翡翠拉麵小籠包 (Closed)

我食上海菜一般都會點醉雞或口水雞，今次就點了花雕醉雞 $72，唔好睇細細碟，其實雞件幾多。雞脾肉好嫩滑有彈性，連雞胸位都夠滑，不會乾硬，雞皮不膩反而好爽滑。最吸引我是做到好入味，酒香撲鼻而又不會令人醉倒。一定唔少得上海小籠包 $39有四件，即點即蒸夠哂熱辣辣。夾起不易爛，個皮做得幾好。皮薄餡靚，睇相都見個皮夠薄。湯汁雖不太多，但入口都感覺到肉同湯比例剛好，令肉餡更濕潤。加分位係因為個湯汁好濃肉香。我比較少食中菜，更加少食乳鴿，但估唔到呢度既乳鴿原來都好好味。茶香燻乳鴿 $96起初以為好乾，但一咬脾位，不單止皮脆肉嫩，仲有皮下油脂溶化，鴿脾滿滿油香，仲閃令令好吸引。鴿皮薄脆而不油，越咬味就越出，好味到連骨都想咬埋。京蔥爆牛肉 $90，份量頗多，牛肉真材實料。牛肉又大塊又嫩腍，同京蔥爆香，加上夠鑊氣，未食已經好期待。一定要夾埋京蔥同食，特別香口，調味也剛好，夠惹味。食到一半已經想點個飯來食。四川擔擔拉麵 $60，湯汁有點多，不過味道濃郁，微辣加上花生同芝麻香，仲有少少醋酸平衡下辣味。拉麵好滑溜帶爽韌，但放耐左就開始腍，所以上枱就要食啦。雖然湯汁好紅，但不太辣也不油，所以食完不會有負擔。酒釀

平時經常出外用餐，都以西餐泰菜為主，但今天心血來潮就想食上海菜，幸好有位袓籍上海的同事奉陪到底，那我們放工就急步到位於尖沙咀海港城的翡翠拉麵小籠包吃個上海菜。餐廳的感覺似酒樓，裡裡外外都金壁輝煌，餐廳內裡以黑和金為主調，枱與枱之間以屏風相隔，提高私密度。特色的掛燈和裝潢別俱風格。我們坐到卡位，私密度更高。之後看了看餐牌就開始點菜。鎮江肴肉 $63此為江蘇鎮江傳統名菜，所以又名鎮江餚肉驚。它不僅賣相精緻，口感爽脆，味道也極清甜。軟軟的啫喱，切成一小塊一小塊，放進口中，湯凍和酥軟的金華火腿在口中融化。蘸著醋一起食，在舌尖上衝撞着，令人忍不住一塊又一塊的放入口，想緊緊抓住那瞬間即溶的味道。最欣賞凍糕的清爽配上金華火腿的鹹香，不油膩又爽口，是為極佳前菜。京蔥爆牛肉 $90京蔥爆牛肉是濃味小碟，京蔥搶香，牛肉肉鮮鬆軟，份量還得多，很難想像一碟小菜的牛肉量會如此足料！這個蔥爆牛肉減減牛肉癮, 蔥爆牛肉比烤牛肉肉感較厚, 如果喜歡吃京蔥的會好欣喜，因為蔥爆到好香口入味。牛肉好入味，色澤比較深，看來醃了一段時間，所以味濃郁。清炒蝦仁 $128炒出來的蝦仁紅中透明，然而上口之後，爽脆可口。只能說蝦仁炒得

今日慶祝媽咪生日,,夜晚黎呢度食..應該[]岩[]岩先開晚市,,所以唔使等好耐就有得入座,,我地三個人嗌左五樣野..油爆蝦..呢個係我ge至愛..=]脆卜卜,,又惹味..可以成隻食..記得我第一次食都唔知可唔可以食埋d殼..XD不過有幾隻冇剪到蝦頭,,仲有眼..我又唔食ge..小籠包..黎呢度一定要食呢個招牌菜,,加埋d醋,,熱辣辣咁食就好正..咸肉津白膽..d咸肉真係好咸,,佢係切到一片片,,建議將咸肉整到細細粒加埋d津白好食好多,,如果唔係就咁食..可能會咸到唔知點食..鱔糊炒拉麵..睇落去好似唔好多吸引我,,但係食落去比我想像中ok,,唔油膩,,d鱔糊冇骨,,食落口都爽快d..京蔥爆牛肉..都幾好味,,又好大塊..埋單大約三百五..服務方面都ok,,會成日加茶,,不過好似幾忙,,唔夠人手..同埋冷氣太凍,,凍到我頭痛左成晚..