Video
Read full review
2023-06-18
1055 views
🥚《Tamago-EN》出名材料沿用用日本蛋製造嘅餐廳，平時早餐都係食開日本蛋嘅熊妹都想試呢間好耐啦。📌好好彩地可以坐到三個蛋型嘅卡位，設計好特別，自成一角，兩妹子傾偈都方便啲。餐廳嘅設計好柔和，田園式嘅設計以蛋黃色同埋橙紅色的蛋黃🥚為主題，特顯出雞蛋主題的特色，設計非常突出。📌📋餐牌都非常豐富，都幾多嘢選擇。各款用雞蛋材料做法嘅餐單都有，例如用炒蛋嘅全日早餐，班尼迪蛋多士，夾係三文治中間的煎蛋，都係非常切合用呢個日本蛋作為食物嘅材料。📌話明日本蛋，緊係會有以日本蛋造成的地道菜-玉子燒。玉子燒上面仲會有好多其他材料一齊做配搭，呢個招牌菜真係好吸引。📌另外仲有其他意粉，漢堡扒主食，都有加上一隻日本蛋做材料。📌甜品方面當然唔少得用日本蛋為主做出嚟嘅疏乎厘pancake啦，仲有多款口味有水果味，有黑糖味，有Tiramisu味，真係花多眼亂會好難揀架。低溫慢煮雞肉沙律， $78都幾大兜沙律喎🥗，第一眼就被切半嘅流心雞蛋吸引住，蛋黃係橙紅色，好明顯係貴價有質素嘅日本蛋。面頭放上幾塊雞胸肉🐥，大碗入面鋪滿好多新鮮嘅生菜，仲有蕃茄仔🍅同埋青瓜片🥒，材料都幾足。大大塊嘅雞胸肉份量多就係多，食落就覺得應
🥚《Tamago-EN》出名材料沿用用日本蛋製造嘅餐廳，平時早餐都係食開日本蛋嘅熊妹都想試呢間好耐啦。
📌好好彩地可以坐到三個蛋型嘅卡位，設計好特別，自成一角，兩妹子傾偈都方便啲。餐廳嘅設計好柔和，田園式嘅設計以蛋黃色同埋橙紅色的蛋黃🥚為主題，特顯出雞蛋主題的特色，設計非常突出。
📌📋餐牌都非常豐富，都幾多嘢選擇。各款用雞蛋材料做法嘅餐單都有，例如用炒蛋嘅全日早餐，班尼迪蛋多士，夾係三文治中間的煎蛋，都係非常切合用呢個日本蛋作為食物嘅材料。
📌話明日本蛋，緊係會有以日本蛋造成的地道菜-玉子燒。玉子燒上面仲會有好多其他材料一齊做配搭，呢個招牌菜真係好吸引。📌另外仲有其他意粉，漢堡扒主食，都有加上一隻日本蛋做材料。
📌甜品方面當然唔少得用日本蛋為主做出嚟嘅疏乎厘pancake啦，仲有多款口味有水果味，有黑糖味，有Tiramisu味，真係花多眼亂會好難揀架。
低溫慢煮雞肉沙律
$78
335 views
0 likes
0 comments
低溫慢煮雞肉沙律， $78
都幾大兜沙律喎🥗，第一眼就被切半嘅流心雞蛋吸引住，蛋黃係橙紅色，好明顯係貴價有質素嘅日本蛋。
面頭放上幾塊雞胸肉🐥，大碗入面鋪滿好多新鮮嘅生菜，仲有蕃茄仔🍅同埋青瓜片🥒，材料都幾足。
大大塊嘅雞胸肉份量多就係多，食落就覺得應該係雪藏雞胸肉喇，凍冰冰❄️而且肉質就有啲散，就真係似係而家好興係超級市場買的即食雞胸肉。
沙律嘅醬汁調味上比較偏鹹，好似食緊一款鹹食咁，蓋過咗沙律嘅新鮮。
Tamago-EN 特製5款玉子串燒
