所以・甜

Open Now

Now Closed

同女朋友經過大明里見到一間糖水鋪就入咗去，叫咗兩份甜品味道都啱啱好，唔會特別死甜，有驚喜。值得下次再嚟。1. 榴槤窩夫 $58推介指數：份窩夫一上到嚟聞到好香榴槤味，一問店員先知份榴槤肉係用咗D24所以先咁香，誠意十足！份窩夫係脆身個種，而雪糕又係分開上，所以份窩夫唔會濕保持到好脆。2. 仙草芋圓2號 $38推介指數：份仙草算係半糖，但係另一半覺得唔太夠甜就同店員講，店員都樂意去加返甜。芋泥同紫米食得岀手工打唔係機整，因為都好香同有咬口。

【食好西】大埔開咗間新嘅糖水舖喺最近，大埔墟公園仔嗰邊，即以前清湯腩嘅位置，依家搖身一變成為一間糖水舖，大埔好耐冇開糖水舖啦，於是就去試一試呢一間糖水店，店面非常乾淨，同時地方燈光非常好，因為我自己一個人去食，所以我只好揀咗一個我自己喜歡食嘅糖水，就係…⭐️仙草芋圓2號 💰$38入面有仙草，芋圓，芋泥，紫米同椰汁，都係我鍾意食嘅嘢特別係芋泥🥰，我係一個芋頭愛好者，成碗甜品最好食就係芋泥👍🏻👍🏻而我個碗嘅仙草面有一層特別比較硬，我唔係好鍾意個仙草口感🥺成碗糖水嘅椰汁都好濃郁，但紫米個份量相當之少，希望下次佢哋可以放多少少紫米，增加紫米嘅存在感😂😂最後就係佢哋嘅芋圓，如果再重啲芋頭、番薯或紫薯味咁就更加好啦🤤🤤👍🏻👍🏻啱啱開舖係需要調整一下味道，希望下一次會更加好啦😊😊😊😊