東大門韓國料理 (Closed)

平時我係香港好少食韓燒，通常都每年年尾去韓國旅行先會食到。今次有幸同好友黎到旺角既一間樓上韓國料理店，位置係西洋菜南街，地鐵站 E2 出口直行轉左「友誠商業中心」樓上五樓。呢度裝飾好摩登，加上五顏六色既燈飾，非常熱鬧。除咗任叫燒烤食物，餐廳既另一角都有自助吧，包括頭盤，熟食，壽司，熱湯，甜品同糖水；仲有任飲既汽水同啤酒。今次既套餐送海鮮拼盤一份。老闆亦一直推介我哋試五花腩。五花腩好肥美，一層肉一層肥膏，比我想象中嫩口，容易咬開；海蝦唔算大隻但都新鮮。另外係自助區夾返黎既韓式海鮮薄餅同泡菜煎餅都凍咗，所以我建議可以係鐵板上稍微燒一燒，更加脆口。最後，有甜品同水果咗完結，兩者不過不失啦！

講到燒肉、放題童年回憶，點都會數到漢_、_陽苑呢啲港式韓燒，以前仲係學生，貪平得黎款式多，加上韓燒店冇而家咁成行成市，所以曾經都成日去。當中講到另一間歷史悠久嘅韓燒，仲唔少得東大門。週一晚收工後就去左食燒肉，餐廳位於樓上鋪，電梯一開已經聽到店員打招呼，印象唔錯。沿入口會見到好多鎖頭，雖然係港式韓燒，都加少少韓國風味。餐廳位置闊落，枱與枱間空間感足，冇左傳統韓燒嘅圓枱圓櫈、阻礙視線嘅抽風爐，相對坐得舒適，驟眼睇比較接近日式燒肉裝潢。雖然主打韓燒，但都有多款泰、日料理以自助形式供應，貫徹港式燒肉特色。我地入座係8pm，收費已經屬於「最貴」時段，但人頭只係188蚊，唔洗兩舊水，其實都幾划算。如果7pm前離座 / 9pm後入座更加平多20蚊。如果有食肉獸朋友，又唔想消費太高，都係唔錯嘅選擇。餐牌上燒物選擇唔算好多花款，但基本嘅都有齊哂，例如牛、雞、豬肉、雞翼、腸仔、多春魚、肥牛卷、豬排骨、牛肋骨、羊肉等。當中餐廳推介嘅係牛脷、八爪魚、多春魚、泰式豬頸肉、泰式香茅雞翼、泰式咖喱雞串、五花腩。另外設有單點嘅韓式主食、小食，例如韓式石頭飯、泡菜餅、炒年糕等。我地就去左自助區拎啲前菜、熟食，估唔到款式

中學時代，老是喜歡三五成群，結夥到旺角吃任食韓燒，貪其價錢便宜、款式又多，大家聚首一堂聊個半天，油煙瀰漫之中卻是充滿歡笑聲。人大了對食物的要求就愈來愈高，追求味蕾的享受大多於胃口的飽足，自然愈來愈少吃任食放題，相隔多年，終於重新接觸任食韓燒，而地點——並非以前最常到的漢X——而是感覺光鮮乾淨得多的東大門，鄰近旺角地鐵站E2出口位置，極之方便快捷。點菜紙一目了然，包括牛肉、雞肉、豬肉、海鮮及蔬菜，無庸置疑會比將一盤盤食物放置出來任由客人自取更加衛生，保持肉類溫度之餘防止昆蟲污染。除了點菜紙上任點任食的食物之外，自助區域亦有多款炸物如炸春卷、炸銀絲卷、薯條、炸魷魚鬚，各式韓式伴菜如泡菜、麻油芽菜、醃青瓜，壽司以及迷你甜品，可謂包羅萬有。與此同時，旁邊更有數款湯品及熟食如炒飯、蒸番薯、粟米，甚至港式咖哩魚蛋都有。各種小食當個人尤其喜歡泰式鳳爪，酸甜爽彈之餘已經預先去骨方便食用。每枱客人均會獲贈一份海鮮拼盤，包括蒜蓉扇貝、蜆和大蝦。每款食物都以小碗分開擺放，避免各種肉類各種醬汁混合一起，而且厚薄適中，大多數食物都容易燒熟。各色各樣的肉類當中最為矚目的莫過於五花腩，原條肥美豐腴的五花腩經燒烤過後