炸兩就好脆。干炒牛河衹達標準無咩特別，價錢貴$105。及第粥底夠綿豬潤夠爽，值得推介。鲩魚皮未夠新鮮同爽口，薑絲少，魚皮偏撻撻，毫無彈性。話明著名雲吞，叫了雙拼雲吞水餃，雲呑好細粒，豬肉好實，而且水餃爽口但內裡的荀有渣不夠爽囗。蘿蔔糕一般無咩餡料，同酒樓一樣無咩特別好食，但是這裡的辣醬好夠辣好好味，點蘿蔔糕同炒牛河就一流。總體來說是好一般，不會再來食。價錢多方面衹有貴，因為裝修費。

是日來到正斗圓方分店吃午餐，據說正斗的乾炒牛河製作過程每一個步驟都鉅細靡遺，絲毫都不馬虎，首先是自家制河粉，為了不讓河粉黏在一起，師傅都會用人手一條條把它分開 ，這樣才能確保炒的時候，每條河粉都能均勻地沾上自製醬油，而牛肉方面選用的是牛肉最嫩的部位，說的，當然就是牛臀部位的牛冧肉，牛肉全經過特製方法醃製，特別入味，再加上火候十足的翻炒，才能成就出一道色香味俱佳的乾炒牛河。河粉入口不油膩，也不腍，果然是條條分明，細看之下，醬油完全佈滿每一條河粉，鑊氣十足。牛肉部分則帶些許軟腍，有嚼勁卻不煙韌，而且還很入味，果真屬高水準之作。

 上星期我我地去左正斗粥麵專家 (圓方) 聚一聚雖然係食粥麵既地方但環境都吾錯,坐得好舒服呀!!我地先泥每人一碗鮮蝦雲吞麵(小)雲吞SIZE幾好一口一隻，聞起嚟真係幾香，麵我覺得好多呀而且夠爽口最重要冇鹼水味。正斗香妃雞(半隻)雞肉都好滑, 雞味好出!!!而家食係外面食既雞好小咁有雞味,而且唔會太肥,最怕食到滿口雞油,但冇咩肉薑汁炒芥籣薑汁味好重，炒得好爽口呀！流汁叉燒包送到泥仲係熱辡辡架,應該係剛剛蒸好，而且裡面皮薄餡唔會膩叉燒吾會一pat pat ~黃金流沙包流沙包又係要上台熱騰騰即食,因為凍左就會冇左流沙架喇!!!正斗既流沙包皮薄,而且仲好流沙TIM, 餡唔會膩鮑魚雞三絲粥粥底都算幾綿，裡面真係好足料啖啖鮑魚絲和雞絲架！香油條腸粉炸兩炸兩一定要新鮮整起熱食架,凍左就會淋喇!! 平時係出面食既炸兩都係放凍左淋身的, 但「正斗」的炸兩是脆卜卜的!!!!乾炒牛河「正斗」河粉夾起吾會碎最重要吾會一疊疊,夾起係一條條河粉，鑊氣好夠,而且河粉吾會太油,牛肉好嫩!!杞子桂花糕最後甜品桂花糕係糖糖最鍾意平時係出面食既桂花糕裡面有既雪耳都會因為浸得不夠而好硬,D款係好爽口,勁加分呀!!!

在圓方SHOPPING完要醫肚,又唔想食貴野,在圓方還可以選擇正斗雖然話就話唔係好貴,但係以粉麵來講佢係幾貴嫁但係我又唔係太好粉麵,姐係牛腩河,雲吞雲之類.據我所知,來到正斗一定要叫一個就係乾炒牛河,盛惠90元.但係絕對值嫁,點解呢?一來炒得出色,上色均勻,醬油濃淡得宜,外表有光澤,碟上找不到多一點的油,牛肉軟熟,份量不算很多,但夠二個人食,加上台邊的余均益辣醬,酸酸辣辣,是很接近完美的一碟.你問我茶記都有得食啦,我鬼唔知咩,但係邊有咁好食,而且價格反映左部份.這裡也有比茶記更好的服務和裝修.但看到這分店很多劣評,他們有他們的道理.好彩我叫O岩野!