Su Casa (Moved) New Location

一向好喜歡食sucasa，知道去左石門開店，梗係要去試一試！今次去帶埋小朋友，因為聽聞石門呢一間分店，有好抵又好食嘅兒童餐供應。坐低，首先俾小朋友揀咗去想揀嘅兒童餐先，佢揀咗粉紅色嘅車仔，係炸魚薯條餐。大人，梗係要食生蠔，同我至愛嘅Scampi啦！生蠔選左三款，都係店員介紹，店員介紹得好細心，仲會幫你計埋點叫抵，因為生蠔有買一送一，最後選左三款，有六隻，再另叫白酒。生蠔有西班牙同法國蠔。肉質偏向爽口，唔算CREAMY。法國蠔充滿海水味，非常新鮮。Scampi保持水準，蝦肉鮮甜，林滑，彈牙，真係必食之選！香港來說，我暫時只係sucasa食過，唔知仲有邊一間有供應呢。正餐嗌咗意大利飯同埋豬手。意大利飯煮得軟硬度剛剛好，配上龍蝦汁，非常嘢味同飽肚，明顯用料充足，有好多芝士同海鮮。豬手份量好大，以二百零蚊呢個價錢來講，非常抵食。特別想講一講兒童餐，呢個真係一個非一般嘅兒童餐，個Fish N‘ Chips非常好食，好有水準。炸魚皮薄鬆脆，魚肉林滑有肉汁，非常高嘅水準。最後，叫咗一個香桃雪芭成為甜品，非常好食。為我一家畫上一個完美嘅句號！

每次同仔仔去完石門學野都好鐘意係呢邊食野，今次去呢度，位置唔算好顯眼，但環境都唔錯。一坐底，職員就主動拎顏色同畫紙俾兩個小朋友填顏色，所以今餐真係食得好清靜😄今日叫左以下，一家四口食。招牌蠔湯 $68 Creamy 鮮甜，好香蠔味，但一啲都唔腥。香煎鴨肝多士 $88 鴨肝剛剛熟，油香味好正！小虎蝦冬陰公意大利飯 $128冬蔭公味唔算重，少少辣，中和左Risotto 嘅膩，唔錯！炭燒紐西蘭肉眼 $248我地order 7成熟，但變左10成，有啲韌。牛味其實幾香，如果唔韌應該會好好食，而且配菜都好豐富，有蘆筍、西蘭花、蕃茄、小粟米等，啱晒我呢啲鍾意食蔬菜嘅人。原個日本蜜桃雪葩 $68 呢個真係大愛呀！😍😍 好清甜好香嘅桃味，食多5 個都唔怕肥呀！我地仲叫左2份兒童餐 $68 x2 落單後就俾左張票小朋友去扭蛋，兩個豬仔勁開心😃A餐有芝士通心粉，士多啤梨藍莓C餐有茄汁粟米雞粒意粉，魚形餅兩個都有橙汁同芝麻沙律，分量都好多，兩個小朋友都食唔晒，然後繼續填色，我地大人就可以慢慢食。整體來說，我都幾滿意呀！作為家長，好多時食飯都以考慮小朋友為先，呢度有得食兒童餐，又有得扭蛋、填顏色，大人可以好好享

自從比悠姐知道咗我們賣甩佢去咗任食雞煲後，佢嘈住要再帶佢出去食，that's why就出現咗星期一無程程去食親子餐廳的機會了。由於樂悠爸於沙田附近工作，經佢同事介紹知道有間隱世親子餐廳位於石門港鐵站隔離約5分鐘路程，有好味兒童餐供應，完全符合悠小姐要求，於是上星期放工就帶埋悠姐去享受一下啦~一到店面外面望入去已覺非常舒適，可能是平日關係，餐廳人不多，不過闊落的環境就算爆場也一定不會感到焗促擠迫，我們一家三口被安排坐梳化位置，悠姐知道有兒童餐食，未坐低已經喊著要點，而老娘得知新鮮生蠔做緊買一送一優惠，唔洗講已即點了加拿大嘅Galiano生蠔，$58兩隻好抵啊!! 生蠔上枱後不單開得完整還保留了本身嘅海水，原汁原味的，超級正點! 🤤多得餐廳準備了圖畫及顏色給煩音兒童，不然老娘都不能好好享用我的生蠔✌🏻當我品嘗完鮮味生蠔，悠爸才剛點好菜（男人點菜真係好慢，佢聲稱樣樣都好似好正，唔知點揀）我們點了以下幾樣：悠大小姐：兒童餐B - Fish & Chip樂悠爸媽：前菜: 招牌蠔湯 + 黃金軟殻蟹主菜: 加拿大龍蝦意粉 + 紐西蘭肉眼扒甜品: 原個桃雪芭 (極度推介)悠大姐的兒童餐，唔講只睇相都睇

萬聖節呀!雖然香港氣氛麻麻，但始於要食飯嘅，一家三口近近地行去京瑞廣場搵嘢食，有咗比卡豬之後，食飯嘅地方一定要舒適闊落，行過呢度喺門口哥哥仔已經好有禮貌招呼，再睇吓環境，座位大到可以放埋BB車，唔使諗喇就呢度食我地嘅萬聖節晚餐，睇餐牌食物種類都算多，仲有幾款兒童餐添，交俾太座話事，先嚟呢度嘅招牌蠔湯，嗜蠔者一定會超滿足，成碗湯充滿蠔味，第二度從未飲過，當然呢度仲有其他餐湯嘅，因為唔係全部人都喜歡蠔；小虎蝦沙律用料超新鮮，沙律菜真係冇得呃人，小虎蝦上碟係微暖，睇到係用心去整，唔係一早煮好冷藏好，等客人點菜就上嘅貨色，用心；呢度嘅特飲菠蘿有機亞奇籽綠茶係我至鍾意嘅味道，微酸而帶甜，清新醒胃；兒童餐太座點咗炸魚薯條粟米配芝麻沙律加橙汁，唔知係咪因為用架車車做餐盤，比卡豬竟然搶住食，少可少可；到主菜上喇，有我地最愛嘅德國咸豬手，呢度配上酸椰菜，又係第一次食，估唔到咁好食，首先食哂嘅係酸椰菜，哈哈，豬手皮夠脆而肉質不硬入味，唔使點芥辣都夠味，美中不足係我覺得今次我呢隻太細了；最值得推薦嘅係呢個日本帶子菠菜忌廉天使麵，食麵好似食緊菠菜咁嘅感覺，食哂豬手先食都食哂可想而知好味程度；飽到捧住個肚，但甜