金淼 (Closed)

近排愛上了鐵板燒，知道尖沙咀廣東道新開了一間鐵板燒，放工就同朋友去試下，去到原來新張期間晚市做緊75折，所以我地就選擇了$1,080/位 的席前料理。🥗前菜先嚟過開胃菜，蘿白青瓜酸酸甜甜，開胃醒神。🥚日式茶碗蒸店員話比我地知要撈勻食，打開茶碗，蟹肉佈滿整個碗，每一啖都食到蟹肉，又滑又香的雞加上鮮甜的蟹肉，真係非常滿足。🐠季節海鮮金鯛立鱗燒配海膽松露汁+紫蘇花店員叫我問先試一啖原味，再試沾上汁的原味-魚肉上的鱗片脆卜卜，除了香脆還有魚香。沾上海膽松露汁-嘩~成個感覺提升了，汁醬令到魚肉的味道昇華到另一層次，令到朋友心心眼。🦐仙台產虎蝦配蝦乳意粉大大隻的虎蝦，勁爽口彈牙又有濃濃的蝦味。用蝦頭的膏做的蝦乳汁，超濃郁，扁意粉掛上滿滿的汁，又係一試難忘，如果意粉有多少少就好了🤭🍽法國鵝肝師傅將鵝肝兩邊煎得香脆，做到外脆內軟的感覺，鵝肝好creamy入口即溶，配上酥脆嘅多士跟黑醋汁，真係好正。🐮熊本A5和牛薄燒+🌽季節野菜師傅會先問客人要幾多成熟，朋友叫了全熟，原來都好好味，完全唔韌仲好嫩滑，一塊靚的和牛無論幾成熟都可以好好味，和牛包著蒜片和香蔥真的很惹味。我自己就鍾意五成熟，入口即溶，好吃到不得

已有一段日子沒吃鐵板燒，便到這間中日式料理試一試。店內雖然不是很大，但尚算寛淌，空間感強，坐得舒適。 這店賣點是食材高級和新鮮，龍蝦、鮑魚都是即撈即劏。立鱗燒用赤目鯛先煎香魚皮一邊，魚鱗受熱卷起，再蒸焗幾分鐘。食落魚鱗香脆，魚肉嫩滑，很是特別。 大大隻鮑魚煮完仍鮮嫩軟滑，火喉洽到好處。少少調味已經好好食，再沾埋旁邊的特製蟹肉醬汁，更是如虎添翼。 巨型虎蝦處理亦剛剛好，用蝦頭淆製的醬汁香濃撲鼻。澳龍大大隻，但唔會煮得過火，鮮甜彈牙。 炒飯相對雖然比較普通，但都落足料，好惹味。我最愛法國鵝肝炒飯，香得來唔膩😋 魚湯用赤目鯛魚頭、骨淆製，濃得來亦鮮甜。雖然雪蛤不是我杯茶，但雪蛤燉梨真的未試過，不妨一試。甜味剛剛好，糖水另上，不夠甜可加點。 據老闆講，烏冬選用有磯曙酒粕烏冬，口感爽滑，特別彈牙，有機會一定一試。 整體我甚是滿意，食材靚兼新鮮，價錢合理，性價比高。 料理店屬初開階段，有些細節還未完全配合好，但員工勝在年青，有活力，服務誠懇，希望遲些會更完善。