米子燒肉家 (Closed)

同朋友打完羽毛球，好想食返啲澱粉質😅就揀咗呢間啦，之前新開嘅時候都同其他朋友食過一次，嗰次我哋喺食燒肉。見到佢哋原來都有燒肉丼飯，咁我哋就一人揀咗一款😌朋友就揀咗呢款👉🏻蒲燒鰻牛載（半條鰻魚，牛肉，紫菜，蔥花，蛋絲）佢話鰻魚好味😋我就揀咗呢款👉🏻五目牛肉盛丼（米國肩胛PRIME牛肉，溫泉蛋，紫菜，洋蔥絲，乾椒絲，蔥花）牛肉肉質結實，口感唔錯，配埋燒肉汁好好食兩碗都份量好足，超級大碗，唔知係咪做完運動嘅關係，我哋成碗清晒🤣🤣丼飯會連埋嘢飲，係日式冷泡茶🍵價錢連埋嘢飲又咁大碗都抵食👍🏻

以日式丼飯&一人前燒肉餐為主題環境都幾寬敞 價錢相對划算 份量都剛好一個人想食燒肉 都可以丼飯同燒肉相比我都係較喜歡燒肉可以自己決定牛牛既生熟程度 又可以過手癮🤪.▫澳洲燒肉盛盒套餐 $88套餐包括白飯.湯.泡菜/沙律盛盒分別有m3牛肋條.M2牛頸脊.封門柳每款都充滿肉感 有牛香 點埋醬料更惹味!三款入面最喜歡牛頸脊 肉質最嫩同牛味較重.▫五目牛肉盛丼 $88丼飯有10款可揀🙆🏼‍♀️牛牛為Prime 牛肩胛 份量好多 肉質紥實有嚼勁! 本身個飯加左牛肉汁 仲有紫菜.洋葱.葱花調味 味道香濃～最吸引我係隻溫泉蛋🥚 用埋黎撈飯就岩晒

粉嶺中心近期都開咗幾間新餐廳，其中一間係食日式燒肉嘅，見價錢都幾抵食，於是約埋朋友一齊去試下。餐廳地方都幾乾淨企理，枱都幾闊落，唔會有好逼夾嘅感覺。呢度有丼飯套餐、燒肉套餐，我就每樣點一個試下。丼飯五目牛肉盛丼 $88丼飯套餐會送一杯冷泡茶；牛肉都幾多，軟腍度剛好，仲有紫菜拌飯，再加上洋蔥同蔥花，加埋溫泉蛋流出嘅蛋汁好容易下飯，好味呀。燒肉澳洲燒肉盛盒套餐 $88 150g套餐有白飯、和風湯、泡菜/迷你沙律。有澳洲穀飼M3牛肋條、澳洲草飼M2牛頸脊、澳洲草飼封門柳。牛味都幾香濃，份量啱啱好夠下一碗飯，如果鍾意食牛可以點 300g $148，份量會更多，絕對滿足到你。另外佢個泡菜蘿蔔食落好爽口，好好味。