喜來稀肉 (瓊華中心)

Open Now

Now Closed

係尖沙咀經過韓國街就想食韓國嘢🇰🇷喜來稀肉，韓燒既知名餐廳，好多豬、牛既唔同部位，韓式主菜都有，仲幾多人叫😍裝修走新派韓國餐廳風，部分侍應仲要係韓國人，好有有氣氛🥳自助前菜同配菜，菠菜、芽菜同泡菜都好好味👍🏻蒜片生菜任拎食韓燒必食韓豚🐷首推護心肉，即係橫隔膜附近既肉，燒完好香，口感厚身但都好嫩，咁濃既肉味最適合包生菜，加蒜片同醬汁，好豐富既韓式風味✨必食完到必飲既啤酒溝燒酒，易入口又好味😋牛肋骨肉，好快燒到少少燶就食得，勁香，牛味好濃而肉質正，無得輸既牛肉🤤#爐邊蛋 都有兩款，芝士蛋好味，但有泡菜係入面既爐邊蛋更好味😝人蔘雞湯，好大份，唔會油飲落好舒服，雞肉好嫩連湯食好味🫶🏻燒肉正又夠韓，主食都做得咁出色，唔怪之得多港人幫襯之餘都咁多外國人黎食！😎

第一次到呢間韓國過江龍燒肉店，環境極寬敞，每張枱之間更有屏風分開，約埋幾個朋友食飯傾計都不怕被人騷擾，空間感一流。食過多間燒肉店，有前菜自助吧，連生菜都係任拎，任食的真是第一次。韓國小菜都有6款之多: 辣泡菜、酸辣泡菜、荳芽、青瓜、䓤絲及酸蘿蔔，荳芽爽脆，酸蘿蔔酸甜開胃。咁多款當前菜食又得，用生菜包肉包埋入去一齊食都得，想食幾多就拎幾多，唔會好似其他地方咁生菜盤每份計錢。 而且爐邊仲放滿了蒜頭片及雞蛋，其中一邊仲加咗芝士，芝士滑蛋無得頂。 燒肉首選五花腩食燒肉，仲要生菜包肉，點一份五花肉是必然吧! 竟然係厚切五花，每層脂肪及肉的比例分明，燒烤時陣陣油香，而且爐灶烤肉十分平均，更可以均勻地將肉燒得焦脆可口，正! 牛護心肉燒肉我從來都不喜歡太薄身，這個牛護心肉少少厚度，咬下去才有口感，才能烤出焦脆的味道，雖然他的肉質並不是滑嫩的那種，但它的牛肉味很濃郁，用來燒烤的選這個很適合。 人蔘雞湯沙煲上，上台時依然滾燙著，成隻雞的份量，雞肉已煮得熟透，肉質入口即融的感覺，很容易咬，湯底清徹，淡淡的人參味，很順口，一邊燒肉一邊喝湯很解渴。