FIVE GUYS

Open Now

Now Closed

之前選了“想去”的漢堡包店，也因為受開張宣傳影響，今晚終於都來了。出名的免費花生，細佬去了點餐，我就當然食花生等啦，花生夠咸味夠大粒，但無花生味，而且花生衣周圍飛，有點失望。餐到，勁多薯條。食得出是原個薯仔切條，飽肉，脆口，但無薯仔味……錫紙包的漢堡有點油。包樣正常，第一啖好有“麥記”味，因為塊包和芝士問題，不過細心食會感覺到，原塊厚切蕃茄，生菜和牛肉都都唔同，不過，和花生一樣，蕃茄的微酸，牛肉味都欠缺的。（最後食完才發覺，煙肉呢?究竟是無味還是無放就不得而知)免費花生，任飲汽水，大量薯條，新鮮漢堡肉都是十分高分的，但同時花生，薯條，漢堡牛肉，蕃茄都完全食不出原味就大打折扣了。而且枱面地下易有大量花生衣，坐位比較迫，性價比一般，一試無妨。

店舖以紅色及白色作主調, 很有節日氛圍。價格偏高, 一個little cheeseburger要$65, 一個little fries要$35, 一杯regular coke要$30! 即使其regular是快餐店的大杯, 亦可無限refill, 一個人實在很難多喝, 所以最終決定食完出去買喝的。花生免費任食, 配啤酒正。起初以為弄錯我的點單是外賣, 原來即使堂食也是用紙袋盛載。薯條的份量是2-3人份, 份量之多超出紙杯容量, 感覺用紙杯極不環保。薯條選了cajun style, 我覺得並不辣, 薯條肉厚, 口感不錯。Burger有15款免費配料可選, 我選了蛋黃醬, 生菜, 酸瓜, 蕃茄, 煎炒洋蔥及磨菇。其貌不揚, 味道不錯, 尤其喜歡酸瓜, 既開胃又解膩。

總要跟吓風，昨日去吓話題美國過江龍漢堡包店Five Guys，試吓乜嘢料。下午非繁忙時段去到，基本上唔駛點排隊，好快落完order，由於食物是即叫即製，都要等十分鐘左右，呢個時候當然去拿此店的免費花生食吓啦！以快餐店來說此店真係好貴，要了一個bacon cheeseburger, regular fries同可免費refill的汽水，盛惠$170。基本上所有食物都用紙袋包比你，沒用膠盒，叫做幾環保。講番個漢堡包賣相真係麻麻，由於用錫紙包住保溫，加上包身故意壓過（應是想令食客吃起來方便些），生菜難免會不夠青綠，賣相也不夠整齊。我冇特別要求，店員自動波在配料上幫我選擇招牌的All the way，感覺好豐富，有點pickles 同磨菇，整體來說個包好食過shake shack，但話得說回後者的包外表卻靚仔一點。呢個包包身唔算特別，壓過下已不夠挺身，至於煙肉就好脆口，牛肉餅夠厚，不是好juicy，但亦不致乾身（看錫紙留下的油便知道）。牛肉生熟度以呢個價位（$95）來說，我有要求下會稍嫌過左少少。配料多，唯個包樣衰左一點，芝士我也嫌唔多夠，但味道混在一起倒是唔錯。呢度些薯條好好食，好有薯味又夠