九重鮮 (Closed)

老公平時好少食海鮮，所以今年生日特別揀左海鮮餐賀下佢，點知遇著8號風球，初初仲擔心餐廳唔開，打電話去問，好開心，餐廳照常營業！我地揀左首爾塔，＄398/位，超豐富海鮮，有鮑魚、蟶子、海蝦、元貝、刀蚌、象拔蚌，北寄貝、大花蛤、仲有花蟹同龍躉，老公話今餐已經食晒一年海鮮quota！哈哈！粥底揀左經理推介嘅韓式豬手湯！佢話好多客都讚呢個豬手湯好食！首先出場嘅係韓國四色前菜，個泡菜好好味，夠酸而且辣度啱啱好，蕃石榴都開胃！我不停係咁食食食！韓式嘅海鮮塔全部都係清蒸，同中式海鮮會加好多蒜蓉粉絲一齊蒸好唔一樣，所以韓式嘅食材一定要好新鮮，稍為唔夠新鮮就真係一啖見真章，呢度嘅海鮮食材就very good喇，全部都好鮮味，基本上完全唔需要醬料去調味！第一層嘅蟶子同象拔蚌係我至愛，好大隻，仲好爽脆彈牙，有粒車厘茄又可以refresh下味蕾再繼續！由於店員話我地每層大概有5分鐘食用時間，keep住呢個pace去食就唔會令到其他層數嘅海鮮蒸得太耐影響口感，我地都初初都乖乖地用枱上面個漏斗計時，不過食下食下，我地發現我地清得太快，根本唔會過時！哈哈！元貝都係我平時好鍾意嘅海鮮，今次較啱時間蒸得剛剛好，口感十足

第一次食九重鮮，感覺好特別，服務都幾好坐低已經有成樽水，可以refill，唔怕食食下口渴冇嘢飲點餐之後就送上冷盤，4碗都好冰凍，好啱開胃今次嗌左首爾塔，一共有10款海鮮 (每位$398)。有中銀信用卡/ 黃埔VIP卡仲有9折湯底就加左$50要人參雞湯 (半隻)。醬汁總共有3款，由左至右，分別係海鹽麻油，辣醬同柚子豉油。不過想食得原汁原味，就唔好點太多醬汁喇海鮮塔嘅第1層係象拔蚌同蟶子，兩樣都好有鮮味，好大隻，非常抵之後係元貝，即係帶子。建議唔好倒哂啲汁，食一啖肉再啜一啖汁，更加入味配菜仲有爽口嘅絲瓜！第3層係海蝦，蒸嘅時間啱啱好，蝦肉有咬口特別欣賞配埋金菇同豆腐，可以清清個口先繼續食然後有刀蚌同龍躉，配菜有八爪魚仔同木耳。龍躉仲有啲魚鱗未清，不過魚肉好厚身，好好味第5層係花蛤，但稍為失色。蛤殻好大，但肉就較少。反而白蘿蔔、木瓜襯托返，整體先算不錯再落就係沙巴花蟹、北寄貝同芝士丸。花蟹同北寄貝味道一般，無乜驚喜，亦都較細隻。不過舖排得好靚，加分芝士丸就好多餡，好濃味，一定要試第7層就主要有鮑魚同墨汁豚肉丸。鮑魚厚身，肉質結實，蒸得唔錯蕃薯同南瓜都蒸到好軟熟，好易入口豚肉丸同粟米就無乜特別

九重鮮呢個名字其實一D都唔陌生, 因為真係有太多太多朋友食過同推介比我, 而呢類無水蒸海鮮塔其實都已經係香港興左一段時間了, 我都食過坊間其他類似食店, 但當你試過九重鮮後, 你必定一試愛上, 必無他選~~ 近門口位置擺放了傳統既韓服, 可以比等入坐既客人來個韓妹造型玩下, 披上韓服後, 你可到暫時未開放既VIP 房內影相, 房內擺放了很多具韓式既擺設, 走進房內仿如置身在韓國傳統食店似的~~ 食店頗大, 估計可容納約八十人!!食店探用木製枱凳, 以一字排開, 格局整齊又簡單, 位與位之間又不算擠逼~~ 食店全探用韓式既餐具, 每人還提供一個夾給你用來夾海鮮的, 一人一隻唔洗爭~~ 餐牌內還有溫馨提示, 包括教你每層要太約蒸幾耐, 食法, 同點樣好好運用醬油等...感覺好窩心呀~~ 九層海鮮塔主要分為三款以供食客選擇, 分別有釜山塔(HK$328/位), 首爾塔(HK$398/位)同濟洲塔(HK$568/位), 三者分別只是用上不同海鮮, 我地選擇了中價既首爾塔, 如果還是覺得不夠食, 可以加錢加配更多海鮮~~ 先黎個韓式餐前小食...泡菜: 呢度既泡菜經食