$78
55 views
0 likes
0 comments
Tamago-EN 特製5款玉子串燒， $78
日本蛋的地道菜就係玉子燒，當然玉子燒就會成為《Tamago-EN》的招牌菜啦。
特製5款玉子串燒就係每串玉子燒上面分別放上蕃茄醬、海藻醬、親子三文魚、明太子沙律同蟹肉。
首先玉子燒就係打勻咗嘅蛋汁一層一層燒起再捲埋變成玉子燒卷，日本蛋🥚的蛋香味加埋好有張力嘅蛋白造成嘅蛋卷，食落會較有咬口，唔會係一patpat淋晒的蛋，趁熱食咗好清香蛋香。
各款特製口味就係加上去玉子燒上面多一重調味，其中熊妹覺得海藻醬比較特別，味道偏鹹，但更能帶出玉子燒淡淡的蛋香味，其餘四款嘅味道多數都有用來配搭蛋做材料，所以就冇乜驚喜。
玉子燒雖然材料簡單，但係好考師傅嘅功架，要睇得好準嘅火候令到蛋汁熟起來可以包卷一齊之餘又唔會煎到表面燒焦形成虎皮，咁就唔靚仔，要煎到啱啱好熟透嘅蛋就可以令到表面光滑淨係呈現黃色，咁就係一個🈴格嘅玉子燒。
煙肉明太子忌廉意粉（配慢煮蛋 ）
$88
57 views
0 likes
0 comments
煙肉明太子忌廉意粉（配慢煮蛋 ），$88
意粉都幾多，一碟份量都幾足，配料上面有好多煙肉片粒🥓同埋菇片🍄，只要係側根都會配上一隻慢煮日本蛋，一拮蛋黃就會流出來，鮮橙紅色嘅蛋黃流出嚟真係好吸睛，蛋黃汁同半熟嘅蛋白撈埋喺意粉一齊食，令到明太子汁更加creamy。
明太子味道都有，都creamy，不過熊妹略嫌汁稀咗啲，變成味道冇咁香冇咁濃稠。意粉🍝亦都煮得過腍，唔係7分鐘熟度有咬口嗰種，食落去腍腍地，似俾阿婆食嗰款，呢種熟度熊妹就唔係幾鍾意喇。
白桃梳乎厘班戟
$88
67 views
0 likes
0 comments
白桃梳乎厘班戟， $88
兩大塊班戟疊起一齊，上面放左大半個白桃，賣相非常吸引。
梳乎厘班戟🥞真係一流，日本蛋本身已經重蛋香用上日本蛋打出嚟的蛋白會非常挺身，可以令到疏乎厘班戟更加軟綿，食落口好舒服，但又未至於食空氣唔知食咗啲咩咁，果然係招牌菜一定要試。
白桃味道清甜🍑，食落非常爽口，唔係過熟變腍個款，好襯疏乎厘班戟的淡香，唔會死甜蓋過咗疏乎厘嘅味道，果然冇揀錯。
凍抹茶鮮奶
$38
64 views
0 likes
0 comments
凍抹茶鮮奶，少甜， $38
熊妹叫咗少甜，唔想過多的糖漿蓋過咗抹茶嘅味道。抹茶🍵打落鮮奶度，減少咗本身抹茶嘅苦澀味，飲落又真係少甜咁飲得出抹茶嘅回甘味，上面仲有一層奶泡沫，撈埋一齊加多一層淡淡嘅牛奶香味，係唔錯喎！
📌整體嚟講，用橙黃的日本蛋做主題嘅餐廳係有噱頭的，食物味道、調味同配撘都幾好，不過如果每一款食物入邊都有蛋做材料就比較有點單一化，變成好似食嚟食去都係食蛋咁🥚，只不過係唔同做法的蛋，熊妹估計食呢度一餐，就等於食咗一個禮拜蛋的份量了。
Post
