享樂烘焙

Open Now

Now Closed

今次KO嘅，係一間bookmark咗好耐嘅麵包舖！我本身唔係好鍾意食麵包，但唔知幾時開始覺得原來 #Bagel 都幾好食，我鍾意有少少咬口嗰個口感～ 早排去咗啟德同牛頭角中間位置做嘢，諗起呢間麵包舖，諗住買返屋企試吓～於是大熱天時行咗十五分鐘過去買😂麵包舖位於德福商場後面，行過條天橋落地下就係，唔難搵～ 去到見到好多款麵包花多眼亂😂 淨係Bagel都有一行，最後揀咗 #湯種日本焙茶貝果 、 #湯種伯爵麻糬奶茶貝果 、 #法國Lescure朱古力酥 、 #極濃芝脆法國 、 #日本宇治抹茶蜜瓜包 同埋 #伯爵茶蜜瓜包我淨係食咗焙茶Bagel同伯爵麻糬奶茶Bagel😆 同咬咗一啖伯爵茶蜜瓜包～ 其他分咗俾屋企人食～ 個焙茶Bagel好重焙茶味，個麻糬出啲，而且偏甜～ 相對伯爵麻糬奶茶Bagel無咁重味，麻糬無咁突出。而伯爵茶蜜瓜包，個面脆脆地都幾得意，有輕微似菠蘿包個面咁，但脆多少少🤏🏻 呢間麵包舖啲麵包款式幾特別，可以一試😊

經常食包當飯食嘅小編終於食到享樂烘焙啦😭但係今次太晏先去到好多款人氣嘅包已經賣晒，推介大家幾款覺得唔錯嘅俾大家啦😆首先今次買咗三款唔同嘅包，口味最豐富嘅係紫菜肉鬆芝士貝果，每咬一啖就有爆餡嘅肉鬆而且淡淡嘅紫菜味，而且今次啲包唔係當日即買即食，而係第二日先叮黎食，但係叮完嘅口感好得意質感煙煙韌韌，雖然唔知本身嘅口感係點，但係可以話俾大家知叮完都可以好好食😋另外當然係每個女仔都好鍾意嘅黑眼豆豆，有五個袋裝，或者係一個一個買，驚自己食唔晒所以買咗一個嚟試吓先，係一個好難唔好食嘅包，但亦都係比較大眾化，因為出面有好多款朱古力包都係類似咁嘅樣，入面朱古力爆漿，亦都係比較濃嘅朱古力有少少苦，但係好食嘅👍🏻而伯爵茶蜜瓜包，成個包已經俾伯爵茶侵佔左，未食到個餡已經好濃嘅伯爵茶味，呢方面做得好好，但入面嘅蜜瓜包個人覺得有啲過甜，如果係單一買一個伯爵茶嘅包反而個人覺得更好❔（個人意見啦）但亦都好希望下次去到可以試吓佢哋嘅冰心麵包，真係每次見到人哋食都覺得好正🤤

📍九龍灣 𝙺𝚘𝚠𝚕𝚘𝚘𝚗 𝙱𝚊𝚢❝享樂烘焙‼️試齊抹茶 & 伯爵茶蜜瓜包💚🤎🍞抵食易買之選🤩出爐時間要留意🔥即食最正❞🍞抹茶 / 伯爵茶蜜瓜包 $18 ($32/2) 4/5🍵講左抹茶先! 平日11am去到岩岩出爐 仲未入袋 即買即食熱辣辣🔥外皮好脆有d糖碎 奶酥餡流心 抹茶味都濃 但偏甜膩 呢個價錢我覺得都好滿意😍☕️再講伯爵茶! 星期日4:30pm去到 已經入晒袋擺晒出黎 我買番屋企第2日焗番熱食😚奶酥乾d冇咁流心 比抹茶更甜 帶淡淡伯爵茶香☺️個人中意抹茶多d!⏰🔥每日11am/4pm出爐 數量都好多! 容易買又抵!🥳꧁꧁ ——𝓂𝑜𝓇𝑒 𝒾𝓃𝒻𝑜𝓇𝓂𝒶𝓉𝒾𝑜𝓃—— ꧂꧂📍享樂烘焙九龍灣常悅道21號The Eastmark地下3號舖新蒲崗大有街3號萬迪廣埸地下E舖元朗元龍街9號形點I1樓1097號舖🗺𝘐𝘯 𝘵𝘩𝘦 𝘴𝘢𝘮𝘦 𝘭𝘰𝘤𝘢𝘵𝘪𝘰𝘯…#joys_九龍灣🔖𝘔𝘰𝘳𝘦 𝘴𝘪𝘮𝘪𝘭𝘢𝘳 𝘤𝘶𝘪𝘴𝘪𝘯𝘦 /𝘧𝘰𝘰𝘥…#joys_麵包