我同屋企人一行3位黎到呢間海鮮專門店，里面既裝修新淨企理，燈火通明，每個座位台面上餐具齊全整潔，一坐下來侍應就遞上餐牌，我地決定試一下中間價位的首爾塔。眼見樓面人手非常充足，侍應很用心服務，上了海鮮塔之後，還會幫客人留意食物時間，更會主動幫手徹走食曬的蒸爐，又樂意向客人講解食用方法，令初來報到的人可以學到很多東西。聽店員的講解，桌上的醬油有三種(如圖)，左邊的是辣椒醬，適合喜歡食辣的朋友，中間的是豉油，適合用黎點蝦，而右邊的是甜酸醬用來點蜆和螺食就比較好。前菜離海鮮塔可以食用有一點時間，侍應端上一個沙律，里面既材料主要係蘋果，薯仔同菠蘿，仲有小小綠色蔬菜。感覺好清新，配上沙律醬，易入口之餘又十分可口。開胃菜開胃菜方面有四小份，分別有大豆芽、酸蘿蔔、泡菜同蓮藕片，甜酸辣咸全部都有助增加口水分泌，令人食慾大開。我地3個人有九層野食第一層係蟶子同象拔蚌，蟶子好大隻，食落好鮮甜，配埋大蔥同蕃茄仔一齊食味道更豐富，而象拔蚌雖然細細隻，但都好彈牙好爽口，兩者都保留到原汁原味。第二層係元貝，size算係幾大隻，里面已經清理好曬，只要加幾粒蔥花已經夠味道，如果配埋粉絲就好啦。第三層係海蝦，大大隻，食落

無水蒸海鮮已經在香港流行了一段時間，當中各食店為了吸客扭盡六壬，最後發展成比天高的九層高層海鮮塔。而食蒸海鮮一般都會選擇中式食店，但最近在朋友介紹下，卻發現有一間韓式食店，海鮮塔不單新鮮，而且門外還提供韓服可以玩cosplay，真可謂食得又玩得。＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊九重鮮位於黃埔花園11期，對於非黃埔人真是滿腦問號，但一說是和光燒肉紅磡分店的舊址，我就知道是在紅磡道和德康街交界附近。食店門外放了幾套傳統韓服，有成人和小童呎碼，每套顏色都不同，旁邊還放了一個鼓，正好可以讓輪候的食客邊等邊拍照。在等候入座期間，我們也玩一下。入口的左手邊有幾間VIP房，其中最外面這一間裝飾成傳統韓屋模樣，由於這間房還未正式開放，所以侍應都讓食客入內拍照。我當然也不執輸！ 食店非常開揚富空間感，座位不算擠迫，但也可客納超過100位食客，全店以白色和淺木色為主調，簡單得來感覺舒適。由於這裡以海鮮塔為主打，所以每枱都放上這個閃得發亮的銀色鐵鍋。而每個座位上，除了基本餐具外，亦提供三色調味料，上至下分別是海鹽麻油、韓式辣醬和柚子甜豉油。海鹽麻油很香麻油味；韓式辣醬頗有辣勁

