Manecy's Studio Restaurant (Closed)

今晚試左兩款德國酒🍻揀左比較清爽既雞尾酒，豐富生果味 SALITOS ICE，採用南美酸橙，味道香濃，甜甜地十分易入口，不過都有5.2％酒精，小心飲醉～Mein Original 即自家口味，品牌創自1872年，傳統巴伐利亞啤酒味道。啤酒色澤呈深琥珀色，看似較苦，但入口都幾smooth，十分重小麥味，酒精濃度5.4％vol，比一般香港買到既啤酒高。德國既啤酒飲過真係返唔到轉頭兩款配埋自家製pizza飲🍕真係一流👍。Pizza 用了上等西班牙火腿，微咸而不膩，pizza 薄薄脆脆，好味👍而西班牙海鮮飯更是誠意之作。炭烤過的海鮮有大扇貝，大蝦，青口，魷魚，豐豐滿滿鋪上傳統蕃茄汁意大利燴飯上面，簡直令人回味無窮😋😋最後有慢煮美國牛肩扒，牛扒上面灑了幼鹽，炭燒過嘅外層，但內裡半生熟，十分juicy 。伴菜有烤茄子，翠玉瓜等，加上熱騰騰嘅薯條, 滿分❤😍🎉

剛係德國返黎，不忘搵返間有德國啤酒既餐廳懷勉一下～我地到達時間尚早，所以有得坐窗邊大梳化位，真好~ 職員為我地推介兩隻新返既德國酒，一支係麥味好重既啤酒，傳統德國口味，而另一支係橙味cocktail! 真心正！我地order左三個main dish低溫慢煮美國頂級牛肩胛扒 $308低溫慢煮呢個技術真係唔係間間餐廳都做得到；經過長時間慢煮，喺呢度食嘅牛肩胛扒比我想像中嫩滑，而肉味好濃郁。我哋 orders 左七成熟，上臺是顏色雖然比較嫩紅，但係都唔會過生。牛肩胛扒只係用咗少少海鹽去調味，點埋佢側邊嘅一盤牛肉燒汁，味道就提升晒，十分之好食！性價比十分之高！！傳統西班牙海鮮飯 $258Manecy既西班牙海鮮飯有兩款，一款係傳統，即係用蕃茄汁，另一款係墨汁～我哋就揀咗個傳統嘅番茄汁！蕃茄汁味道唔係好強烈，而飯粒就較林，口感一般。海鮮就十分之多，質素十分之好而且好新鮮。有魷魚圈、青口、帶子、大蝦同埋大蜆！招牌自家製 pizza $158薄底pizza 配上西班牙風乾火腿，口感煙韌之餘，味道又好！上面仲有一啲沙律菜作點綴‌‌～