辨面館 (Closed)

跟住開飯地圖走，揾唔到間店，仲以為摸門釘，原來在轉角斜路上，餐廳店子細細座位唔多，但持續有客人光顧，就知係好野。 點選麵食可以優惠價追加小食及飲品，價錢$5至$40不等，我地追加左好多款。 八珍甜醋雞絲沙律 $35擺盤好西式，感覺食緊西餐，沙律菜新鮮，雞絲肉嫩，配埋八珍甜醋拌住食果然係份外香~一口鮮蝦炸雲吞（4粒） $40雲吞皮好薄好脆口，蝦膠餡料蝦味濃且彈牙，沾上甜酸汁美味，精巧的炸雲吞非常出色，甚有驚喜。龍抄手 （2粒）$15雲吞皮薄滑嘟嘟，雖然底部滿佈紅油同辣椒，但食落唔算好辣，容易入口，$15有兩粒又幾抵喎。 香脆辣子單骨雞翼（4條）$30唔好睇少呢個雞翼，新鮮熱辣炸起，初時食落唔覺辣，但愈食愈麻，好刺激。 慢煮吉列豬扒擔擔麵 $98吉列豬扒香酥脆卜卜，但肉質唔會炸到乾身，擔擔麵湯底杰身濃郁，麵條Q彈，連埋中間隻流心蛋，美味到好似食緊日本沾麵甘。 自家製檸檬薏米水 $10好多薏米夠足料，味道清清地唔甜好解渴。 豆沙鍋餅 $68上碟熱辣辣，豆沙餡軟糯飽滿，正呀!只係稍為外皮硬左少少。

這一晚同老公去左中環行街 四出搵下野食🔍諗起早前有朋友介紹有一間川菜小店🌶決定試下 係這家 辨麵館📍-小店入面位置不算多，但也算整齊💡食物以新派川菜為主 麵會較多選擇呢🥢老公先揀左小食 八珍甜醋雞絲沙律🥗幾精緻酸酸地幾開胃! 餐前食幾好😋-主食方面，我揀左小牛蕃茄麵🍅係好杰身creamy 的蕃茄麵🥢牛肉好多，感覺好FUSHION 有中西合體🤎不過我個人認為太杰身‼️我鍾意比較湯既感覺但蕃茄味好濃的!-老公揀左慢煮吉列豬扒擔擔麵🧡我反而鍾意辣辣地好開胃🌶吉列豬扒係另上的 夠晒脆口兩樣野一齊食都幾夾 幾惹味✅-我們再點了雞湯西蘭花🥦絕對係健康之選! 飲品我們就點了最基本的檸檬茶同檸檬水!🍋-價錢幾抵食既晚餐 以中環來講CP值高 有新鮮感🤭不過地點真係唔易 絕對要花時搵🔎同埋環境就普通及簡單一點⚠️

下班後到跟好友到石板街閒逛，發現排檔旁有一麵館隱身在內，好奇心驅使下入內一試原來小店由前米芝連一星川菜主廚親自打理，標榜無味精空間不算大，座位不多，裝潢風格充滿中國特色牆上掛上了多個臉譜，讓人感覺置身於觀眾席欣賞變面表演般招牌蝦米辣油拌蝦球麵有三顆乒乓球大小的大蝦，爽口有彈性川牛麵可加$12轉稻庭烏冬，醬汁不算十分辣堂食送汽水，加$5可有凍熱飲品、茶或咖啡追加小食龍抄手飽滿夠惹味，自製的辣汁吃起來很愜意八珍甜醋雞絲沙律以傳統的八珍甜醋做沙律醋，酸甜開胃四川炸雞炸至金黃色，口感酥脆，配啤酒痛快又紓壓雪花臉譜啤酒正進行買一送一優惠，口感柔和串燒慢煮香草牛肋串以56度慢煮，肉質軟嫩甜品豆沙鍋餅外皮煎炸得又香又脆，豆沙餡香滑軟熟