三月份，初春係鮮花盛開嘅季節，郊區都市都唔難見到花朵蹤影，周邊商品都圍繞著花作設計靈感，食物衣著都有花兒嘅圖案氣味。今日所介紹的不是花，但它也會像花朵一樣，有節氣之分，店家還將它們盛開的景象搬到大家眼前！7:30嚟到餐廳，已經有一半食客坐滿，因為事先訂咗枱，店員好快就安排好位置，枱上有溫水幫助解渴，今日帶點微微細雨，急著走路都比較狼狽，幸好餐廳唔算難搵，沿著黃埔道走就到，如果搭海過巴士嚟，喺紅磡民泰街站落車就係對面！門口有魚兒遊影〜一行行嘅餐枱可算十分實用，亦保留空間比其他食客經過，感覺唔會太侷促，而顏色方面就用上淺啡色木餐枱及坐位，牆上就用清晰的白色，其中有一兩條鮮紅色魚兒，令牆壁多了一份觀賞的感覺。門口另外一邊設有獨立房間，可供4-8位用，設有最低消費。今日就係食九重鮮，九層塔上有滿滿嘅海鮮，逐層逐層慢慢揭開，十分驚喜！同行嘅係喺我由細到大嘅鋼琴老師，佢移居法國居住，今個月返嚟香港兩個禮拜探朋友，身為學生嘅梗係要請老師食返餐好嘢！所有明日之花朵，都是今日的種子。同樣用得上在海鮮上，今日見到貝殼類海產，都有着不同生長方法，在成熟時變成不同嘅形態。筷子、匙羹及一支竹籤，令人呼之欲出一定

年二九晚就是食團年飯時候,家人勁愛食海鮮,那就選擇九重鮮~新開紅磡的分店,食豐富海鮮餐.店裝潢以白色為主,地方簡潔寬敞.餐單有三款選擇.我們選擇中等價格~首爾塔.首先來了韓式四款不同前菜,有青瓜､蓮藕､泡菜等, 可以再添食.* * * *韓式九層蒸塔溫度計顯示約85度,就可以打開層層來食,而海鮮完全沒調味下蒸,可食出原汁原味,食得健康.* * * * 打開第一層聖子及細象拔蚌大大聖子啖啖肉，嚐到爽彈的肉質.* *象拔蚌是細形，想不到鮮甜到震，軟彈非常.* * * *打開第二層 元貝元貝帶著濃郁的鮮甜,顆顆飽滿,口感彈滑嫩、細緻甘甜.* * * *打開第三層 蝦蝦有彈牙扎實的口感,甜美爽口滋味.* * * * 打開第四層 新鮮花尾龍躉及北寄貝龍躉沒魚腥味,鮮味非常,肉感軟腍得來滑溜.* *北寄貝胭脂蚌厚肉鮮甜,咀嚼時有口感非常.* * * *打開第五層 蝴蝶蚌､大蚌及花蛤蝴蝶蚌､大蚌及花蛤是新鮮的,入口肉內沒沙,厚肉好鮮甜.* * * *打開第六層 沙巴肉蟹沙巴肉蟹扎實肉質肥美鮮甜,仲有蟹膏,啖啖蟹肉海水味極濃,滋味極了.* * * *打開第七層鮑魚､日本南瓜及蘿白.雖然不是大鮑魚,但很

紅磡新開的九層海鮮塔食店「九重鮮」，採用蒸氣方式蒸煮海鮮九層塔，聽說這個煮熟方法讓海鮮留住鮮味又不會出現過熟。蒸海鮮已經吃過幾次,今次就來試試九重塔。當天是除夕夜, 人也特別多, 幸好一早book 了位, 於是不用等候已經可以入內。店內環境光鮮, 每一張桌子試也有層層海鮮塔, 很想立刻試試海鮮塔! 我們一行四人選了 398的首爾塔。等候的時間不算長，店員說溫度達至85度便可食用第一層。第一層: 蟶子 象拔蚌象拔蚌味道鮮甜，肉質脆嫩。蟶子鮮美，口感嫩滑爽口。第二層: 元貝元貝大大隻而且鮮味~第三層: 海蝦味道鮮美，肉質Q彈第四層: 蝴蝶蚌, 大花蛤, 木瓜花蛤甜, 而蝴蝶蚌海水味濃。木木瓜是估不到的果甜~第五層: 北寄貝 新鮮花尾龍躉北寄貝鮮味, 而龍躉火喉剛剛好,魚肉很滑和鮮甜。 第六層: 沙巴肉蟹不得不讚廚師的細心, 肉蟹在蒸塔試是完整的。一打開才知道肉蟹已經解體了, 蟹殼已經壓了裂痕, 方便了客人食用, 細心無比。肉蟹身和蟹鉗肉多味鮮, 非常滿足!第七層: 鮑魚鮑魚大大隻 , 原來清蒸味道會挺鮮。第八層: 海螺 粟米 南瓜海螺比較細, 粟米 南瓜甜第九層 : 豬手海鮮粥非常喜歡豬手