金碧酒樓

Open Now

Now Closed

一班人聚會梗係要食返啲懷舊店🫖一嚟可以食多啲款式，二嚟中菜個種圓枱食飯真係特別滋味同有feel🤭🤭不過想食嘅朋友仔記住提早book位，聽聞都要等一兩個月，不過難得食一次都值得嘅🧡仲可以預先講定菜單，一齊人就即刻上菜👍🏻自己就最鍾意食👇🏻🔸蠔鼓生菜包 味道適中，一啲都唔腥，超快清碟，重點！呢道菜唔係周街有得食🔸蜜汁鱔球 平時打邊爐已經好鍾意食鱔片，估唔到蜜汁煮係咁正，皮脆魚肉大大件，甜甜地好易入口，一啲腥味都無，唯一嘅缺點就可能係有啲黏牙🫣🔸茄汁蝦好好好大隻，啲肉彈牙，可惜茄汁唔太入味

由小學至大學畢業初年，每逢農曆新年總會去到彩虹邨向某位長輩拜年，長輩離世後，就沒有再去了；之後就一直沒有機會再去彩虹邨。還記得長輩住在金碧樓，每次拜年都必定經過樓下的「金碧酒樓」，印象中從未試過光顧，依稀記得是一間舊式茶樓，只差在沒有一個個吊起來的雀籠。最近四、五幾年，香港人人懷舊；尤其40歲以上、香港出生的香港人，每個都緬懷那些年的美好時光。往事如煙，但總有一些軌跡可尋；其中一樣事物就是仍然繼續經營的舊式茶樓。無論是馳名老店、抑或屋邨茶居；總之，只要超過50年歷史，見證着香港上世紀六十年開始的經濟起飛，就會廣為人知、兼且被捧為必定要一試的餐廳，其中一間就是彩虹邨的「金碧酒樓」。趁着彩虹邨尚未清拆重建（只是遲早事情），決定約幾個老朋友來到「金碧」朝聖，以免將來後悔。如果不是堅決要來，也不知道真的人氣高企；目標指向星期五，提前兩個星期訂枱也全場滿座，結果要順延一個星期。典型第一代公共屋邨舖位，「金碧」位於樓下地舖，旁邊是一間文具雜貨店，另一邊就是通往樓上住宅單位的樓梯。望見掛在門口已經褪色的招牌，相信自開業以來未曾更換。反而貼在門面的鮮黃底色加紅字海報就非常簇新，雖然沒有任何設計、甚至顯

係食懷舊菜之選，唔單止菜懷舊，就連店舖裝潢都好懷舊。依家服務態度非常唔錯，上菜速度快，會幫手分菜、分湯。杏仁豬肺湯濃稠清甜，鐘意杏仁味的朋友一定要試。包飯份量超級足，生菜唔夠仲可以添加。內含肉碎、冬菇、蔥、脆米等；可直接食，也可夾埋生菜包住一齊食。後者因為有菜提鮮避鹹，會清爽可口很多。豉汁蒸龍鱔，外酥內嫩，鱔肉肥美，但因為太多肥美，食多幾啖就會覺得油膩。總體而言，懷舊菜味道較好，服務質素提升。價錢而言，我個人覺得唔貴唔平，正常。

對上兩個月嚟過食蛇筵, 由於太好味道嘅原固當晚即席予約試試佢哋嘅老派粵菜, 但估唔到食晚飯都要予約成2個月(蛇筵重誇張, 我係4月訂台, 12月先食)。當晚先上杏汁豬肺湯，杏汁味濃郁，肺有煎過，足料，但豬肺略嫌洗得唔夠白，但好味。蠔豉生菜包，分量多，蠔豉豬肉刴到好似黑胡椒粒咁碎, 咬落每啖都有蠔豉嘅平實口感同鹹香加埋豬肉粒嘅咬口，再加生菜包嘅爽脆與清新，整個菜平衡做得好好，有別與老派粵菜偏鹹嘅味道，此道菜好吃。錦滷雲吞，做法正宗， 雲吞片絶對唔係薄切切！鬆化，唔粉，炸得透，熱辣辣，配酸汁加叉橈鮮尤同吃，襯熱吃，絶品。順德鯇魚腸蒸蛋，坊間魚腸一般是焗，此處做法為蒸，原因為魚腸焗比蒸較為好處理，但焗就吃不到魚腸獨有的鮮味及質感，魚腸變得老化沒那麼好吃。固金碧此道順德鯇魚腸蒸蛋對自家的信心甚高，魚腸的鮮味，雞蛋香味，果皮特有甘味三者配合得非常立體，有層次，同為絶品。八寶鴨，絶對老派粵菜味道，鴨肉鬆化不黐牙，連子同樣鬆化香甜好吃，而伴碟的芥菜膽伴以鴨汁共吃可口，絶品。紅燒元蹄，極度邪惡的一道菜，肥肉煮至啫哩一樣，入口即化，元蹄煮致肥而不膩，時間工夫缺一不可，必吃！同為絶品。紅燒龍躉尾，老饕最愛

2018.08.31 😊 【富豪食堂平食懷舊菜】食在彩虹星期五的晚上 是金碧酒樓慶祝54周年的聯歡晚宴🎉這晚的金碧之夜 座無虛席來到的都是一幫真正的老饕小店不論裝潢 還是器具都充滿著懷舊的味道而菜色上亦內有乾坤🤭就連少見的巧手懷舊菜 也能在這一一品嚐難怪富豪們也是小店的忠心粉絲杏汁白肺湯一聽到豬肺湯 年輕一輩可能也會怕怕🐖卻深得小妹歡心 清潤滋補由於洗豬肺的步驟太煩覆 已經很少食店肯做湯底香濃 呈現奶白色 真材實料用上不少豬肺 杏汁味不算太重是女士們美顏恩物蠔球生菜包 錦鹵雲吞生菜包的確是道夏日不錯的開胃菜我們家偶爾也會制作🥗當然沒有小店的材料豐富最特別的是加入了蠔屎 令味道更豐富另一前菜錦鹵雲吞亦不常見將鮮魷 菠蘿 豬潤等食材加入酸甜醬汁🍍最後淋在香脆的雲吞上 非常開胃酥炸蟹鉗 酥炸鮮蝦丸 椒鹽鮮魷接著來到海鮮類別聽說因休魚期關係蟹鉗跟蝦丸只有限量供應小店在火喉上控制出色👍外皮金黃香口 卻毫不油膩前兩者份量亦相當驚人 內涵亦用上原隻鮮蝦而鮮魷亦鮮味彈牙 不會太厚粉漿蜜汁鱔球 魚腸蒸蛋 枸杞浸豬潤小妹期待的蜜汁鱔球來了微甜的醬汁包裹著炸至香脆的鱔偏偏在脆口的魚皮下又有嫩滑的魚肉🐟神奇豐