NUTTEA (旺角中心第一座) (Closed)

原來旺中有一間主打用堅果奶製作嘅奶茶店，本身自己就好鍾意食榛子、腰果同夏威夷果仁等等，奶蓋更加係我嘅最愛，一於試下用堅果打成嘅奶蓋係咩味道～見到伯爵朱古力堅果奶蓋茶係每日限定100杯，而入面嘅內容物都係我鍾意嘅配搭，第一次梗係要試吓佢哋嘅招牌飲品，盛惠$48大元。佢嘅奶蓋唔係薄薄嘅一層，佔飲品嘅1/4。首先要先試下佢嘅朱古力堅果奶蓋，入口好濃厚，咸咸香香，有少少似繽紛樂嘅味道但偏咸。而第一下飲就先品嘗到淡淡嘅伯爵茶味再到朱古力，佢嘅茶底唔會好甜，係清清哋，幾好飲！將奶蓋同個茶溝埋一齊就變咗朱古力奶茶咁3種味覺享受，不過堅果始終係脂肪，只可以偶爾飲過下口癮～

以堅果奶飲品為主打嘅「台灣人氣全素茶飲店」終於開到嚟旺角啦！用5種堅果製成嘅純堅果奶配合唔同茶底、水果變成各種純素飲品已經聽過好多朋友大讚呢間飲品店有幾正今次仲唔到我試？• 伯爵朱古力堅果奶蓋 $47招牌奶蓋佔咗成杯1／3 非常濃厚 店員仲送咗支鏟仔畀我𢳂奶蓋食用堅果製成嘅奶蓋 每啖都充滿堅果香加埋朱古力真係好似食緊繽紛樂咁茶底嚟講 伯爵茶底好香濃 同朱古力非常夾成個組合加埋100%夾！好期待下次試埋佢其他款式嘅飲品！