金記冰室 (Closed)

就到中秋，每一年總會買月餅送給長輩，除了奶皇月餅外，蓮蓉月餅更是我必買的月餅之一，比起國內的假月餅，香港製造不竟是信心之選麻。說到月餅，大品牌對我已經毫無吸引力，反而傳統餅店出的才是我心水之選，無他，不會因為傳媒抄作，而粗製濫造，而金記冰室的【低糖雙黃白蓮蓉月餅】是我每年必買之一，外盒是買少見少的懷舊紙盒包裝，有著尚未飛奔的嫦娥，而且低糖的蓮蓉亦是我考慮因數之一，不會滿咀都是死甜的味道，吃下去會比較健康，送比長輩自然貼心又可以懷緬一番。最重要係100%香港製造，唔擔心有假或過期等問題。金記冰室沿用1967年既配方，單看月餅回油後的色澤已經十分油潤及充滿光澤通透。月餅切開後，皮薄不再話下，白蓮蓉餡亦十分多，而最令我注目的當然是油份十足既咸蛋黃，油份向著蓮蓉流出去，果然用料上乘，貨真價實。咸蛋黃的甘香在口裡慢慢散發，油而不膩，加上軟滑的低糖白蓮蓉餡，一點也不黏牙，中秋與摯愛的家人分享最為不過。

仲有一個多星期就到中秋佳節，最近忙於買月餅送俾老公的親戚們， 市面上林林總總的月餅款式有好多， 不過長一輩就鍾情於傳統的月餅，記得上年中秋前， 我係最愛的飯堂之一<金記冰室>食晚飯時見到它家製作的傳統月餅， 上年買左<金腿五仁月餅>，奶奶、姑姑們都讚不絕口， 今年決定買<低糖雙黃白蓮蓉月餅>~ <低糖雙黃白蓮蓉月餅>~ 除左買黎送禮之外，自己都買左盒同老公中秋節食， 點知返到屋企已經忍唔住要開一個黎食先~ <金記冰室>的月餅用左環保的硬紙盒設計， 盒面畫左嫦娥姐姐捧住一盤月餅，文字用左鮮艷的紅色， 充滿濃濃的懷舊風味~  打開盒之後見到四個獨立包裝的月餅，仲附有餐具~  用刀將月餅切開之後，即刻看到又圓又大粒、金黃色的鹹蛋黃， 鹹蛋黃的油沿邊邊流出黎，好想將整粒鹹蛋黃據為己有， 白蓮蓉口感幼滑細綿，因為低糖的關係而唔會太甜， 配埋鹹蛋黃一齊食味道更香濃甘味~