滔滔甜品

Open Now

Now Closed

坐低睇餐牌，見到有款椰子糊嘅糖水，記得之前喺網上見有介紹過， 上網 check下，咁啱原來就係呢間甜品舖嘅出品 。 之前未食過，要試試。 叫咗一碗椰子糊 (加清心丸)， 另外要多一個仙草紫草園， 一凍一熱。椰子糊 (加清心丸)- 糊底超滑，夠杰身，有米香，味道清甜，加上淡淡椰香，入口滑喉非常舒服。 清心丸造得夠煙韌，夠滑，有咬口。但個人認為椰子糊配上湯丸，味道口慼會更好。食完熱嘅，再嚟咗碗凍嘅仙草紫草園 (黑糖水晶，紅荳，芋圓， 涼粉，紫薯雪糕)--材料大雜會，乜都有D 咁 。 所有料食落都正常，普普通通，無投訴但亦無驚喜。

當晚西環打冷飯局後，到區內此店食甜品，店仔地方不大，只有三、四張枱，可能疫情關係，客人多選擇外賣，好快安排了入座。仙草紫草園 $38配料有仙草、黑糖水晶、蜜紅豆、芋圓，再加上一球冰烤紫薯味雪糕。芋圓煙韌彈牙，粒粒紅豆甜度適中，半溶雪糕與配料混埋一口食，享受到冰涼甜美多重口感，正呀！一碗份量都幾多一個子食唔晒，若二人享用會較好。另外值得一提的是紫薯味雪糕，市面上比較少見，微微烤過的紫薯香味，真值得一試。

近幾年，「小店」一詞溶入了好多香港人既生活入面。因租金，變成到處都係商場、集團、連鎖店。「小店」買少見少。「小店」就好似甜品咁，係大家生活中成為苦中既一點甜。今次為大家介紹：仙草紫草園好足料.....有冰烤紫薯雪糕、仙草、黑糖水晶、蜜紅豆、地瓜園，雪糕入面仲有一粒粒既紫薯。甜品，甜就梗，可能店主都衡量過，所以地瓜園同個雪糕本身應該無乜加糖，吾係好甜，撈埋d黑糖水晶、蜜紅豆食就岩岩好。睇落吾係好多，食落都幾大配，絕無揸流灘。

今晚在堅尼地城吉席街嚐簡單泰國菜之後就開始找甜品，因為剛食飽所以就一路行一路周圍望，行過厚和街見到個豆腐花其實都想食可是太飽，咁繼續行，行過卑路乍街又見到另一間已出咗糖水店，肚子未有空間，繼續行，行到水街，其實唔係行咗好耐，（同一位置之前嗰間都食過一次～就已經無下次了）見到呢間新的甜品店行過去望望，有圖有真相，難得圖和實物都好接近，而且價格合理。黑糖珍珠檸檬愛玉檸檬味感覺清新黑糖珍珠甜甜的（唔覺會過份甜），拌合愛玉一起食很舒服的。仙草紫草園睇到這碗有煙韌芋圓，甜蜜紅豆，賣點係（冰烤紫薯雪糕有粒粒紫薯），滑過涼粉的仙草，特別粒粒黑糖水晶。其實碗中每款也很美味。多謝店家努力保持水準，有空過來食。裝飾簡單整潔